kaadambari

kaadambari sanskrut saahitya ka mahaan upanyaas hai. iske rachanaakaar vaanabhatt hain. yeh vishv ka pratham upanyaas kahalaane ka adhikaari hai. iski katha sambhavat: gunaadhya dvaara rachit baddakaha (vruhadkatha) ke raaja sumaanas ki katha se li gayi hai. yeh granth baanabhatt ke jeevanakaal mein poora naheen ho saka. unki mrutyu ke baad unke putr bhooshanabhatt (ya pulindabhatt) ne ise poora kiya aur pita dvaara likhit bhaag ka naam 'poorvabhaag' evam swayam dvaara likhit bhaag ka naam 'uttarabhaag' rakha.

jahaaain harshacharitm aakhyaayika ke liye aadarsharoop hai vahaaain gadyakaavya kaadambari katha ke roop mein. baan ke hi shabdon mein is katha ne poorvavarti do kathaaon ka atikraman kiya hai. alabdhavaidagdhyavilaasamugdhaya dhiya nibddheya-matidvayi katha-kadambari. sambhavat: ye kathaaeain gunaadhya ki bruhatkatha evam subandhu ki vaasavadatta theen.

aisa prateet hota hai ki baan is kruti ko sampoorn kiye bina hi divangat hue jaisa ki unke putr ne kaha hai:

yaate divan pitri tadvachasaiv saardh
vichhedamaap bhuvi yastu kathaaprabandh:.
du:khan sataan yadasamaaptikrutan vilokya
praaranya ev s maya na kavitvadarpaat..

pulind athva bhooshanabhatt ne is katha ko sampoorn kiya.

kathaavastu

kaadambari ki katha sankshep mein is prakaar hai:

ismein ek kaalpanik katha hai jismein chandraapeed tatha pundareek ke teen janmon ka ullekh hai. kathaanusaar vidisha naresh shoodrak ke darbaar mein ateev sundari chaandaal kanya vaishampaayan naamak tote ko lekar aati hai. yeh tota manushya ki boli bolata hai. raaja ke prashnottar mein tota bataata hai ki usaki (tote ki) maata mar chuki hai aur uske pita ko aakhetak ne pakad liya tatha use jaabaali muni ke shishya pakad kar aashram mein le gaye. isi ke beech rishi jaabaali dvaara raaja chandraapeed tatha uske mitr vaishampaayan ki katha hai.

ujjayini mein taaraapeed naam ka ek raaja tha jiska shukanaas naam ka ek buddhimaan mantri tha. raaja ko chandraapeed naam ke ek putr ki praapti hui aur mantri ke putr ka naam vaishampaayan tha. digvijya ke prasang mein chandraapeed ek sundar achhodasarovar par pahuaincha jahaaain asamaya mein divangat premi pundareek ki prateeksha karti hui kaamapeedit kumaari mahaashveta naam ki ek sundari use mili. mahaashveta ne apni sakhi kaadambari ke vishay mein chandraapeed ko bataaya aur uske kaadambari ke paas le gayi. pratham darshan se hi kaadambari aur chandraapeed ka prem ho gaya. tabhi chandraapeed ke pita ne use vaapis bulaaya aur apni patralekha naam ki parichaarika ko kaadambari ke paas chhodkar chandraapeed vaapas aa gaya. patralekha ne bhi kaadambari-vishyak soochana ko bhejate hue chandraapeed ko prasann rakha. baan ki kruti yahaaain samaapt ho jaati hai.

jahaan tak kathaanak ka sambandh hai, baanabhatt bruhatkatha ke rini hain. somadev dvaara rachit bruhatkatha ke sanskrut sanskaran mein upalabdh somadev evam kamarandrika ki katha chandraapeed evam kaadambari ki katha se saamya rakhati hain. parantu shukanaas ka charitra-chitran vaishampaayan tatha mahaashveta ki premakatha ityaadi baan ki kalpana hai. kathaanak ke aavishkaar ke liye baan ko yash praapt naheen hua balki udaatt charitra-chitran, vividh varnan, maanaveeya bhaavon ke chitran tatha prakruti saundarya ke kaaran hi baan ko kaviyon mein uchch sthaan ki praapti hui hai.

baahari kadiyaaain