jarmaini bhaasha parivaar

jarmaini bhaashaaoain ka failaav - gaadhe neele rang ke deshon mein koi jarmaini bhaasha bahusankhyak ya pratham bhaasha hai, halake neele deshon mein koi jarmaini bhaasha sarkaari star par maanya hai

jarmaini bhaasha parivaar hind-yooropi bhaasha parivaar ki ek shaakha hai. is parivaar ki saari bhaashaaoain ki saanjhi poorvaja "aadim jarmaini" naam ki ek kalpit bhaasha hai. itihaasakaar anumaan lagte hain ki aadim jarmaini bhaasha lauh yug mein lagbhag 800 isaapoorv ke kaal mein uttar Europe mein boli jaati thi. angreji isi bhaasha parivaar ki sadasya hai aur iski anya jaani-maani bhaashaaeain jarman, dach aur skaindineviya kshetr ki bhaashaaeain hain (jinmein norveejiyaai, sveedi, deni aur aaisalaindi shaamil hain). kul milkar vishv mein lagbhag 56 karod log kisi jarmaini bhaasha ko apni maatrubhaasha ke roop mein bolte hain. duniya mein angreji ke failaav ke kaaran lagbhag 2 arab log kisi jarmaini bhaasha ko bol sakte hain (chaahe vah maatrubhaasha na hokar unki doosari ya teesari bhaasha hi ho).[1]

shreneekaran

jarmaini bhaashaaoain ke shreneekaran ko lekar bhaashaavaijnyaaanikon mein aapasi matabhed hai. fir bhi inhein aksar teen shreniyon mein vibhaajit kiya jaata hai -

  • pashchimi jarmaini bhaashaaeain: inmein angreji, jarman aur dach shaamil hain
  • uttari jarmaini bhaashaaeain: inmein skaindineviya kshetr ki bhaashaaeain shaamil hain
  • poorvi jarmaini bhaashaaeain: inmein gothik jaisi bhaashaaeain shaamil theen, lekin is shreni ki bhaashaaeain poori tarah lupt ho chuki hain

inhein bhi dekhein

sandarbh