jyoos

jyoos (angreji: Zeus, yoonaani : djeus) praacheen yoonaani dharm (greek dharm) ke sarvochch devata the. vo sabhi devataaon ke raaja the. bhaashaavid maanate hain ki jyoos ka naam aadim-hind-Europeeya (aadim aarya) logon ke pramukh devata dyeus ke naam ka roopantaran hai -- jo devata dyaus ke naam se rigved mein sabhi devataaon ke pita maane gaye hain. devaraaj jyoos ki patni heera theen. jyoos baadal, kadkati bijli aur vajr ke devata the. vo indr ki tarah vajr liyi rahate the. unke liye praacheen yoonaan (grees) mein kai khoobasoorat mandir the, jahaaain unke naam par pashubali chadhaai jaati the. praacheen roman dharm mein unke samatulya devata the jupitr jinhein praacheen sanskrut saahitya mein vruhaspati devataaon ke guru kaha gaya hai, samaan prateet hote hain.