jog jal prapaat

jog jal prapaat

jog prapaat Maharashtra aur Karnataka ki seema par sharaavati nadi par hai. yeh chaar chhote-chhote prapaaton - raaja, raaket, rorar aur daam blaachein - se milkar bana hai. iska jal 250 meter ki ooainchaai se girkar bada sundar drushya upasthit karta hai. iska ek anya naam jerasappa bhi hai.[1]

bhoogol

gerasappa Karnataka tatha Maharashtra raajyon ki seema par shivmoga jile ke pradhaan kendra se 95 kimi door sthit hai. shivmoga se prapaat tak motor maarg hai, jo manoram jangalon se hokar gaya hai. raaste mein chaar vishraamagruh hai.

yahaaain chaar prapaat hain. ye prapaat shiraavati naamak nadi ke ooainchaai se girne ke kaaran bante hain. pratham prapaat me, jise raaja kehte hein, jal 829 foot ki ooainchaai se 132 foot gahre kund mein girta hai. darshak oopar se is atal gaddhe mein dekh sakte hain. dviteeya prapaat mein fenil jal ka teevr pravaah ghumaavadaar maarg se hota hua ek guha mein pahuainchata hai, jahaaain se vah raaja prapaat ke kataav mein gir jaata hai. teesara prapaat kuchh dakshin hatkar hai. ismein se jal ki dhaara fen ke roop mein, jhatke se, nirantar niklati rahati hai aur aatishbaaji ke agnibaan ki bhaaainti rang-birange chamakeele binduon mein bikhrakar neeche girti hai. iske bhi dakshin chaturth prapaat ki feete samaan paani ki chaadaron ka kram hai, jo shila ki dhaalavaaain satah se neeche girti hain. is prapaat ka sabse sundar drushya Karnataka ki or se dikhaai padta hai. jahaaain paani girta hai vahaaain tak pahuainchane ka maarg kathin hai, kintu vahaaain tak pahuainche bina prapaat ki shobha ka poora aanand naheen mil sakta.

garami ke dinon mein is prapaat ka jal ksheen ho jaata hai aur varsha mein jal ki adhikta ke kaaran gadhdhe ka samast kshetr ghane abhedya kuhare se dhaka rahata hai. is sthaan par Maharashtra tatha Karnataka donon raajyon dvaara jalashakti se vidyut utpaadan ke bade bade sanyantr sthaapit kiye gaye hain.

sandarbh