jan Lokpal vidheyak aandolan 2011

jan Lokpal vidheyak (naagrik Lokpal vidheyak) ke nirmaan ke liye jaari yeh aandolan apne akhil bhaarateeya svaroop mein 5 April 2011 ko samaajasevi anna hajaare evam unke saathiyon ke jantar-mantar par shuru kiye gaye anashan ke saath aarambh hua, jinmein maigsese puraskaar vijeta Arvind Kejriwal, Bhaarat ki pehli mahila prashaasanik adhikaari kiran bedi, prasiddh lokadharmi vakeel prashaant bhooshan, patanjali yogapeeth ke sansthaapak Baba raamadev aadi shaamil the. sanchaar saadhanon ke prabhaav ke kaaran is anashan ka prabhaav samooche Bhaarat mein fail gaya aur iske samarthan mein log sadkon par bhi utarane lage. inhonne Bhaarat sarkaar se ek majaboot bhrashtaachaar virodhi Lokpal vidheyak banaane ki maaaing ki thi aur apni maaaing ke anuroop sarkaar ko Lokpal bill ka ek masauda bhi diya tha. kintu Manmohan Singh ke netrutv waali tatkaaleen sarkaar ne iske prati nakaaraatmak ravaiya dikhaaya aur iski upeksha ki. iske parinaamasvaroop shuru hue anashan ke prati bhi unka ravaiya upeksha poorn hi raha. kintu is anashan ke aandolan ka roop lene par Bhaarat sarkaar ne aanan-faanan mein ek samiti banaakar sambhaavit khatre ko taala aur 16 August tak sansad mein Lokpal vidheyak paas karaane ki baat sveekaar kar li. August se shuru hue monsoon satr mein sarkaar ne jo vidheyak prastut kiya vah kamjor aur jan Lokpal ke sarvatha vipreet tha. anna hajaare ne iske khilaaf apne poorv ghoshit tithi 16 August se pun: anashan par jaane ki baat duharaai. sarkaar ne iski raah mein kai rode atakaae evam 16 August ko anna hajaare evam unke saathiyon ko giraftaar kar liya. kintu isse aandolan pure desh mein bhadak utha. desh bhar mein agale 12 dilon tak lagaataar badi sankhya mein dharana, pradarshan aur anashan aayojit kiye gaye. antat: sansad dvaara anna ki teen sharton par sahamati ka prastaav paas karne ke baad 28 August ko anna ne apna anashan sthagit karne ki ghoshana ki.

anukram

itihaas

April 2011

5 April 2011 ko ek sashakt Lokpal vidheyak ke nirmaan ki maaaing par sarkaari nishkriyta ke pratirodh mein anna hajaare ne aamaran anashan shuru kar diya. bhrashtaachaar ke khilaaf unki is muhim mein Arvind Kejriwal, kiran bedi, prashaant bhooshan, Baba raamadev evam anya anek prasiddh samaajasevi shaamil the. sarkaar ne ise upekshit karna jaari rakha. is anashan ko Bhaarat evam sheegra hi vishv ke sanchaar maadhyamon mein vistrut roop se prakaashit aur prasaarit kiya jaane laga. bhrashtaachaar ke khilaaf jaari is koshish ko sheegra hi vyaapak janasamarthan milne laga. Bhaarat ke praay: sabhi shaharon mein yuva sadkon par utar aae evam iske samarthan mein pradarshan kiya tatha parche baaainte.

anna hajaare ke anashan ke deshavyaapi jan aandolan ke roop mein fail jaane se chintit sarkaar ne Janlokpal vidheyak ka masauda taiyaar karne ke liye jhatapat ek samiti ki ghoshana ki. usane 16 August se pehle sansad mein ek majaboot Lokpal vidheyak paas karaane par bhi sahamati prakat kar di. is tarah yeh anashan samaapt hua aur bhrashtaachaar ke viruddh panapata jan aandolan majaboot Lokpal ke nirmaan ki aasha ke saath samaapt hua. kintu sarkaari mansha sandigdh thi isliye anna hajaare ne saath hi ghoshana ki ki yadi aagaami 15 August tak apekshit Lokpal vidheyak nirmit naheen hua to ve 16 August se pun: anashan par jaaeainge.

Lokpal masauda samiti

April mein kiye gaye anna hajaare ke anashan ki samaapti ki sharton ke anuroop sarkaar ne 10 sadasyeeya Lokpal masauda nirmaan samiti ke nirmaan ki ghoshana ki. ismein sarkaar ke 5 evam naagrik samaaj ke 5 pratinidhi rakhe gaye. anna hajaare ne sarkaar ke samvaidhaanik praavadhaanon ki baadhyata vaale tark ka virodh na karte hue kisi mantri ko samiti ka adhyaksh hona sveekaar kar liya. kintu Kapil sibbal ke netrutv waali is samiti ke mantriyon ne apni manamaani ki. pradhaanamantri aur nyaayaadheeshon ko Lokpal ke daayare mein laane ke mudde par naagrik samaaj ke pratinidhiyon aur sarkaar ke beech virodh bana raha. Kapil sibbal ne kaha ki bhavishya mein kaanoon banaane ke liye naagrik samaaj ki rai naheen li jaaegi.[1] antat: mantriyon ne anna hajaare dvaara prastut jan Lokpal ke sabhi mahatvapoorn sujhaavon ko maanane se inkaar kar diya. dikhaave ke liye jan Lokpal ke ve sabhi bindu maan liye gaye jo sarkaari mantriyon aur saansadon, evam nyaayadhishon ko Lokpal ki pahuainch se baahar rakhate the. antat: sarkaari mantriyon ke ravaiye se niraash anna hajaare ke saathiyon ne jan Lokpal ka masauda alag se nirmit kiya. aur is tarah samiti ne do masaude ka nirmaan kiya jise keindreeya mantrimandal ke saamane rakha gaya. vahaaain bhi mantriyon ke masaude ko to poornat: prastut kiya gaya kintu jan Lokpal ka saaraansh rakha gaya. aur apeksha ke anuroop mantrimandal ne mantriyon ke masaude ko apnaakar sansad mein pesh karne ke liye sahamati de di.

sansad mein prastut Lokpal vidheyak

4 August 2011 ko sansad mein Lokpal vidheyak prastut kiya gaya. sarkaar ke Lokpal vidheyak mein pradhaanamantri ko unke kaaryakaal ke dauraan iske daayare se baahar rakha gaya tha. lekin sabhi bhootapoorv pradhaanamantri iske daayare mein rakhe gaye the. iske anusaar Lokpal ek samiti hogi jiske adhyaksh vartamaan ya sevaanivrutt nyaayadheesh honge. ismein aath sadasya honge jismein se chaar kaanoon ko jaanane vaale evam anubhavi log honge. ismein jaanch ki samay seema saat saal rakhi gayi thi.[2]

