kaalaahaari marusthal

kaalaahaari marusthal tatha isko aavrut karne waali kaalaahaari ghaati ka kshetr

kaalaahaari vishv ka ek vishaal maroos‍aathal hai. kaalaahaari marusthal ka kshetr dakshinvarti afreeka ke botsavaana, naameebiya tatha dakshin afreeka deshon ki seema mein lagbhag 9 lakh vargakilomeetar mein vistrut hai. isko aavrut karne waali kaalaahaari ghaati koi 25 lakh varg kilometer mein faili hai. marusthal mein saalaana 8-19 semi varsha hoti hai. iske kuchh hisson mein saal mein teen maheene varsha hoti hai jiski vajah se yahaaain pashuon ki aabaadi bhi dekhne ko milti hai. yahaaain rahane waali janajaatiyon ko bushamain kaha jaata hai. 1980 ke dashak mein yahaaain ke vanya jeev sanrakshan ke kai upaaya hue. yeh ek ushn katibandheeya marusthal hai . iske pashchim mein naameeb marusthal hai. kaalaahaari mein do bade namak ke maidaan bhi hai . iske uttar pashchim mein okaavango nadi delta banaati hai jo vanyajeevan se bharpoor hai. is registaan mein pai jaane waali ret bhi sthaan-sthaan par bhinn rang ki hoti hai. kuchh log kaalaahaari ko registaan naheen maanate, kyonki yahaaain par varsha ka star kaafi achha hai. jaade ke dinon mein yahaaain ka taapamaan jamaav bindu se neeche chala jaata hai. is registaan mein jeev-jantuon aur vanaspatiyon ki vibhinn prajaatiyaaain pai jaati hain.yeh registaan apne khanijon ke liye bahut prasiddh hai, yahaaain heera ,nikal tatha Uranium aadi ke paryaapt bhandaar maujood hain.yeh registaan dakshin mein 'oreinj nadi tatha uttar mein jaambeji nadi ke beech sthit hai.'kaalaahaari' shabd sanbhavat: 'keer' se bana hai, jiska arth hota hai-'behad pyaas'. yeh bhi kaha jaata hai ki kaalaahaari ek vishesh janajaateeya shabd hai,jo 'kaalaagaari' athva 'kaalaagaare' se utpann hua hai, jiska arth hota hai-'jalaviheen sthaan'. anya registaanon ki bhaanti is sthaan par bhi ret ke teele va bajari ke samatal kshetr hain. yahaaain ke teele lagbhag sthir rahate hain. kaalaahaari registaan mein adhiktar ret bahut maheen tatha kaheen-kaheen par laal rang to kaheen par sleti rang ki hoti hai. yeh vivaad ka vishay hai ki kya kaalaahaari vaastavik roop mein ek registaan hain? kuchh logon ka yeh maanana hai ki kaalaahaari ko registaan ki shreni mein naheen rakha ja sakta.iska kaaran yeh hai,kyonki yahaaain par varsha ka star 250 se.mi. se adhik rahata hai. is registaan ka adhikaansh kshetr jeevaashm-registaan maana gaya hai. registaan ka dakshin-pashchimi bhaag ati shushk hai. yahaaain greeshm ritu mein taapamaan 20 degree celcius se 40 degree celcius ke madhya rahata hai. jabki sheetakaal mein yahaaain ka taapamaan jamaav bindu se bhi neeche chala jaata hai. kaalaahaari registaan mein sher ,lakadbaghgha, hirn tatha anek prakaar ke sareesrup aur pakshi paae jaate hain. kaalaahaari registaan mein 400 se adhik vanaspatiyaaain pai jaati hain. lekin babool ki jhaadiyaaain tatha anya ghaas yahaaain badi maatra mein paida hoti hain. kaalaahaari registaan mein nivaas karne vaale logon mein adhiktar khaanaabadosh yaani 'yaayaavar'log hi hain, jo praaya:apna sthaan badalate rahate hain. yahaaain ke sthaai nivaasiyon ko bushamain kaha jaata hai. yeh log anek janajaateeya logon ka mila- jula naam hai. bushamain jaati ke log kaalaahaari ke registaani kshetr mein pichhle bees hajaar varshon se nivaas kar rahe hain. ve dhanush aur jahar vaale teer ke saath jangali jaanvaron ka shikaar karte hai.ye log registaani jameen ke neeche ugane vaale paudhon ke jadon aur kharaboojon se aavashyak jal praapt kar lete hai. shuturamurg ke ande mein jal sanchit kar lete hai. ye log lambi ghaas aur shaakhaaon se bani jhopadi mein rahate hai. is marubhoomi mein samuchit maatra mein koyala , heera , taaainba , nikal tatha Uranium ke bhandaar upasthit hain. vishv mein heeron ki pramukh khadaanon mein poorvottar kaalaahaari ke aaropa kshetr mein sthit heere ki Khan bhi shaamil hai.

sandarbh