jeen

agar aap ghode ki peeth par vaahan ke liye kasi jaane waali cheej par jaankaari dhoondh rahe hain to jeen ka lekh dekhiye

gunasootron par sthit di.N.A. (D.N.A.) ki bani vo ati sookshm rachanaaen jo anuvaanshik lakshanon ka dhaaran evam unka ek peedhi se doosari peedhi mein sthaanaantaran karti hain, jeen (gene) vanshaanu ya pitraik kahalaati hain.

jeen, di N A ke nyookliyotaaidaon ka aisa anukram hai, jismein sannihit kootabaddh soochanaaon se antat: proteen ke sanshleshan ka kaarya sampann hota hai. yeh anuvaanshikta ke buniyaadi aur kaaryaksham ghatak hote hain. yeh yoonaani bhaasha ke shabd jeenas se bana hai.

jeen aanuvaanshikta ki moolabhoot shaareerik ikaai hai. yaani isi mein hamaari aanuvaanshik visheshataaon ki jaankaari hoti hai jaise hamaare baalon ka rang kaisa hoga, aankhon ka rang kya hoga ya hamein kaun si beemaariyaan ho sakti hain. aur yeh jaankaari, koshikaaon ke kendra mein maujood jis tatv mein rahati hai use di N A kehte hain. jab kisi jeen ke di N A mein koi sthaai parivartan hota hai to use myooteshan yautparivrtan kaha jaata hai. yeh koshikaaon ke vibhaajan ke samay kisi dosh ke kaaran paida ho sakta hai ya fir paraabaingani vikirn ki vajah se ya raasaayanik tatv ya virus se bhi ho sakta hai.