janmaashtami

janmaashtami
aadhikaarik naam shreekrushn janmaashtami
anuyaayi hindu,nepaali, bhaarateeya, nepaali aur bhaarateeya pravaasi
uddeshya Bhagwan Krishna ke aadarshon ko yaad karna
aarambh ati praacheen
tithi bhaadrapad maah ki Krishna paksh ki ashtami
anushthaan shreekrushn ki jhaaainki sajaana vrat va poojan
utsav prasaad baaaintana, bhajan gaana ityaadi
samaan parv raadha ashtami, krushnaashtami

shri krushnajanmaashtami Bhagwan shri Krishna ka janamotsv hai. yogeshvar Krishna ke bhagavad geeta ke upadesh anaadi kaal se janamaanas ke liye jeevan darshan prastut karte rahe hain. janmaashtami Bhaarat mein heen naheen balki videshon mein base bhaarateeya bhi ise poori aastha va ullaas se manaate hain. shreekrushn ne apna avataar bhaadrapad maah ki Krishna paksh ki ashtami ko madhyaraatri ko atyaachaari kans ka vinaash karne ke liye Mathura mein liya. choonki Bhagwan swayam is din pruthvi par avatarit hue the at: is din ko Krishna janmaashtami ke roop mein manaate hain. iseeliye shreekrushn janmaashtami ke mauke par Mathura nagari bhakti ke rangon se saraabor ho uthati hai.

shreekrushn janmaashtami ke paavan mauke par Bhagwan kaanha ki mohak chhavi dekhne ke liye door door se shraddhaalu aaj ke din [[Mathura] ]pahunchate hain. shreekrushn janmotsav par Mathura krushnamaya ho jaat hai. mandiron ko khaas taur par sajaaya jaata hai. jnmaashtami mein stri-purush baarah baje tak vrat rakhate hain. is din mandiron mein jhaankiyaan sajaai jaati hai aur Bhagwan Krishna ko jhoola jhulaaya jaata hai. aur raasaleela ka aayojan hota hai.

anukram

upavaas ke baare mein

ashtami do prakaar ki hai- pehli janmaashtami aur doosari jayanti. ismein keval pehli ashtami hai.

skand puraan ke mataanusaar jo bhi vyakti jaanakar bhi Krishna janmaashtami vrat ko naheen karta, vah manushya jungle mein sarp aur vyaaghr hota hai. brahmapuraan ka kathan hai ki kaliyug mein bhaadrapad maas ke Krishna paksh ki ashtami mein atthaaisavein yug mein devaki ke putr shreekrushn utpann hue the. yadi din ya raat mein kalaamaatr bhi rohini na ho to visheshakar chandrama se mili hui raatri mein is vrat ko karein. bhavishya puraan ka vachan hai- shraavan maas ke shukl paksh mein Krishna janmaashtami vrat ko jo manushya naheen karta, vah kroor raakshas hota hai. keval ashtami tithi mein hi upavaas karna kaha gaya hai. yadi vahi tithi rohini nakshatr se yukt ho to 'jayanti' naam se sambodhit ki jaaegi. vahnipuraan ka vachan hai ki krushnapaksh ki janmaashtami mein yadi ek kala bhi rohini nakshatr ho to usako jayanti naam se hi sambodhit kiya jaaega. at: usamein prayatn se upavaas karna chaahiye. vishnurahasyaadi vachan se- krushnapaksh ki ashtami rohini nakshatr se yukt bhaadrapad maas mein ho to vah jayanti naamavaali hi kahi jaaegi. vasishth sanhita ka mat hai- yadi ashtami tatha rohini in donon ka yog ahoraatr mein asampoorn bhi ho to muhoort maatr mein bhi ahoraatr ke yog mein upavaas karna chaahiye. madan ratn mein skand puraan ka vachan hai ki jo uttam purush hai. ve nishchit roop se janmaashtami vrat ko is lok mein karte hain. unke paas sadaiv sthir lakshmi hoti hai. is vrat ke karne ke prabhaav se unke samast kaarya siddh hote hain. vishnu dharm ke anusaar aadhi raat ke samay rohini mein jab krushnaashtami ho to usamein Krishna ka archan aur poojan karne se teen janmon ke paapon ka naash hota hai. bhrugu ne kaha hai- janmaashtami, rohini aur shivraatri ye poorvaviddha hi karni chaahiye tatha tithi evam nakshatr ke ant mein paarana karein. ismein keval rohini upavaas bhi siddh hai. antya ki donon mein para hi lein.

moharaatri

shreekrushn-janmaashtami ki raatri ko moharaatri kaha gaya hai. is raat mein yogeshvar shreekrushn ka dhyaan, naam athva mantra japate hue jagane se sansaar ki moh-maaya se aasaktihtati hai. janmaashtami ka vrat vrataraaj hai. iske savidhi paalan se aaj aap anek vraton se praapt hone waali mahaan punyaraashipraapt kar leinge.

vrajamandalamein shreekrushnaashtameeke doosare din bhaadrapad-Krishna-navami mein nand-mahotsav arthaat dadhikaandau shreekrushn ke janm lene ke upalakshamein bade harshollaas ke saath manaaya jaata hai. Bhagwan ke shreevigrahapar haldi, dahi, ghi, tel, gulaabajal, makkhan, kesar, Kapoor aadi chadhaakar brajavaaseeusaka paraspar lepan aur chhidkaav karte hain. vaadyayantronse mangaladhvanibjaai jaati hai. bhaktajan mithaai baantate hain. jagadguru shreekrushn ka janmotsav ni:sandeh sampoorn vishv ke liye aanand-mangal ka sandesh deta hai.[1]

sandarbh

baahari kadiyaaain