August 2011 anashan

Bhaarat ka 65 vaaain svaadheenata diwas samaaroh anna hajaare dvaara April ke anashan ki samaapti ki is ghoshana ki chhaaya mein hua ki yadi 15 August tak sarkaar ne Lokpal vidheyak paas naheen karaaya to ve pun: anashan kareingein. 15 August se kai din poorv hi yeh spasht ho chuka tha ki 16 August se ghoshit anashan jaroor hoga. sarkaar ne ise rokane ki har tarah ki koshish aarambh kar di. Delhi police ne 1 August tak jantar mantar par anashan ki anumati dene se inkaar kar diya. iske pashchaat anna hajaare ne chaar anya sthaan sujhaakar vahaaain anashan karne ki anumati maaaingi kintu vah bhi naheen di gayi. antat: 13 August ko anna hajaare ne ghoshana ki ki yadi unhein anashan ki ijaajat naheen di gayi to ve jail bharo aandolan shuru kareinge. saath hi unhonne paani bhi tyaag dene ki ghoshana ki. Delhi police ne JP park mein anashan karne ki anumati 22 pratibandhon ke saath di. anna hajaare ne inmein se 6 sharton ko maanane se inkaar kar diya. inmein pradarshanakaariyon ki sankhya 5000 tak seemit rakhane, anashan 3 din tak hi karne, anashan sthal par laaudaspeekar ka prayog na karne, teint na lagaane aadi ki shartein shaamil theen.[3]

pradhaanamantri Manmohan Singh ne Bhaarat ke 65 vein svatantrata diwas samaaroh ke avsar par laal kile ki praacheer se raashtra ko sambodhit karte hue ek taraf to bhrashtaachaar ko samaapt karne ki ichha jataai magar saath hi uske liye kisi bhi tarah ke pradarshan ko asamvaidhaanik karaar diya. anna hajaare saara din raajaghaat par chintan karte rahe aur shaam ko anashan ke jaari rakhane ki ghoshana ki. 'unhonne kaha, "ham subah anashan ke liye JP park jaaeainge. hamein pata chala hai ki vahaaain dhaara 144 lagi hai par agar hamein vahaaain jaane se mana kiya to ham usi jagah baith jaaeainge ki le chalo jahaaain chalana hai. prashaasan unhein jahaaain bhi le jaae unka anashan vaheen hoga, "ham jail mein anashan par baitheinge, vahaaain le gaye aur agar fir chhod diya to vaapas JP park par aakar baith jaaeainge."[4]

16 August bhaarateeya satta aur janta ki shakti ki pareeksha ka din tha. police ne anashan se nibatne ki poori taiyaari kar rakhi thi. anashan shuru karne ke liye taiyaar hote hue anna evam unke saathiyon ko police ne Delhi ke mayoor vihaar sthit Supreme inklev se kareeb saadhe saat baje anashan shuru karne se pehle hi giraftaar kar liya.[5] police ne vahaan maujood logon ko bataaya ki vo an‍aana ko anashan s‍aathal le ja rahe hain. unhonne jeevan anmol aspataal ke paas media aur an‍aana samarthakon ko aage badhne se rok diya. girfataar kar Delhi ke civil laains police mes le jaaye jaane ke fauran baad unhonne vaheen apna upavaas aarambh kar diya aur paani lene se bhi inkaar kar diya.[6] Delhi ki ek vishesh adaalat mein aage aandolan na karne aur apne samarthakon ko aandolan karne ke liye na kehne jaisi sharton vaale niji muchalaka na dene ke baad adaalat ne anna hajaare aur unke sahayogiyon ko saat dinon ki nyaayik hiraasat mein bhej diya. police ne unhein tatha anya kaaryakartaaon ko tihaad jail bhej diya.

deshavyaapi pradarshan

anna hajaare ki giraftaari ke baad poore desh mein Jammu se Karnataka tak aur Kolkata se Jaipur tak saikadon logon ne sadkon par utar kar virodh pradarshan aur jail bharo aandolan shuroo ho gaya. keval Delhi mein hi 3 hajaar se jyaada logon ko giraftaar kiya gaya. Delhi police ne Delhi ke 12 stediymon ko jail mein tabdeel kar diya.[7] Maharashtra ke ahamadanagar jile mein sthit anna hajaare ke gaaainv raalegan siddhi mein unki girftaari ki khabar pahuainchate hi gaaainv nivaasi apne jaanvaron sahit sadak par aa gaye aur raasta rok diya. dukaanein aur school band rahe tatha sainkadon logon ne upavaas aarambh gar diya. desh ki vaanijyik rajdhani Mumbai ke aajaad maidaan mein badee sankhya mein logon ne ekatrit hokar Janlokpal bill ka samarthan aur anna hajaare ki girftaari ka virodh kiya. Pune aur Nasik mein 'mi anna hajaare' yaani main anna hajaare likhi hui gaaaindhi topiyaaain pahane logon ne morcha nikaala. Patna mein gaaaindhi maidaan ke paas Kargil chauk se lekar daakabangala chauraaha aur belly road tak alag-alag jatthon mein log sadkon par nikle. jinmein rosh tha kintu ve hinsa ya todfod jaisi kaarravaai naheen kar rahe the. uttarapradesh ki rajdhani Lucknow mein uchch nyaayaalaya ke adhivktaaon ne hadtaal kar diya. Jaipur mein anna ke samarthan mein udyog maidaan mein teen dinon ka kramik anashan karne ka nirnaya liya. Chandigarh, Punjab aur Haryana mein vibhinn sthaanon par vakeelon, shikshaavidon aur kaaryakartaaon ne railiyaaain nikaali. pashchim Bengal ki rajdhani Kolkata sahit raajya ke vibhinn hisson mein virodh pradarshan hue.

Hyderabad mein do jagahon par bade pradarshan hue. indira park mein saamaajik kaaryakartaaon ne pradarshan kiya aur sau log anashan par baithe. doosari taraf telugu desham party ne ek rally nikaali aur apne neta chandrabaaboo Naidu ke netrutv ne din bhar ka anashan kiya. vijyavaada, Warangal, tirupati aur vishaakhaapattanam aadi mein bhi anna ke samarthan mein pradarshan hue. Tamil Nadu ke chennai, koyabantoor aur maduraai sahit kai shaharon mein virodh pradarshan hue. Kerala aur Karnataka mein bhi badi sankhya mein log virodh pradarshan ke liye sadkon par utare.[8] shaam ko Delhi ke India gate aur chhatrasaal stadium mein saikadon logon ne ikattha hokar momabattiyaaain jalaakar virodh pradarshan kiya. yeh pradarshan 17 August ko bhi tihaad jail mein band anna hajaare ke samarthan mein jaari raha. Mumbai mein 5 badi railiyaaain nikaali gayi. Patna mein juniyr doctoron ne hadtaal kiya. Bhopal mein schooli bachchon, chhaatron aur praadhyaapakon, vakeelon evam kai sarkaari karmachaariyon ne pradarshan mein bhaag liya. Delhi mein chhatrasaal stadium pradarshan kaariyon ka kaaraagaar bana raha. andar aur baahar hajaaron log jama the jinhonne anna ki hi tarah riha hone se inkaar kar diya. shaam chaar baje hajaaron logon ne svat: hi India gate pahuainchakar jantar-mantar ki or March shuroo kar diya.[9]

