jyotiraav govindaraav fule

karaad mein sthit ek jyotiba fule ki moorti

mahaatma jotiraav govindaraav fule (janm - 11 April 1827, mrutyu - 28 November 1890), j‍aayotiba fule ke naam se prachalit 19veen sadi ke ek mahaan bhaarateeya vichaarak, samaaj sevi, lekhak, daarshanik tatha kraantikaari kaaryakarta the. sitmbar 1873 mein inhone Maharashtra mein satya shodhak samaaj naamak sanstha ka gathan kiya. mahilaaon va daliton ke utthaan ke liya inhonne anek kaarya kiye. samaaj ke sabhi vargo ko shiksha pradaan karne ke ye prabal samathark the.

anukram

aaranbhik jeevan

mahaatma jyotiba fule ka janm 1827 E. mein Pune mein hua tha. unka parivaar kai peedhi pehle sataara se Pune aakar foolon ke gajare aadi banaane ka kaam karne laga tha. isliye maali ke kaam mein lage ye log 'fule' ke naam se jaane jaate the. jyotiba ne kuchh samay pehle tak maraathi mein adhyayan kiya, beech mein padhaai chhoot gayi aur baad mein 21 varsh ki umr mein angreji ki saataveen kaksha ki padhaai poori ki. inka vivaah 1840 mein saavitri baai se hua, jo baad mein s‍aavayan ek mashahoor samaajasevi bani. dalit va s‍aatri shiksha ke kshetr mein donon pati-pat‍aani ne milkar kaam kiya.

vichaaradhaara

j‍aayotiba fule bhaarateeya samaaj mein prachalit jaati aadhaarit vibhaajan aur bhedabhaav ke khilaaf the.

kaaryakshetr

un‍aahonne vidhvaaon aur mahilaaon ke kalyaan ke liye kaafi kaam kiya. unhonne iske saath hi kisaanon ki haalat sudhaarane aur unke kalyaan ke liye bhi kaafi prayaas kiye. striyon ki dasha sudhaarane aur unki shiksha ke liye jyotiba ne 1851 mein ek school khola. yeh is kaam ke liye desh mein pehla vidyaalaya tha. ladkiyon ko padhaane ke liye adhyaapika naheen mili to unhonne kuchh din swayam yeh kaam karke apni patni saavitri ko is yogya bana diya. uchch varg ke logon ne aarambh se hi unke kaam mein baadha daalne ki cheshta ki, kintu jab fule aage badhte hi gaye to unke pita par dabaab daalkar pati-patni ko ghar se nikaalava diya isse kuchh samay ke liye unka kaam ruka avashya, par sheegra hi unhonne ek ke baad ek baalikaaon ke teen school khol diye.

vidyaalaya ki sthaapana

jyotiba ki sant-mahatmaaon ki jeevaniyaaain padhne mein badi ruchi thi. unhein gyaan hua ki jab Bhagwan ke saamane sab nar-naari samaan hain to unamein ooainch-neech ka bhed kyon hona chaahiye. striyon ki dasha sudhaarane aur unki shiksha ke liye jyotiba ne 1851 mein ek school khola. yeh is kaam ke liye desh mein pehla vidyaalaya tha. ladkiyon ko padhaane ke liye adhyaapika naheen mili to unhonne kuchh din swayam yeh kaam karke apni patni saavitri ko is yogya bana diya. uchch varg ke logon ne aarambh se hi unke kaam mein baadha daalne ki cheshta ki, kintu jab fule aage badhte hi gaye to unke pita par dabaab daalkar pati-patni ko ghar se nikaalava diya isse kuchh samay ke liye unka kaam ruka avashya, par sheegra hi unhonne ek ke baad ek baalikaaon ke teen school khol diye.

mahaat‍aama ki upaadhi

daliton aur nirbal varg ko nyaaya dilaane ke liye jyotiba ne 'satyashodhak samaaj' sthaapit kiya. unki samaajaseva dekhkar 1888 E. mein Mumbai ki ek vishaal sabha mein unhein 'mahaatma' ki upaadhi di. jyotiba ne braahman-purohit ke bina hi vivaah-sanskaar aarambh karaaya aur ise Mumbai High Court se bhi maanyata mili. ve baal-vivaah virodhi aur vidhva-vivaah ke samarthak the.

sandarbh