jayadev

Bhaarat ke prasiddh ganitjnya jayadev ke liye dekhein, jayadev (ganitjnya)


basohali chitr (1730 E) geet govind

jayadev (1200 isvi ke aaspaas) sanskrut ke mahaakavi hain jinhonne geet govind aur ratimanjari ki rachana ki. jayadev, utkal raajya yaani Orissa ke gajapati raajaaon ke samakaaleen the.

jayadev ek vaishnav bhakt aur sant ke roop mein sammaanit the. unki kruti 'geet govind' ko shreemad‌aabhaagavat ke baad raadhaakrushn ki leela ki anupam saahitya-abhivyakti maana gaya hai. sanskrut kaviyon ki parampara mein bhi vah antim kavi the, jinhonne 'geet govind' ke roop mein sanskrut bhaasha ke madhuratam geeton ki rachana ki. kaha gaya hai ki jayadev ne divya ras ke svaroop raadhaakrushn ki ramanaleela ka stavan kar aatmashaanti ki siddhi ki. bhakti vijay ke rachayita sant maheepati ne jayadev ko shreemad‌aabhaagavatakaar vyaas ka avataar maana hai.

parichay evam prashansa

'bhaktamaal' ke lekhak naabhaadaas ne brajabhaasha mein jayadev ki prashansa karte hue likha hai-

kavi jayadev, kaviyon mein samraat hain, jabki anya kavi chhote raajyon ke shaasakon ke samaan hain. teenon lokon mein unke 'geet govind' ki aabha fail rahi hai. yeh rachana kaam-vigyaan, kaavya, navaras tatha prem ki aanandamayi kala ka bhandaar hai, jo unke ashtapadon ka adhyayan karta hai, usaki buddhi ki vruddhi hoti hai. raadha ke premi Krishna unhein sunakar prasann hote hain aur avashya hi us sthaan par aate hain, jahaan ye geet gaae jaate hain. jayadev vah soorya hain jo kamalavat naari, padmaavati ko sukh ki praapti karaate hain. ve santaroopi kamal-samooh ke liye bhi soorya ki bhaanti hain. kavi jayadev kaviyon mein samraat hain.

jayadev ne 'geet govind' ke maadhyam se, raadhaakrushn vaishnav dharm ka prachaar kiya. isliye 'geet govind' ko vaishnav saadhana mein bhaktirs ka shaastr kaha gaya hai. jayadev ne 'geet govind' ke maadhyam se us samay ke samaaj ko, jo shankaraachaarya ke siddhaant ke anuroop aatma aur maayaavaad mein ulajha hua tha, raadhaakrushn ki rasayukt leelaaon ki bhaavukata aur sarasata se jan-jan ke hrudaya ko aanandavibhor kiya. jayadev ka janm bhuvaneshvar ke sameep kendubilv mein hua. yeh vaishnav teerthayaatriyon ke liye, Orissa mein, aaj bhi ek mahatvapoorn teerthasthaan hai. yahaan vaarshik mela lagta hai jismein santon, saadhakon aur mahanton ka samaagam hota hai.

jayadev jagannaath ji ke darshan karne puri ja rahe the. usi yaatra ke dauraan unahein geet govind ki rachana ki prerana mili. kehte hain- purushottam kshetr pahunchakar unhonne jagannaath ka darshan kiya. ek virkt sannyaasi ki tarah vruksh ke neeche rahakar Bhagwan ka bhajan-keertan karne lage. unke vairaagya se prerit hokar, vahaan anya bade sant-mahaatmaaon ka satsang hone laga. fir ek jagannaath bhakt ne prabhu ki prerana se apni kanya padmaavati ka vivaah jayadev se kar diya. vah gruhasth hokar bhi sant ka jeevan jeete rahe.

jayadev ne raadhaakrushn ki, shrungaar ras se paripoorn bhakti ka mahimaagaan evam prachaar kiya. jayadev ke raadhaakrushn sarvatr evam poornat: niraakaar hain. ve shaashvat chaitanya-saundarya ki saakshaat abhivyakti hain. apni kaavya rachanaaon mein jayadev ne raadhaakrushn ki vyakt, avyakt, prakat evam aprakat- sabhi tarah ki leelaaon ka bhavya varnan kiya hai.

sambandhit kadiyaaain

baahari kadiyaaain