tihaad jail mein

anna ko mil rahe deshavyaapi samarthan ke dabaab mein sarkaar ne unhein mukt karne ka faisala kiya. 16 August ki hi shaam saadhe saat baje tak Delhi police ne vishesh adaalat se anna ki rihaai ke liye aavedan kiya jise maan liya gaya. lekin ne anna ne rihaai ke baad apne gaaainv laut jaane ya Delhi mein teen din anashan kar lene ki shart ke saath riha hone se inkaar kar diya aur tihaad mein hi raat bitaai. jail ke kai kaidiyon ne unke samarthan mein bhojan lene se inkaar kar diya. jail ke baahar hajaaron logon ka hujoom unka samarthan karne ke liye data raha. anna ne bina shart pradarshan karne ki anumati milne tak tihaad jail mein hi anashan jaari rakhane ka faisala kiya. 17 August ko din bhar Delhi police anna ko tihaad se baahar karne ke liye maatha-pachchi karti rahi. usane anna tatha unke riha saathiyon kiran vedi tatha unke samarthan mein pahuainche logon medha paatakar, svaami agnivesh, aadi se bhi baat ki. shaam tak Delhi police ne unhein anashan ke liye raamaleela maidaan ka prastaav diya jise anna ne sveekaar kar liya. magar unhonne Delhi police ke 3 din ka pradarshan karne ki shart ko maanane se inkaar kar diya. unhein beemaar bataakar tihaad se baahar karne ke liye bulaae gaye ambulance ko anna samarthakon ne jail tak pahuainchane hi naheen diya. Delhi police ne logon par bal-prayog ka saahas naheen kiya. 17 August ki raat bhi tihaad hi aandolan ki dhoori bana raha. anna kam-se-kam 30 dinon tak anashan se kam par raaji naheen the. der raat ko Delhi ke police aayukt ne kirn bedi, prashaant bhooshan, maneesh sisaudiya aur Arvind kejreevaal waali anna team ke saath baithak ki.[9] teen din tihaad jail mein gujaarne ke baad jab anna hajaare paune 12 baje baahar nikle to josh se bhare hue dikhe. unhonne inkalaab jindaabaad aur Bhaarat maata ki jaya ke naare ke saath apne samarthakon ka josh badhaaya. anna ne samarthakon ko sambodhit karte hue kaha

"1947 mein adhoori aajaadi mili. 1947 mein mili aajaadi ke liye 1942 mein aandolan shuroo hua tha aur ab 16 August se doosari aajaadi ki ladaai shuroo ho gayi hain jise aapko anjaam tak pahunchaana hai. anna rahe ya na rahe lekin bhrashtaachaar ke khilaaf yeh mashaal jalati rahani chaahiye. jail ke baahar 4 dinon se baithe aap logon ko main dhanyavaad deta hoon aur bachche, boodhe aur yuvaaon se appeal karta hoon ki ve adhik se adhik sankhya mein raamaleela maidaan pahunche. koi todfod aur raashtreeya sampatti ko nuksaan naheen pahunchaaen aur traffic ka poora dhyaan rakhein. vah ab unase raamaleela maidaan par hi baat kareinge. "

samarthakon ko sandesh dene ke baad anna hajaare juloos ke saath maayaapuri ki or ravaana ho gaye. khule truck mein anna ke juloos ke saath- saath hajaaron logon ki bheed haath mein tiranga liye unke saath paidal March kar rahi thi. Delhi ki sadkon par aisa najaara shaayad hi pehle dekha gaya ho, jab tej baarish mein haath mein jhanda liye naare lagaate hua janasailaab aage badha. maayaapuri chauk par pahunchane ke baad anna car se raajaghaat pahunche.

raamaleela maidaan par

tihaad jail mein 3 din bitaane ke baad raamaleela maidaan ko anashan ke liye taiyaar kar diye jaane par anna hajaare juloos ke saath maayaapuri aur raajaghaat hote hue 18 August ko dopahar baad sava do baje vahaaain pahunch gaye. vahaaain unke aane ka subah se intajaar kar rahe samarthakon ne naaron ke saath unka svaagat kiya.

raamaleela maidaan mein manch par aate hi anna ne bhi Bhaarat maata ki jaya, inkalaab jindaabaad ke naaron ke saath apne samarthakon ka abhivaadan kiya aur unhein apna sandesh diya- "1942 mein hamaare desh mein ek kraanti hui thi, jisse angrej chale gaye the. angrej chale gaye, lekin bhrashtaachaar khatm naheen hua. isliye ab aajaadi ki doosari ladaai ki shuruaat ho gayi hai. desh ke sabhi logon ne mere bhaai, meri bahan, yuva - yuvatiyon ne yeh jo mashaal jalaai hai, is mashaal ko kabhi bujhane naheen dena. chaahe anna hajaare rahe na rahe mashaal jalati rahegi. abhi ek Lokpal naheen is desh mein poora parivartan laana hai. desh ke gareeb mahakame ko ham kaise mahal de sakeinge yeh sochana hai. kraanti ki shuruaat ho chuki hai. main aaj jyaada kuchh naheen boloonga kyonki pichhle teen dinon mein mera vajan 3 kilo kam ho gaya hai, lekin aap log jo aandolan desh mein chala rahe hain usaki oorja mujhe mil rahi hai. '

kai deshon ko yuvakon ne banaaya hai, mujhe poora vishvaas hai is desh ka yuva jag chuka hai aur ab is desh ka bhavishya ujjval hai. in gaddaaron ne desh ko loota hai ab ham bhrashtaachaar bardaasht naheen kareinge. apni aajaadi ko ham hargij bhula sakte naheen. sar kata sakte hain lekin sar jhuka sakte naheen. main khush hoon ki koi todfod naheen hui aur na hi raashtreeya sampatti ko nuksaan pahuncha. ab main jyaada kuchh naheen kahoonga, lekin main aapse fir baat karoonga. "

21 August ko is aandolan ko nai disha mili. raamaleela maidaan mein samarthakon ko sambodhit karte hue anna hajaare ne kaha

"vaise to is raamaleela maidaan mein varsho se raavan jalata aa raha hai, magar is baar bhrashtaachaar ka raavan jalega. bhrashtaachaar ko samaapt karne ke samaadhaan ke baad hi unki ladaai rukegi. mujhe kisi ka dar naheen hai. kyonki mere paas na to koi bank baileins aur na hi koi sampatti hai. mandir ke chhah guna aath meter ke kamre mein rahata hoon." unhonne logon ka aahvaan kiya ki ve apne kshetr ke saansadon ke gharon par jaaen aur unki sadbuddhi ke liye dharana dein. log Bapu ka priya bhajan raghupati raaghav raaja Ram gaaen aur saansadon se poochhein ki Lokpal par unki rai kya hai. ve sarkaari Lokpal ke saath hain ya jan Lokpal ke. kyonki aap logon ne unhein vote diya hai. yeh aapka adhikaar hai.[10]

Arvind Kejriwal ne jaanana chaaha ki pradhaanamantri bataaen ki sarkaar se kis jagah aur kahaan baat karni hai. unhonne anna ki baat mein aage aur joda ki log saansadon ke alaava Delhi mein mantriyon aur vidhaayakon ke gharon ke baahar bhi jaaen aur dharana dein tatha un logon se bhi poochhein ki unki rai kya hai.

