kaakateeya vansh

1190 E. ke baad jab kalyaan ke chaalukyon ka saamraajya tootakar bikhr gaya tab uske ek bhaag ke svaami Warangal ke kaakateeya hue; doosare ke dvaarasamudr ke hoesal aur teesare ke devagiri ke Yadav. svaabhaavik hi yeh bhoomi kaakateeyon ke anya shaktiyon se sangharsh ka kaaran ban gayi. kaakateeyon ki shakti prolaraaj dviteeya ke samay vishesh badhi. uske pautr ganapati ne dakshin mein kaanchi tak apne saamraajya ka vistaar kiya. ganapati ki kanya rudranma itihaas mein prasiddh ho gayi hai. usaki shaasananeeti ke prabhaav se kaakateeya saamraajya ki samunnati hui. venis ke yaatri Marco polo ne rudranma ki badi saraahana ki hai.

parichay

prataaparudrev pratham aur dviteeya, kaakateeya raajaaon, ko Delhi ke sultaanon se bhi sangharsh karna pada. alaauddeen khilji dvaara bheji sena ko 1303 E. mein kaakateeya prataaparudradev se haarakar lautana pada. chaar varsh baad yaadavon ki paraajaya se utsaahit hokar musalmaan fir kaakateeya naresh par chadh aae. sultaan ka uddeshya Warangal ke raajya ko Delhi ki saltanat mein milaana na tha–us door ke raajya ka, doori ke hi kaaran, samuchit shaasan bhi Delhi se sambhav na tha–vah to maatr prataaparudradev dvaara apna aadhiptya sveekaar karaana aur usaka amit dhan svaayatt karna chaahata tha. usane apne senaapati malik kaafoor ko aadesh bhi diya ki yadi kaakateeya raaja usaki shartein maan lein to use vah bahut pareshaan na kare. prataaparudradev ne Warangal ke kile mein baithakar malik kaafoor ka saamana kiya. safal ghera daal kaafoor ne kaakateeya naresh ko 1310 mein sandhi karne par majaboor kiya. malik kaafoor ko kaakakeeya raaja se bheint mein 100 haathi, 7,000 ghode aur anant ratn tatha dhaale hue sikke mile. iske atirikt raaja ne Delhi ke sultaan ko vaarshik kar dena bhi sveekaar kiya. alaauddeen ki mrutyu par faili araajakata ke samay prataaparudradev dviteeya ne vaarshik kar dena band kar diya aur apne raajya ki seemaaeain bhi paryaapt badha leen. sheegra hi tuglak vansh ke pehle sultaan gayaasuddeen ne apne bete muhammad jauna ko sena dekar Warangal jeetne bheja. jauna ne Warangal ke kile par ghera daal diya aur hinduon ne ji todkar usaka saamana kiya to use baadhya hokar Delhi lautana pada. chaar maheene baad sultaan ne Warangal par fir aakraman kiya. ghamaasaan yuddh ke baad kaakateeya naresh ne apne parivaar aur saradaaron ke saath aatmasamarpan kar diya. raaja Delhi bhej diya gaya aur kaakateeya raajya par Delhi ka adhikaar ho gaya. jauna ne Warangal ka sultaanapur naam se naya naamakaran kiya. vaise kaakateeya raajya Delhi ki saltanat mein mila to naheen liya gaya par usaki shakti sarvatha toot gayi aur uske pichhle kaal mein raaja shreeviheen ho gaye. Warangal ki pichhle kaal ki ek raani ne telangaana ko shakti to naheen par shaaleenata nishchaya pradaan ki jab apni asmat par haath lagaane ka saahas karanevaale musalmaan navaab ke usane chhakke chhuda diye. telangaana ka adhiktar bhaag nijaam ke adhikaar mein raha hai aur usaki rajdhani Warangal rahi hai.

baahari kadiyaaain