jayaaditya

jayaaditya sanskrut ke vaiyaakaran the. kaashikaavrutti jayaaditya aur vaaman ki sammilit rachana hai. hemachandr (1145 vi.) ne apne 'shabdaanushaasan' mein vyaakhyaakaar jayaaditya ko bahut hi ruchipoorn dhang se smaran kiya hai. cheeni yaatri itsing ne apni Bhaarat yaatra ke prasang mein jayaaditya ka prabhaavapoorn dhang se varnan kiya hai.

jayaaditya ke janam maran aadi vruttaant ke baare mein koi bhi parimaarjit evam pushkal aitihaasik saamagri naheen milti. itsing ki bhaaratayaatra evam vivran se kuchh jaankaari milti hai. tadanusaar jayaaditya ka dehaavasaan san. 718 vi. ke aas paas hua hoga. jayaaditya ne bhaaravikrut padyaansh uddhrut kiya hai. is aanumaanik tathya ke aadhaar par jayaaditya ka san. 650 se 700 vi. tak ke madhya avasthit hona maana ja sakta hai. cheeni aadi videshi saahitya mein bahut dinon tak bhaarateeya saahitya ka anuvaad hota raha hai. bahut sa bhaarateeya saahitya anuvaadaroop se videshi saahitya mein paaya gaya hai parantu usaka mool granth Bhaarat se lupt hai. is sthiti mein yadi videshi anuvaad saahitya ki gambhir gaveshana ki jaae to jayaaditya ke baare mein praamaanik jaankaari mil jaayagi.

parichay

paanini muni ne ashtaadhyaayi ke aath adhyaayon mein vyaakaran sootron ko likha hai. usi mool par sainkadon vyaakaran granthon ka nirmaan hua hai. ashtaadhyaayi ko sabhi sanpradaaya ke logon ne samaan roop se apnaaya hai. jayaaditya ne 'kaashika' naam se ashtaadhyaayi par vyaakhya ki hai. kaashi mein iski srushti hui hogi kyonki kaashika ka pradhaan arth yahi hai (kaashyaan bhav: kaashika). kushakaashaavalanban nyaaya se hamako jayaaditya ke baare mein sochane ka avsar milta hai. sambhav hai jayaaditya kaasheevaasi hon. kaashi aaj bhi sanskrut vyaakaran ke pathan-paathan aur vyaakaran granthon ki srushti ka pradhaan kendra hai. jain, bauddh saanskrutik saamraajya mein bhi kaashika ke pathan-paathan ki badi dhaak thi. aaj bhi kaashika ka prabhaav sajeev roop se sanskrut shiksha satron mein dekha jaata hai.

raajatarangini mein jayaapeed naamak raaja ka naam aaya hai, jo 667 shakaabd mein Kashmir ke sinhaasan par baitha tha aur jiske ek mantri ka naam 'vaaman' tha. kuchh log isi jayaapeed ko kaashika ka karta maanate hain. par maiksamoolar ka mat hai ki kaashikaar jayaaditya Kashmir ke jayaapeed se pehle hua hai, kyoki cheeni yaatri itsing ne 612 shakaabd mein apni pustak mein jayaaditya ke vruttisootr ka ullekh kiya hai . is vishay mein itna samajh rakhana chaahiye ke kalhan ke diye hue sanvat bilkul theek naheen hain . kaashika ke prakaashak baalashaastri ka mat hai ki kaashika ka karta bauddh tha, kyonki usane mangalaacharan naheen likha hai aur paanini ke sootron mein ferafaar kiya.

bahut se vaiyaakaran praaya: kaashika ko sampoorn roop se jayaaditya ka banaaya hua naheen maanate. purushottamadev, haridtt aadi vidvaanon ne bhaashaavrutti, padamanjari, amarateeka sarvasv, ashtaangahrudaya (sarvaang sundari teeka) mein iska ullekh kiya hai. kuchh vidvaan jayaaditya aur vaaman ko kaashika ka nirmaata maanate hain.

kaashika ke samaan bhartreeshvar, jayant, maitreyarakshit, aadi ki ashtaadhyayaayi vyaakhyaaen theen. unamein se kam vruttiyaaain pai jaati hain. kaashika ke prabhaav mein naveen praacheen sabhi vruttiyaaain vileen ho gain aur vyavahaar roop mein aaj bhi kaashika hi rah gayi hai. kaashika par jineindravuddhi krut 'kaashika vivran panjika' (nyaas) aur haradatt mishr ne 'padamanjari' granth likha hai. jineindr krut granth 'nyaas' naam se hi prasiddh hai. yeh bahut vishaalakaaya kai bhaagonvaala granth hai. nyaas ne sarvatha kaashika ke samarthan mein prayaas kiya hai parantu padamanjari mein kaiyat (mahaabhaashya ke teekaakaar) ka anusaran hai aur anaavashyak saamagri ko vidanbit kiya gaya hai. kaashika ki keval apni visheshata yahi hai ki-

  • 1. aajkal praapt honevaali vruttiyon mein anyatam praacheen hai,
  • 2. pratyekasootr par yathaasanbhav vyaakhya, udaaharan, pratyudaaharan, shanka samaadhaan praudh hai,
  • 3. sabhi udaaharan praacheen parampara ke anukaran par hain,
  • 4. mahaabhaashya virodhi udaaharanon ki bhi pushti ki gayi hai,
  • 5. praacheen evam lupt vyaakaran granthon ke ganapaath bhi diye gaye hain,
  • 6. praacheenakaal mein kaisi vyaakhya paddhati thi iska arthaabhaas kaashika se milta hai. kaashika ka taddhit vishay rahasyagarbhit hai.

inhein bhi dekhein