22 August ko subah se shaam tak logon ka saansadon aur mantriyon ke gharon ke saamane jaakar pradarshan karne ka silsila jaari raha. keindreeya mantri Kapil sibbal ke ghar ke saamane pradarshan karne par police ne 50 logon ko hiraasat mein bhi liya.[11] is aandolan ko aage badhaane aur kharchon ke liye paisa jutaane ke liye raamaleela maidaan mein banaae gaye daan shivir par bhi logon ki lambi kataar lagi rahi. bachche hon ya bujurg, ameer ho ya gareeb sabhi apne kshamata ke anuroop is aandolan ke liye daan de rahe the. log apne gharon se khaana banaakar yahaan anna ke samarthakon ko baant rahe the. dhani vyaapaari, jo truck mein bharakar khaane-peene ki cheejein baant raha ho ya fir ek majadoor jo raamaleela maidaan ki saaf-safaai mein juta ho yahaan sabhi apni marji se desh ke liye anna ki ek pukaar par aa rahe the.[12]

anashan ke saatavein din anna ka vajan 5 kilo kam ho gaya. unke rakt aur mootr mein keeton aane shuroo ho gaye.[13] lekin unka utsaah poorvavat hi bana raha. unke svaasthya ki giraavat evam uske raajanaitik prabhaav se chintit sarkaar ne vaarta karne ke liye pranav mukharji ko niyukt kiya. pehle daur ki vaarta kaafi sakaaraatmak rahi. anna samarthakon ke teen muddon par matabhed tha aur teen shartein maani jaani thi. sarkaari vaartaakaaron ne iske liye agale din subah tak ka samay liya. Dr naresh trehaan ne mangalvaar 23 August ki shaam ko anna hajaare ke svaasthya ki jaaainch karne ke baad unhein drip lagaane ki salaah di thi lekin iske liye bhi unhonne inkaar kar diya. raat ko logon ko sambodhit karte hue anna ne kaha ki dopahar ke baad doctoron ne kaha tha ki kidni mein kuchh samasya aa gayi hai aur unhein drip ke jriye dava deni hogi. maine doctoron se kaha tha ki main apni antaraatma ki aavaaj sun kar bataauainga ki main kya karuainga. meri antaraatma kah rahi hai ki too ye kya kah raha hai ki dil diya hai, jaan bhi deinge aur jaan dene se darata hai... to mainne doctoron se kah diya hai ki meri antaraatma kah rahi hai ki koi dava naheen leni hai. mai mar gaya to paravaah naheen, mere baad kitne anna khade ho gaye hain. agar unki kidni ko kuchh ho jaata hai to hajaaron logon mein se koi na koi unhein kidni de dega. Doctor ki report ke baad sarkaar bhi kuchh sochane lagegi aur agar sarkaar ki or se unhein jbaradasti uthaakar le jaane ke prayaas hon to saare daravaajon par log khade ho jaaeain aur mujhe le jaane na dena."[14] raat bhar mein hi sarkaar ka rukh poori tarah badal gaya aur 24 August ko vah kal hui sahamati se peechhe hat gayi. usane jan Lokpal vidheyak ko sansad mein prastut karne se inkaar kar diya aur anna ke anashan ko unki samasya bataaya. anna ko jabardasti anashan sthal se uthaane ki sambhaavana bhi badh gayi. 24 August Budhvaar ki shaam ko samarthakon ko sambodhit karte hue anna hajaare ne kaha-

"hinsa mat karo..mujhse hinsa sahan naheen hogi. agar main jail jaaoon to aap log saansadon ke ghar par virodh jataao. raashtreeya sampatti ka koi nuksaan mat karna. agar police aati hai to main khushi se jail jaaoonga. aur kal se sabko jail bharo aandolan karna hai. desh ko ahinsa ke maarg se bachaana hai. ye aajaadi ki doosari ladaai hai. sarkaar ka ravaiya lokashaahi wala na hokar hukmashaahi ka hai. ye lokashaahi ke liye bahut bada khtara hai lekin meri vinti hai ki agar sarkaar mujhe yahaan se uthaae to use koi roke naheen. ab mujhe sarkaar ki chaal samajh aa gayi hai. sarkaar chaahati hai ki aandolan ko todne ke liye aap log hinsa karein. isliye ham sabhi ko sanyam rakhana hai."[15] 25 August ko anashan ke 10vein din raamaleela maidaan mein anna hajaare ne kaha ki "mera vajan sirf 6.5 kilogram kam hua hai. baaki meri tabeeyat theek hai. mujhe aisa lag raha hai ki main jan Lokpal vidheyak paarit hone tak naheen maroonga. mujhe aapse kaafi oorja mil rahi hai."[16]

anna hajaare ke samarthan mein lagaataar dasvein din desh bhar mein pradarshan jaari raha. lagaataar doosare din logon ne pradhaanamantri aavaas ke baahar pradarshan kiya. unamein se 50 ko hiraasat mein le liya gaya. ahinsaatmak pradarshanon se ghabaraai sarkaar ki suraksha ke naam par par Delhi police ne pradhaanamantri aavaas ke najadeek ke chaar metro stationon- huda city center aur jahaangeerapuri ke beech sthit udyog bhavan, race course aur jor baag tatha keindreeya sachivaalaya se badarapur maarg par Khan market metro station ko dopahar teen baje se band karva diya.[16]

anna hajaare ke pratinidhiyon aur sarkaar ke saath baatcheet mein 24 August ko paida hue gatirodh ko shaant karne ki koshish karte hue pradhaanamantri ne kaha, sarkaar jan Lokpal sahit aruna rai ke vidheyak aur sarkaari vidheyak par sadan mein charcha karaane ke liye taiyaar hai. bhrashtaachaar ke masale par Loksabha mein charcha ki gayi. pradhaanamantri neta vipaksh aur Loksabha adhyaksh sahit Loksabha ne ek svar se anna hajaare se anashan khatm karne ki appeal ki. iske baad keindreeya vigyaan evam praudyogikeemantri vilaasaraav Deshmukh ne raamaleela maidaan jaakar anna hajaare ko sabhi paartiyon tatha sansad ki or se bheja gaya patra diya aur unase anashan samaapt karne ka aagrah kiya.

jan Lokpal sahit aruna rai ke vidheyak aur sarkaari vidheyak par sadan mein charcha karaane ke prastaav par anna ne kaha ki- "sansad mein jan Lokpal vidheyak par charcha shuroo ho to ham apna anashan todne par vichaar kareinge. lekin hamaari teen mukhya maange hain. raajyon mein lokaayukt ki niyukti, nichle star ke adhikaariyon ko bhi Lokpal ke daayare mein laana aur naagrik chaartar banaana. yeh teenon gareebon ke liye hain. in muddon par satta paksh aur vipaksh mein jab tak sahamati naheen banti hai tab tak unka anashan jaari rahega.

