kaakabhushundi

kaakabhushundi raamacharitmaanas ke ek paatr hain. sant tulaseedaas ji ne raamacharitmaanas ke uttarakaand mein likha hai ki kaakabhushundi paramajnyaaani raamabhakt hain. raavan ke putr meghanaath ne Ram se yuddh karte huye Ram ko naagapaash se baaaindh diya tha. devarshi naarad ke kehne par garood, jo ki sarpabhakshi the, ne naagapaash ke samast naagon ko khaakar Ram ko naagapaash ke bandhan se chhudaaya. Ram ke is tarah naagapaash mein baindh jaane par Ram ke paramabrahm hone par garud ko sandeh ho gaya. garud ka sandeh door karne ke liye devarshi naarad unhein brahma ji ke paas bheja. brahma ji ne unase kaha ki tumhaara sandeh Bhagwan shankar door kar sakte hain. Bhagwan shankar ne bhi garud ko unka sandeh mitaane ke liye kaakabhushundi ji ke paas bhej diya. ant mein kaakabhushundi ji Ram ke charitra ki pavitra katha suna kar garud ke sandeh ko door kiya. garud ke sandeh samaapt ho jaane ke pashchaat kaakabhushundi ji garud ko swayam ki katha sunaaya jo is prakaar hai:

poorv ke ek kalp mein kaliyug ka samay chal raha tha. usi samay kaakabhushundi ji ka pratham janm ayodhya puri mein ek shoodr ke ghar mein hua. us janm mein ve Bhagwan Shiv ke bhakt the kintu abhimaanapoorvak anya devataaon ki ninda karte the. ek baar ayodhya mein akaal pad jaane par ve ujjain chale gaye. vahaaain ve ek dayaalu braahman ki seva karte huye unheen ke saath rahane lage. ve braahman Bhagwan shankar ke bahut bade bhakt the kintu Bhagwan vishnu ki ninda kabhi naheen karte the. unhonne us shoodr ko Shiv ji ka mantr diya. mantr paakar usaka abhimaan aur bhi badh gaya. vah anya dvijon se irshya aur Bhagwan vishnu se droh karne laga. uske is vyavahaar se unke guru (ve braahman) atyant du:khi hokar use shri Ram ki bhakti ka upadesh diya karte the.

ek baar us shoodr ne Bhagwan shankar ke mandir mein apne guru, arthaat jis braahman ke saath vah rahata tha, ka apamaan kar diya. is par Bhagwan shankar ne aakaashavaani karke use shaap de diya ki re paapi! toone guru ka niraadar kiya hai isaliye too sarp ki adham yoni mein chala ja aur sarp yoni ke baad tujhe 1000 baar anek yoni mein janm lena pade. guru bade dayaalu the isaliye unhonne Shiv ji ki stuti karke apne shishya ke liye kshama praarthana ki. guru ke dvaara kshama yaachana karne par Bhagwan shankar ne aakaashavaani karke kaha, "he braahman! mera shaap vyarth naheen jaayega. is shoodr ko 1000 baar janm avashya hi lena padega kintu janmane aur marne mein jo du:sah du:kh hota hai vah ise naheen hoga aur kisi bhi janm mein iska gyaan naheen mitega. ise apne pratyek janm ka smaran bana rahega jagat mein ise kuchh bhi durlabh na hoga aur iski sarvatr abaadh gati hogi meri krupa se ise Bhagwan shri Ram ke charanon ke prati bhakti bhi praapt hogi."

iske pashchaat us shoodr ne vindhyaachal mein jaakar sarp yoni praapt kiya. kuchh kaal beetane par usane us shareer ko bina kisi kasht ke tyaag diya vah jo bhi shareer dhaaran karta tha use bina kasht ke sukhapoorvak tyaag deta tha, jaise manushya puraane vastr ko tyaag kar naya vastr pahan leta hai. pratyek janm ki yaad use bani rahati thi. shri raamachandr ji ke prati bhakti bhi usamein utpann ho gayi. antim shareer usane braahman ka paaya. braahman ho jaane par jnyaaanapraapti ke liye vah lomash rishi ke paas gaya. jab lomash rishi use gyaan dete the to vah unase anek prakaar ke tark-kutark karta tha. uske is vyavahaar se kupit hokar lomash rishi ne use shaap de diya ki ja too chaandaal pakshi (kauaa) ho ja. vah tatkaal kauaa bankar ud gaya. shaap dene ke pashchaat lomash rishi ko apne is shaap par pashchaataap hua aur unhonne us kaue ko vaapas bula kar raamamantr diya tatha ichha mrutyu ka varadaan bhi diya. kaue ka shareer paane ke baad hi raamamantr milne ke kaaran us shareer se unhein prem ho gaya aur ve kaue ke roop mein hi rahane lage tatha kaakabhushundi ke naam se vikhyaat huye.