jhanak jhanak paayal baaje (1955 film)

jhanak jhanak paayal baaje
झनक झनक पायल बाजे का पोस्टर.jpg
jhanak jhanak paayal baaje ka poster
nirdeshak vi shaantaaraam
nirmaata Rajkamal kalaamandir
lekhak devan sharaar (dialogue)
kahaani devan sharaar
abhineta sandhya,
madan puri,
Bhagwan
sangeetakaar vasant Desai
chhaayaakaar ji baalaakrushn
sampaadak chintaamani borakar
pradarshan tithi(yaaain) 1955
desh Bhaarat
bhaasha hindi

jhanak jhanak paayal baaje 1955 mein bani hindi bhaasha ki film hai. film ka nirdeshan vi shaantaaraam ne kiya hai aur nirmaata vi shaantaaraam ka hi apna nirmaata ghar Rajkamal kalaamandir hai. is film ko san 1956 mein filmafeyar sarvashreshth film puraskaar se sammaanit kiya gaya tha.

anukram

sankshep

shaastreeya nrutya ke guru mangal kisi sabha mein nrutyaangana neela (sandhya) ka nrutya dekhte hain aur fir unka putr va shishya girdhar (gopi Krishna) nrutya karne ke liye yeh kah kar maidaan mein utarata hai ki jo abhi dekha gaya vah latak matak tha nrutya naheen. neela girdhar ke nrutya se itni mohit ho jaati hai ki guru ji se anurodh karti hai ki use apni shishya bana lein. pehle inkaar karne ke baad ant mein guru ji maan jaate hain lekin neela ke aage do shartein rakhate hain. pehli shart yeh ki vah apna samast jeevan kala par nyochhaavar kar degi aur doosari yeh ki abhi sheegra aane waali ek nrutya pratiyogita mein taandav vaale prasang mein girdhar ke saath yugal nrutya karna hoga. neela donon shartein maan leti hai aur girdhar aur neela pratiyogita ki taiyaari ke liye abhyaas mein lag jaate hain. dheere-dheere donon ko aapas mein prem hone lagta hai. manilaal (madan puri), jo ki ek ameer aadmi hai aur neela se shaadi karne ka manasooba banaaye huye hai, guru ji ko samajhaata hai ki donon mein aapas mein prem hone laga hai lekin guru ji usaki baat ki anasuni kar dete hain.
jab guru ji kuchh samay ke liye jaate hain, to donon ek doosare ke prem pravaah mein kho jaate hain aur abhyaas karne ke bajaay tahal kar apna samay vyateet karte hain. guru ji jab vaapas lautakar saara najaara dekhte hain to krodhit hokar apne putr se naata todne ki baat karte hain kyonki unka maanana hota hai ki ab kisi bhi haal mein girdhar nrutya pratiyogita naheen jeet paayega. apne premi ka bhavishya doobata hua dekh neela yeh naatak rachati hai ki vah vaastav mein manilaal se prem karti hai. aahat girdhar vaapas laut jaata hai aur apne nrutya abhyaas mein apne ko jhonk deta hai. neela nadi mein doobkar aatmahatya karne ki koshish karti hai lekin ek saadhoo dvaara bacha li jaati hai jo use apne saath le jaate hain aur neela Krishna bhakti mein leen ho jaati hai.
ek din girdhar neela ke paas aata hai aur usase apne pyaar ka ijhaar karta hai lekin neela usako pahachaanane se bhi inkaar kar deti hai. krodhit hokar girdhar apne pita ke saath vaapas chala jaata hai. pratiyogita vaale din vah saadhoo neela ko us mandir mein le jaate hain jahaaain pratiyogita honi hai. manilaal ne girdhar ko neecha dikhaane ke uddeshya se girdhar ki nayi sahanartaki ko pratiyogita mein hissa na lene ke liye pehle hi mana liya tha. neela us nartaki ki jagah le leti hai aur nrutya ke dauraan hi girdhar ko yeh samajhaane ki koshish karti hai ki usane to girdhar ke bhavishya ki khaatir yeh sab svaang racha tha. girdhar aur neela milkar ek adbhut yugal nrutya prastut karte hain jiski vajah se Bhaarat nataraajan ka khitaab girdhar ko mil jaata hai. neela manyach se baahar jaane lagti hai to guru ji usase apni guru dakshina maangate hain. uske raaji hone par guru ji usako manyach par girdhar ke paas le kar aate hain aur donon ke ghungharoo aapas mein baandh kar donon ke vivaah ki sveekruti pradaan karte hain.

mukhya kalaakaar

sangeet

is film mein sangeet vasant Desai ka tha.

jhanak jhanak paayal baaje ke geet
geet gaayak/gaayika geetkaar
1 jhanak jhanak paayal baaje ustaad ameer Khan hasarat jayapuri
2 chhiyo Ram chhiyo mohammad rafi hasarat jayapuri
3 hamein gopi gvaala kehte hain lata mangeshakar, manna de devan sharaar
4 jo tum todo piya lata mangeshakar meeraabaai
5 kaisi hai ye mohabbat ki saja lata mangeshakar devan sharaar
6 krushna jo tum todo piya lata mangeshakar meeraabaai
7 mere ai dil bata lata mangeshakar hasarat jayapuri
8 nain so nain naahi milaao lata mangeshakar, hemant Kumar hemant Kumar
9 rut basant aayi ban upavan hasarat jayapuri
10 saniya jaao jaao lata mangeshakar hasarat jayapuri
11 seeta ban ko chali lata mangeshakar, manna de sarasvati Kumar deepak
12 suno suno suno ji lata mangeshakar hasarat jayapuri

rochak tathya

  • Bhaarat mein rang paddhati se banaai gayi pehli filmon mein se ek hai.

parinaam

box ofis

yeh film box ofis mein super hit ki shreni mein aati hai.

sameekshaaeain

naamaankan aur puraskaar

is film ko san 1956 mein chaar shreniyon mein filmafeyar puraskaaron se sammaanit kiya gaya

baahari kadiyaaain