pradhaanamantri aur poori sansad dvaara apne svaasthya par chinta jataae jaane par apni pratikriya dete hue anna hajaare ne kaha ki "iske liye ham unhein dhanyavaad dete hain. lekin mere svaasthya ki chinta aaj unhein hui. anna ke svaasthya ki chinta hai unhein to vah 10 dinon se kahaan the. daraasal, chinta un logon ko hai jo yahaan aae hue hain. air kandeeshan mein baithane vaalon ko anna ke svaasthya ki chinta naheen hai."[17] anna ne vilaasaraav ko diye gaye patra mein pradhaanamantri ko likha ki- "hamaare man mein hamaari sansad ke prati apaar sammaan hai, hamaari sansad hamaare jantantra ka pavitra mandir hai. main anashan par apne kisi svaarth ke liye naheen baitha, jis tarah se aap log desh ki bhalaai ke liye kaam kar rahe hain usi tarah se main bhi desh ke logon ke baare mein hi sochata rahata hooain. mere paas kisi prakaar ki koi satta naheen hai. main ek bahut saamaanya aadmi hooain aur samaaj va greeb janta ke liye kuchh karne ki bhaavana rakhata hooain. hamaara aandolan kisi vyakti ya party ke khilaaf naheen hai. ham bhrashtaachaar ke khilaaf hain. ham bhrasht vyavastha mein parivartan chaahate hain. yadi hamaare aandolan ke dauraan mere athva mere kisi saathi ke dvaara kuchh aise shabd kahe gaye kiye gaye hon jisse aapko ya kisi anya vyakti ko chot pahuainchi ho to main ham sabki taraf se dilgeer vyakt karta hooain. kisi ko aahat karna hamaara maksad naheen hai.

har raajya mein isi kaanoon ke jriye lokaayukt bhi banaae jaaeain, har vibhaag mein jan samasyaaon ke liye sitijns chaartar banaae jaae jise na maanane par sambandhit adhikaari par kaarravaai ho aur teesara ye ki kendra sarkaar ke oopar se neeche tak sabhi karmachaariyon aur raajya ke sabhi karmachaariyon ko iske daayare mein laaya jaae. kya in teen baaton par sansad mein prastaav laaya ja sakta hai? mujhe ummeed hi naheen yakeen hai ki hamaare sabhi saansad desh ki janta ko bhrashtaachaar ke roj-roj ke jillat se nijaat dilaane ke liye shuru mein raaji ho jaaenge. meri antaraatma kehti hai ki in baaton par agar sansad mein sahamati hoti hai to main apna anashan tod dooain."

Janlokpal bill ki baaki baatein, jaise chayan prakriya aadi bhi bhrashtaachaar ko rokane ke liye atyant mahatvapoorn hain. main meri janta ke saath tab tak raamaleela maidaan mein baitha rahooainga jab tak baaki saare muddon par sansad mein nirnaya naheen ho jaata kyonki yahi janta ki aavaaj hai. mere saath desh bhar mein itne log is ummeed se jude hain ki unhein bhrashtaachaar se nijaat milegi. iske liye jaroori hai ki raajyon mein bhi lokaayukt ke gathan ke liye kaanoon paas ho. aam logon ko rojaana jin adhikaariyon ke bhrashtaachaar se do-chaar hona padta hai, unke bhrashtaachaar se ladne ki vyavastha ho. isi tarah sabhi sarkaari sevaaon ke liye samayaseema tay ho aur unhein samay par poora naheen karne vaale adhikaari par jurmaana lage.

anna hajaare[18] pradhaanamantri aavaas mein anna ki is chitthi par vichaar-vimarsh bhi kiya gaya kintu agale din sarkaar ka ravaiya pehle jaisa hi bana raha.. iske saath hi sarkaar ne vijnyaaapanon evam anya saadhanon se sanchaar maadhyamon ka ek varg taiyaar kar liya tha jo ab unke paksh ko theek thaharaane ki kosheesh kar rahi thi. kai sanchaar maadhyam anna team ke beech foot, pradarshakon ke beech Lokpal ki kam samajhadaari aadi vishay uthaane lage the. iske baavajood yeh aandolan nirantar jaari tha aur sarkaar par dabaav badh raha tha. sansad ki kaaryavaai ka seedha prasaaran dekhkar evam netaaon ke bayaan aur chehare dekhkar janta anna ke saath rahane ke nirnaya par atal thi.

26 August ko 11 dinon tak chup rahane ke baad Loksabha mein Congress ke bhaavi karnadhaar maane jaane vaale Rahul Gandhi ne kaha ki- "lokatantr ki garima ko kam karna ek khtaranaak chalan hai. vyaktigat roop se kai logon ne desh ko mahatvapoorn yogadaan diya hai lekin ye samajhna zaroori hai ki lokataantrik prakriya ka apna mahatva hai, lokataantrik prakriya lambi zaroor hoti hai par isse sabhi ko apna vichaar rakhane ka mauka milta hai...pichhle dinon mein ye samajh banaai ja rahi hai ki ek Lokpal kaanoon aane se bhrashtaachaar se nijaat mil jaaegi lekin ye glat hai, sirf ek Lokpal kaanoon laane se bhrashtaachaar naheen khtm hoga, balki iske liye kai aur chunautiyon ke hal dhoondhne honge"[19] iski pratikriya mein kiran bedi ne twitter par likha ki, "aisa ho sakta hai ki ek Lokpal kaafi na ho, par shuruaat to kariye."[19] Rahul Gandhi ke bayaan se aakroshit anna hajaare ke samarthakon ne shukravaar ko unke tugalak road sthit aavaas ke baahar pradarshan kiya aur jamkar naarebaaji ki. police ne anna ke 50 samarthakon ko hiraasat mein le liya. Rahul Gandhi ne apne ghar ke baahar pradarshan kar rahe an‍aana samarthakon ke liye kol‍aad drinks aur samose bhijvaae.

