jnyaaaneshvar

sant jnyaaaneshvar Maharashtra ke ek mahaan sant the jinhone jnyaaaneshvari ki rachana ki. sant jnyaaaneshvar ki ganana Bhaarat ke mahaan santon evam maraathi kaviyon mein hoti hai.

sant jnyaaaneshvar
guru/shikshak nivrutteenaath
darshan naath sanpradaaya, vaarakari, vaishnav sanpradaaya
khitaab/sammaan sant maraathi mein jiska arth hai "sant"
saahityik kaarya jnyaaaneshvari (bhaavaarthadeepika), amrutaanubhav, haripaath, abhang bhakti kavita

jeevani

sant jnyaaaneshvar ka janm 1275 isavi mein Maharashtra ke Aurangabad jile mein paithan ke paas aapegaaainv mein bhaadrapad ke Krishna paksh ki ashtami ko hua tha. inke pita ka naam vitthal pant evam maata ka naam rukmini baai tha. muktaabaai inki bahan theen. inke donnon bhaai nivruttinaath evam sopaanadev bhi sant svabhaav ke the.

inke pita ne javaani mein hi gruhasth ka parityaag kar sannyaas grahan kar liya tha parantu guru aadesh se unhein fir se gruhasth-jeevan shuru karna pada. is ghatna ko samaaj ne maanyata naheen di aur inhein samaaj se bahishkrut hona pada. jnyaaaneshvar ke maata-pita se yeh apamaan sahan naheen hua aur baalak jnyaaaneshvar ke sir se unke maata-pita ka saaya sada ke liye uth gaya.

un dinon saare granth sanskrut mein the aur aam janta sanskrut naheen jaanti thi astu tejasvi baalak jnyaaaneshvar ne keval 15 varsh ki umr mein hi geeta par maraathi mein jnyaaaneshvari naamak bhaashya ki rachana karke janta ki bhaasha mein gyaan ki jholi khol di. ye sant naamadev ke samakaaleen the aur unke saath poore Maharashtra ka bhraman kar logon ko gyaan-bhakti se parichit karaaya aur samata, samabhaav ka upadesh diya. maatr 21 varsh ki umr mein yeh mahaan sant evam bhaktakavi ne is nashvar sansaar ka parityaagakar samaadhist ho gaye.

inhein bhi dekhein

sant jnyaaaneshvarake baaremein banaai gayi film - sant jnyaaaneshvar (film) jnyaaaneshvar mahaaraaj dvaara likhit bhaavaarth deepika, geeta par tika gyaan ka bhandaar hain. shirdi ke saain Baba ne bhi apne kai bhakto ko jnyaaaneshvari padhne ki aajnyaa di thi.(shri saain satchaaritr ke anusaar)