jhanda geet

"jhanda geet"
raashtrabhakti
release fravari 19, 1938 (1938-02-19)
sangeet prakaar deshbhakti
bhaasha hindi
rachaita shyaamalaal gupt 'paarshad'

Bhaarat ke jhanda geet ki rachana shyaamalaal gupt 'paarshad' ne ki thi. 7 pad vaale is mool geet se baad mein Congress nein teen pad (pad sankhya 1, 6 va 7) ko sanshodhit karke 'jhandaageet' ke roop mein maanyata di. yeh geet na keval raashtreeya geet ghoshit hua balki anek naujavaanon aur navayuvatiyon ke liye desh par mar mitne hetu prerana ka srot bhi bana.

anukram

mool jhanda geet

mool roop mein likha gaya jhanda geet is prakaar hai:-

vijayi vishv tiranga pyaara, jhanda ooaincha rahe hamaara.
sada shakti sarasaane wala
prem-sudha barasaane wala
veeron ko harasaane wala
maatrubhoomi ka tan-man saara, jhanda ooaincha rahe hamaara. 1.
laal rang bajarangabali ka
hara ahal islaam Ali ka
shvet sabhi dharmon ka teeka
ek hua rang nyaara-nyaara, jhanda ooaincha rahe hamaara. 2.
hai charakhe ka chitr sainvaara
maano chakr sudarshan pyaara
hare rang ka sankat saara
hai yeh sachcha bhaav hamaara, jhanda ooaincha rahe hamaara. 3.
svatantrata ke bheeshan ran mein
lakhakar badhe josh kshan-kshan mein
kaaainpe shatru dekhkar man mein
mit jaaye bhaya sankat saara, jhanda ooaincha rahe hamaara. 4.
is jhande ke neeche nirbhaya
lein svaraajya ham avichl nishchaya
bolo Bhaarat maata ki jaya
svatantrata ho dhyeya hamaara, jhanda ooaincha rahe hamaara. 5.
aao pyaare veero aao
desh-dharm par bali-bali jaao
ek saath sab mil kar gaao
pyaara Bhaarat desh hamaara, jhanda ooaincha rahe hamaara. 6.
shaan na iski jaane paaye
chaahein jaan bhale hi jaaye
vishv vijay kar ke dikhlaayein
tab hove pran poorn hamaara, jhanda ooaincha rahe hamaara. 7.

jhanda geet ka itihaas

"vijayi vishv tiranga pyaara, jhanda ooaincha rahe hamaara" naamak ukt suvikhyaat jhanda geet ko 1938 ke Congress adhiveshan mein sveekaar kiya gaya tha. is geet ki rachana karne vaale shyaamalaal gupt 'paarshad' Kanpur mein naraval ke rahane vaale the. unka janm 16 September 1893 ko vaishya parivaar mein hua tha. gareebi mein bhi unhonne uchch shiksha haasil ki thi. unamein deshbhakti ka atoot jajba tha, jise vah praay: apni ojasvi raashtreeya kavitaaon mein vyakt karte the. Congress ke sakriya kaaryakarta rahane ke baad vah 1923 mein fatehapur ke jila Congress adhyaksh bhi bane. vah 'sachiv' naam ka ek akhbaar bhi nikaalate the. jab yeh lagbhag tay ho gaya tha ki ab aajaadi milne hi waali hai, us vakt Congress ne desh ke jhande ka chayan kar liya tha. lekin ek alag “ajhanda geeta” ki jaroorat mahasoos ki ja rahi thi. ganesh shankar 'vidyaarthi', paarshad ji ke kaavya-kaushal ke kaayal the. vidyaarthi ji ne paarshad ji se jhanda geet likhne ka anurodh kiya. paarshad ji kai dinon tak koshish karte rahe, par vah santoshajanak jhanda geet naheen likh paae. jab vidyaartheeji ne paarshad ji se saaf-saaf kah diya ki unhein har haal mein kal subah tak "jhanda geet" chaahiye, to vah raat mein kaagaj-kalam lekar jam gaye.

aadhi raat tak unhonne jhande par ek naya geet to likh daala, lekin vah khud unhein jama naheen. niraash ho kar raat do baje jab vah sone ke liye lete, achaanak unke bheetar naye bhaav umadne lage. vah bistar se uth kar naya geet likhne baith gaye. paarshad ji ko laga jaise unki kalam apne aap chal rahi ho aur 'Bhaarat maata' un se vah geet likha rahi ho. yeh geet tha-"vijayi vishv tiranga pyaara, jhanda ooaincha rahe hamaara." geet likh kar unhein bahut santosh mila.

subah hote hi paarshad ji ne yeh geet 'vidyaarthi' ji ko bhej diya, jo unhein bahut pasand aaya. jab yeh geet mahaatma Gandhi ke paas gaya, to unhonne geet ko chhota karne ki salaah di. aakhir mein, 1938 mein Congress ke adhiveshan mein netaaji subhaashachandr Bose ne ise desh ke "jhanda geet" ki sveekruti de di. yeh aitihaasik adhiveshan haripura mein hua tha. netaaji ne jhandaarohan kiya aur vahaaain maujood kareeb paaainch hajaar logon ne shyaamalaal gupt paarshad dvaara rache jhanda geet ko ek sur mein gaaya.

raashtreeya jhanda athva svadeshi khaadi par pratibndh

pandit chandrika prasaad 'jijnyaaasu' dvaara sampaadit pustak raashtreeya jhanda athva svadeshi khaadi par british raaj mein pratibndh isliye laga diya gaya tha kyoainki sampaadak ne us pustak mein is geet ke pad kramaank 2 aur 3 ko chhodkar keval paaainch pad raashtreeya jhanda sheershak se chhaap diye the. yeh pustak nai Delhi sthit raashtreeya abhilekhaagaar, Bhaarat mein pratibndhit saahitya avaapti kramaank 1679 ke antargat aaj bhi surakshit rakhi hui hai.[1]


inhein bhi dekhein

sandarbh

baahari kadiyaaain