27 August ko sarkaar ne sansad mein anna ki pramukh teen maangon par bahas karaai.. raat 8 baje tak sansad ke donon sadanon ne dhvanimt se in sharton ke paksh mein vichaar karne ke liye use sthaai samiti ke paas bhejane ka prastaav paarit kar diya.

sansad ke donon sadanon mein shanivaar ko Lokpal mudde par anna hajaare ki maangon ke anuroop laae gaye prastaav par saiddhaantik roop se sahamati banane ke baad pradhaanamantri Manmohan Singh ka patra lekar keindreeya vigyaan evam praudyogiki mantri vilaasaraav Deshmukh, saansad sandeep Dixit aur poorv keindreeya mantri vilaas muttemavaar ne anna ko raamaleela maidaan pahuainchakar diya. iske baad anna hajaare ne samarthakon ko sambodhit karte hue kaha, "jan Lokpal ki yeh aadhi jeet hui hai. poori jeet abhi baaki hai. yeh poore yuva shakti ki jeet hai. yeh janta ki jeet hai. yeh saamaajik sangathan ki jeet hai. yeh media ki jeet hai." kal sabere 10 baje aap sabhi ki upasthiti mein main apna anashan khatm karna chaahata hoon, vah bhi aapki anumati se. aap jashn jaroor manaaen lekin dhyaan rakhein ki isse shaanti bhang na ho aur kisi ko pareshaani na ho.

anna ne 28 August ko sundaranagari ki dalit samudaaya ki paanch varsheeya bachchi simran aur turkamaan gate ki rahane waali muslim samudaaya ki ikara ke haathon shahad mishrit naariyl paani peekar anashan samaapt kiya. anna ke anashan sthagit karne se pehle unke pramukh sahayogi Arvind Kejriwal ne apne lambe vaktavya mein manch se logon ko sambodhit karte hue kaha ki vo sabhi raajaneetik dalon ka dhanyavaad karte hain aur saath hi logon ka bhi jinke sadkon par aane ke kaaran sarkaar par dabaav bana. paartiyon ke sahayog ke bina ye prastaav paarit naheen hota. ham unka dhanyavaad karte hain....samvidhaan logon ne banaaya hai aur sabse oopar log hain jiske baad samvidhaan, sansad aur saansad aate hain. sansad mein kaanoon janta ki ichha ke anusaar bane. anna ya anna ka aandolan samvidhaan ke khilaaf naheen hai jaisa ki team ke baare mein prachaarit kiya ja raha hai.[20] anashan todne ke baad anna ne aandolan ko safal banaane mein desh ki janta, khaastaur se yuvaaon, media, police aur unki dekh-rekh mein lage chikitsakon ko dhanyavaad dete hue kaha ki- "unhonne apna anashan sirf sthagit kiya hai lekin unki ladaai jaari rahegi. asli anashan poori ladaai jeetne ke baad tootega. ladaai poori hone tak poore desh mein ghoomoonga. unhein vishvaas hai ki unke maadhyam se saamane laae gaye janta ke muddon se sansad inkaar naheen karegi. lekin yadi sansad ne inkaar kar diya, to jan sansad ko taiyaar rahana hoga. aaj yeh baat saabit ho gayi hai ki jan sansad, Delhi ki sansad se badi hai. jan sansad jo chaahegi, Delhi ki sansad ko use maanana hoga. hamein Baba saaheb ambedakar ke banaae samvidhaan ke tahat is desh mein parivartan laana hai. aaj yeh saabit ho gaya hai ki parivartan laaya ja sakta hai. ham bhrashtaachaar mukt Bhaarat ka nirmaan kar sakte hain. abhi yeh shuruaat hai. lambi ladaai aage hai. kisaanon ka savaal hai, majadooron ka savaal hai. paryaavaran, paani, tel jaise tamaam mudde hain. gareeb bachchon ki shiksha ka savaal hai. hamein chunaav sudhaar bhi karne hain. poori vyavastha badalani hai. hamaara asli anashan is poore badlaav ke baad hi tootega. aaj desh mein itna bada aandolan hua, lekin poori tarah ahinsak. duniya ke saamane aap sabhi ne misaal rakhi hai ki aandolan kaise karna chaahiye. is aandolan ki yeh sabse mahatvapoorn baat rahi hai.[21]

sarkaar se vaarta

22 August ko pradhaanamantri ne vitt mantri pranav mukharji, raksha mantri A.ke. Antony va gruh mantri pi. Chidambaram se charcha ke baad sarkaar ne pranav mukharji ko vaartaakaar niyukt kiya aur anna ko patra likhkar is sarkaari pahal ki jaankaari di. iske baad kendreeya kaanoon mantri Salman khursheed aur anna ke sahayogi Arvind Kejriwal aur akhil gogoi ki Congress saansad sandeep Dixit ke aavaas par mulaakaat hui. iske baad Arvind Kejriwal ne kaha ki sarkaar vaarta ke liye taiyaar ho gayi hai. iske liye pranav mukharji ko niyukt kiya gaya hai.

23 August ki raat ko pehle daur ki vaarta mein sarkaar ki or se mukharji va Salman khursheed ne bhaag liya. naagrik samaaj ki or se kiran bedi, Arvind Kejriwal va prashaant bhooshan shaamil hue. sarkaar ne vaarta ko santoshajanak bataaya. sarkaar ne anna ki sehat par chinta jataai auऱ kaha ki Budhvaar subah fir vaarta ki jaaegi. anna dal ke sadasya Arvind Kejriwal ne kaha ki sarkaar aur hamaare beech teen muddon par asahamati hai. sarkaar ne in par vichaar ke liye Budhvaar subah tak ka samay maanga hai. prashaant bhooshan ne kaha ki sarkaar ne anna se anashan todne ki bhi appeal ki hai. lekin aaj jo baatcheet hui usamein ऎsa kuchh naheen nikla ki ham annaaji se anashan todne ko kahein.[22]

vaarta mein sarkaar kuchh muddon par sahamat ho gayi thi.

  • pradhaanamantri Lokpal ke daayare mein.
  • nyaayapaalika ke liye alag kaanoon.
  • CBI ka anti corruption sel Lokpal ke adheen kaam karega.

kintu abhi kai vishyon par sahamati naheen ban pai thi.

  • junior karmachaariyon ko Lokpal ke daayare mein laane par.
  • raajyon mein ek saath lokaayukt ki niyukti.
  • har kaam ki avadhi tay karna, na hone par afsar ka vetan kaate.

iske saath hi anna ke sahayogi kuchh sharton par sarkaar ki manjoori bhi chaahate the.

  • sthaai samiti ke paas naheen, seedha sansad mein pesh ho jan Lokpal bill.
  • sarkaari bill sthaayi samiti se vaapas liya jaae ya radd ho.
  • UPA va Congress likhit mein de, sadan mein samarthan ka aashvaasan.
  • jan Lokpal bill isi satr mein paarit ho, jaroorat ho to satr aage badhe.

subah anna ke sahayogiyon ke saath pun: vaarta ko dhyaan mein rakhakar der raat pradhaanamantri ne anna masale ko lekar aapaat baithak bulaai aur varishth mantriyon ke saath charcha ki. iske turant baad Congress kor group ki baithak bhi hui. magar in saari kavaayadon ka parinaam 24 August ko apeksha ke ulte roop mein saamane aaya. sarkaar ka rukh bilkul badal gaya tha. Pranab mukharji ke saath baatcheet ke baad prashaant bhooshan ne kaha ki mangalvaar ko hui vaartaaon mein sarkaar ka rukh kaafi sakaaraatmak tha lekin Budhvaar ko sab kuchh badla-badla sa nazar aaya. Arvind Kejriwal ne kaha ki sarkaar ne saaf kar diya hai ki vo jan Lokpal bill ko pesh naheen karegi. [15] kirn bedi ne kaha ki Pranab mukharji Budhvaar ko baithak shuroo hote hi gusse mein dikhe aur vo kah rahe the ki jo aapko karna karte raho. anna ke anashan ke baare mein sarkaar ne kaha ki vo unki yaani naagrik samaaj aur anna hajaare ki samasya hai. ye ek din aur raat mein sarkaari ravaiye mein frk kyon aaya, mujhe naheen maaloom. mangalvaar ko vo hamaari baatein sun rahe the, aaj vo apni baatein suna rahe the. kal vo hamaari baaton ki ijjt kar rahe the. kal aur aaj mein din-raat ka frk aaya hai."[23]

is gatirodh ke pashchaat 25 August ko pradhaanamantri ne vilaasaraav Deshmukh ko patra dekar anna ke paas bheja. anna ne teen baaton ke sveekrut hone par anashan chhodne ka aashvaasan diya. 27 August ko sansad ki kaaryava ke saath hi anna ke sahayogiyon se bhi lagaataar baarta chal rahi thi. magar sarkaar apna rukh spasht naheen kar rahi thi. antat: shaam tak in vaartaaon ka parinaam anna ki teen maangon par sansad ke samarthan ke prastaav ke roop mein aaya. jiski soochana dene ke liye fir se vilaas Rao Deshmukh pradhaanamantri ka patra lekar raamaleela maidaan aae. jiske pashchaat anna ne 28 August ko anashan sthagit karne ki ghoshana ki.

anashan ke pashchaat

13 dinon tak chale anashan ke kaaran anna ke vajan mein saadhe saat kilo ki kami aa gayi thi. unka rakt chaap kaafi kam ho gaya tha. 13 dinon se anna ke svaasthya ki lagaataar jaaainch karne vaale Doctor trehaan ne bataaya ki anna ke shareer mein paani ki kami ho gayi hai aur ve kaafi kamzor ho gaye hain. unke svaasthya par nazar rakhane ke liye unhein kuchh dinon ke liye Gurgaon ke ek aspataal mein bharti kar liya gaya.

27 August ko sansad mein anna ki maangon par sahamati banane aur 28 August ko anna dvaara anashan samaapt karne ki ghoshana ke saath hi poora desh jashn mein doob gaya. rajdhani Delhi, mumbai, Kolkata, Patna, Ranchi, Lucknow, Bengaluru, Shimla, Jaipur, Raipur, Gandhinagar sahit poore desh mein deevaali jaisa maahaul ban gaya. Delhi mein anna hajaare samarthak apni khushi ka ijahaar karne ke liye tiranga laharaate aur naare lagaate hue India gate pahunche. log deshbhakti ke geeton par jhoomate najar aae. kai vyakti kaaron se nikalkar juloos mein shaamil ho gaye. rajdhani Raipur sahit Chhattisgarh ke bilaasapur, koraba, raayagadh mein bhi anna hajaare samarthakon ne pataakhe jalaae aur vijay ke upalakshya mein naare lagaae. Patna ke vibhinn mohallon mein logon ne pataakhe chhode to kai logon ne mithaaiyaan baanti. Kargil chauk par pichhle 12 dinon se anna ke samarthan mein dharana aur anashan par baithe log shanivaar der shaam jashn manaane mein mashagool ho gaye. kai logon ne mandir mein jaakar Bhagwan ka shukriya ada kiya aur anna hajaare ke svaasthya ka dhyaan rakhane ki praarthana ki. Patna ke saath hi raajya ke darabhanga, poorniya, saharasa, mujaffarapur, Bhaagalpur sahit kai jilon mein is janta ki jeet ka jasn manaaya gaya.[24]

yeh vaastav mein keval naitik jeet thi. itihaas jaroor bana tha kintu kaagajon par kisi thos cheej ka nikalkar aana abhi baaki tha. haaain isne uske liye raasta jaroor bana diya tha. anna ke teen sharton ke samarthan ka prastaav sansad ne sthaai samiti ko bhej diya tha jise maanana uske liye kaanooni roop se baadhya naheen tha. aage sthaayi samiti ko i sabhi sujhaavon ka vishleshan karne aur yeh bhi tay karne ka adhikaar tha ki ve kitne vyaavahaarik hain. sansad ne sarkaar ke us mool tark ko saiddhaantik roop se kaayam rakha tha ki kaanoon banaane mein sansad ki bhoomika sarvopari hai aur us par savaal naheen uthaae ja sakte.

sansad mein din bhar chali bahas ke baad DMK, bahujan samaaj party, maarksavaadi communist party, bhaarateeya communist party, samaajavaadi party aur Biju janta dal ne yeh saaf kar diya tha ki lokaayukt ki niyukti mein sansad ki bhoomika naheen honi chaahiye kyonki isse raajyon ki svaayattata prabhaavit hogi. inmein se kuchh dalon ne aise kisi kdam ke virodh karne ki mansha bhi saaf kar di thi. nichli naukarashaahi ko bhi Lokpal ke antargat laane ko Congress ne sveekaar to kar liya lekin yeh bhi kaha ki iske liye kaanooni aur sansthaagat dhaaainche mein moolabhoot parivartan abhi kiya jaana hai.

saansadon ne jan Lokpal bill ki sansad ke andar saansad ke vyavahaar ko Lokpal ke kaarya kshetr mein laane ki dhaara ka dalagat bhaavana se oopar uthakar ek svar mein virodh kiya tha. kai dalon ne nyaayapaalika ko bhi iske daayare mein laane ka virodh kiya tha. kuchh dalon ne iske badle raashtreeya nyaayik aayog banaae jaane ki vakaalat ki aur kuchh ne majboot javaabadehi vidheyak laane par jor diya tha. pradhaanamantri ko bhi ismein shaamil kiye jaane ke mudde par bhi sarkaar ne koi vachan naheen diya. bhaajapa samet kai dalon ne kuchh ehtiyaat ke saath pradhaanamantri ko bhi ismein shaamil kiye jaane ka jaroor samarthan kiya.

do aur mahatvapoorn maaaingon, CBI ki bhrashtaachaar virodhi ikaai ko Lokpal ke antargat laane aur bhrasht naukarashaahon ko barkhaast kiye jaane ke tareeke par antim nirnaya bhi sthaayi samiti par chhod diya gaya.[25]

raajaneetik dalon ki bhoomika

is janaandolan ne raajaneetik dalon ke cheharon par pade lokahitaishi nakaab ko hataakar svaarthi sattaakaankshi aur janavirodhi charitra ko spasht kar diya. vipakshi dalon ke saath hi ismein sabse vikrut chehara kendra ke sattaadhaari dal bhaarateeya raashtreeya Congress ka najar aaya. uske vakeel mantriyon Kapil sibbal, pi Chidambaram aadi ne swayam ko shaasak evam anna hajaare ki team ko gulaam maankar tugalaki aadesh aur bayaan jaari kiye.

14 August ko Congress pravakta maneesh tivaari ne anna hajaare par vyaktigat rup se aakshep lagaate hue kaha ki anna bhrasht hain. iske liye unhonne Congress sarkaar dvaara gathit nyaayamoorti saavant ki rapat ka sandarbh diya tha, jismein anna ko doshi thaharaaya gaya tha. unhonne yeh naheen bataaya tha ki nyaayamoorti saavant ki rapat ke baad is mudde par sukhataankar aayog ne jaanch ki thi aur anna ko aaropamukt kar diya tha.[26] is aandolan ne pradhaanamantri Manmohan Singh, vitt mantri pranav mukharji, Congress mahaasachiv Rahul Gandhi, Ambika soni aadi ke saath hi vipaksh ki neta Sushma Swaraj, Lal Krishna Advani, seetaaraam yechuri aadi ka kad bhi chhota kar diya. Manmohan Singh ne sansad mein is aandolan ke peechhe videshi shaktiyon ka haath hone ki chetaavani di. Ambika soni ne ise saaf karte hue America ka naam ujaagar kiya.

sabhi netaaon ne baar-baar sansad ki sarvochchata ki duhaai di aur logon ke prayaason ko araajak kaaryavaai thaharaane ki koshish ki. ve yeh bhool gaye ki bhaarateeya samvidhaan ki prastaavana ham Bhaarat ke log se shuru hoti hai jo Bhaarat ko samprabhu, lokataantrik, samaajavaadi aur dharmanirpeksh banaaengein.

sarkaari tikdm

sarkaar aur sarkaar mein baithe logon ke hitaishiyon evam chaatukaaron ne pratyaksh aur paroksh roop se is aandolan ko dabaane aur todne ke liye koi kasar naheen chhodi.

  • digvijya Singh ne prashn uthaaya ki anna ke aandolan ko paisa kahaaain se aa raha hai?
  • is aandolan ke liye Delhi police ne kathor shartein rakheen jinhe sveekaar na karne par anna ko aandolan ki anumati naheen di

gayi.

  • Delhi police ne aandolan karne par 16 August ko anna ko giraftaar kar liya.
  • maneesh tivaari ne anna ko anna par bhrashtaachaar ke gambheer aarop madh diye (jiske liye baad mein maafi maangani padi).
  • sarkaar ne kaha ki iske peechhe America ka haath hai.
  • kaha gaya ki kaanoon banaana sansad ka 'visheshaadhikaar' hai aur anna 'blaikameling' kar rahe hain aur lokatantr ka gala ghont rahe hain.
  • sarkaar ne foot daalne aur aandolan ki dhaar kam karne ke liye isko dharm aur jaati ke aadhaar par baantane ki koshish ki. imaam bukhaari ko aage karke kaha gaya ki musalmaan is aandolan se door rahein. isi tarah anusoochit janajaati aayog ke adhyaksh ne bhi ise kah daala ki iska 'neechi jaatiyon' ka koi sarokaar naheen hai.
  • civil society ke saath anekon dauron ki charcha mein sarkaari paksh (Kapil sibbal, pi Chidambaram aadi) ne Janlokpal vidheyak ke mukhya muddon ko prastaavit vidheyak mein milaane se ant tak inkaar karte rahe.
  • sarkaar ne sthaayi samiti ko 'sarkaari Lokpal bill' saunpakar samay kataane ka raasta nikaala. Rahul Gandhi ne lokaayukt ko 'samvaidhaanik sanstha' banaane ka sifooga chhodkar iski mahatta kam karne ki koshish ki.
  • shanivaar, 26 August ko bulaaye gaye sansad ke vishesh adhiveshan mein charcha ke dauraan bhi Congress evam uske sahayogi dalon ne kuchh bhi spasht naheen kaha. sab kuchh gol-matol bhaasha mein bolte rahe. aam janta ko kabhi naheen jaanane diya ki ab aage kya karne ja rahe hain. har samay prakriya ko aspasht rakha gaya.
  • ab yeh lagbhag saaf ho gaya hai ki svaami agnivesh sarkaar ke gupt agent ki tarah se kaam kar rahe the aur anna ke dal ka aantarik bhed sarkaar ko de rahe the.

rananeetik kaushal

bhrashtaachaar ke khilaaf muhim ke raashtreeya janaandolan ka roop lene ke peechhe aandolan ke netrutvakarta anna hajaare ka vyaktitv aur krutitv ke saath hi ek kushal team ke sahi aur samayochit liye gaye nirnaya bhi shaamil the. Arvind Kejriwal, kiran vedi, prashaant bhooshan aadi samarth logon ki team ne is aandolan ko nirantar sahi raaste par rakha aur uske pathabhrasht hone ki gunjaaish samaapt kar di.

  • Arvind Kejriwal ne raamaleela maidaan mein ghoshana ki ki is aandolan ke dauraan kisi bhi raajaneetik party ke neta ko anna ke manch par jaane ki ijaajat naheen di jaaegi.

haan, yadi koi hamaare samarthan mein aata hai to usaka svaagat hai. bhaajapa kaaryakartaaon ke ismein badh - chadhkar hissa le rahe hain, to unhonne kaha, ' ham kisi bhi party ke kaaryakarta aur neta ko mana naheen kar rahe hain, unka svaagat hai. ve yahaan aakar anya samarthakon ke beech baith sakte hain. '

  • 21 August ko pradarshan ka rukh mantriyon saansadon auऱ vidhaayakon ke gharon ki or kar diya gaya. isne saansadon par uchit vidheyak ke nirmaan ke liye atirikt dabaab banaana shuru kiya.
  • sansad mein chal rahi aur TV, patra patrikaaon ke maadhyam se uthaae jaane vaale savaalon ka team ke sadasya twitter, saakshaatkaar, raamaleela ke manch aadi maadhyam se tatha lekh likhkar nirantar sahi jabaab dete rahe. isne sarkaar ke galat tarkon ko samaapt kiya aur aandolan ke virodh mein janamat ko modne ki sarkaar evam raajanitik dalon ki saari koshishein bekaar gayi.
  • antat: bina kisi thos lagne vaale aashvaasan ke liye sarkaar ko baadhya kiye anna ke svaasthya ko dhyaan mein rakhate hue 12 din tak anashan ko samaapti ki or le gaye. kaanooni roop se team ko ek prastaav maatr mila tha jiski maane jaane ki koi baadhyata naheen thi. parantu iske peechhe janta ki itni taakat mil chuki thi ki sarkaar ke liye yeh kaanoon se bhi adhik anupaalaneeya ho gaya tha.
  • anashan ki samaapti raat ko nau baje na kar agale din subah aandolan jaari rakhane ki ghoshana ke saath ek samaaroh ke roop mein kiya jismein TV ke maadhyam se saara desh shaamil tha.
  • musalmaan aur dalit raajaniti karne vaalon ka jabaab unhonne apne tarkon se to diya hi vyaavahaarik javaab anna ke anashan ko ek dalit aur ek muslim samudaaya ki bachchi se tudvaakar diya.
  • abhi kaam adhoora hai iska aabhaas dilaane ke liye logon ko shaam ko pun: ekatrit hone ka aahvaan kiya aur fir se jeet ki shaam manaai.

sandarbh

baahari kadiyaaain

inhein bhi dekhein