jamashedaji tata

jamashedaji tata

jamashedaji tata (3 March 1839 - 19 May 1904)) Bhaarat ke mahaan udyogapati tatha vishvaprasiddh audyogik gharaane tata samooh ke sansthaapak the.

anukram

aarambhik jeevan

unka janm san 1839 mein Gujarat ke ek chhote se kasbe navaseri mein hua thaaunake pita ji ka naam nuseeravaanaji tha va unki maata ji ka naam jeevanabaai tata tha. paarasi paadariyon ke apne khaanadaan mein nuseeravaanaji pehle vyavasaayi the. bhaagya unhein Mumbai le aaya jahaaain unhone vyavasaaya (dhandhe) mein kadam rakha. jamashedaji 14 saal ki naajuk umr mein hi unka saath dene lage. jamashedaji ne elfinstan kaalej (Elphinstone College) mein pravesh liya aur apni padhaai ke dauraan hi unhonne heera baai daboo se vivaah kar liya tha. ve 1858 mein snaatak hue aur apne pita ke vyavasaaya se poori tarah jud gaye.

udyog ka aarambh

vah daur bahut kathin tha. angrej atyant barbarata se 1857 ki kraanti ko kuchalane mein safal hue the. 29 saal kaki aayu tak jamashedaji apne pita ji ke saath hi kaam karte rahe. 1868 mein unhone 21000 rupayon ke saath apna khud ka vyavasaaya shuroo kiya. sabse pehle unhone ek divaaliya tel kaarkhaana khreeda aur use ek rui ke kaarkhaane mein tabdeel kar diya aur usaka naam badal kar rakha - Alexander mil (Alexender Mill) ! do saal baad unhone ise khaase munaafe ke saath bech diya. is paise ke saath unhonne Nagpur mein 1874 mein ek rui ka kaarkhaana lagaaya. mahaaraani Victoria ne unhi dinon Bhaarat ki raani ka khitaab haasil kiya tha aur jamashedaji ne bhi vakt ko samajhte hue kaarkhaane ka naam impress mil (Empress Mill) (Empress ka matlab 'mahaaraani') rakha.

mahaan dooradarshi

jamashedaji ek alag hi vyaktitv ke maalik the. unhonne na keval kapda banaane ke nae nae tareeke hi apanaae balki apne kaarkhaane mein kaam karne vaale shramikon ka bhi khoob dhyaan rakha. unke bhale ke liye jamashedaji ne anek nai va behtar shram-neetiyaaain apnaai. is nazar se bhi ve apne samay se kaheeain aage the. safalta ko kabhi keval apni jaageer nahi samjha, balki unke liye unki safalta un sab ki thi jo unke liye kaam karte the. Jamshed ji ke anek raashtravaadi aur kraantikaari netaaon se najadeeki sambandh the, in mein pramukh the, daadaabhaai nauroji aur Ferozshah Mehta. jamashedaji par aur unki soch par inka kaafi prabhaav tha.

unka maanana tha ki aarthik svatantrata hi raajaneetik svatantrata ka aadhaar hai. Jamshed ji ke dimaag mein teen bade vichaar the - ek, apni loha va steel company kholana ; doosra, ek jagat prasiddh adhyayan kendra sthaapit karna ; va teesara, ek jalavidyut pariyojana (Hydro-electric plant) lagaana. durbhaagyavash unke jeevan kaal mein teenon mein se koi bhi sapana poora na ho saka. par ve beej to bo hi chuke the, ek aisa beej jiski jadein unki aane waali peedhi ne anek deshon mein failaayeen. jo ek maatr sapana ve poora hota dekh sake vah tha - hotel taaj mahal. yeh December 1903 mein 4,21,00,000 rupaye ke shaahi kharch se taiyaar hua. isame bhi unhone apni raashtravaadi soch ko dikhaaya tha. un dinon sthaaneeya bhaarateeyon ko behatareen yooropiyn hotelon mein ghusne nahi diya jaata tha. Tajmahal hotel is damanakaari neeti ka karaara javaab tha.

1904 mein Germany mein unhone apni antim saans li.

Bhaarat ke audyogik vikaas mein yogadaan

bhaarateeya audyogik kshetr mein jamashedaji ka yog asaadhaaran mahatva rakhata hai. inhonne bhaarateeya audyogik vikaas ka maarg aise samay mein prashast kiya jab us disha mein kebal Europeeya, visheshat: angrej, hi kushal samajhe jaate the. inglaid ki pratham yaatra se lautakar inhonne chinchapokali ke ek tel mil ko kataai bunaai mil mein parivrtit kar audyogik jeevan ka sootrapaat kiya. kintu apni is safalta se unhein poorn santosh na mila. pun: England ki yaatra ki. vahaaain lankaashaayar ke se baareek vastr ki utpaadanavidhi aur uske liye upayukt jalavaayu ka adhyayan kiya. iske liye unhonne Nagpur ko chuna aur vahaaain vaataanukoolit soot milon ki sthaapana ki. is tarah lankaashaayar ka jalavaayu krutrim saadhanon se Nagpur ki milon mein upasthit kar diya.

audyogik vikaas kaaryon mein jamashedaji yaheen naheen ruke. desh ke safal audyogeekaran ke liye unhonne ispaat kaarkhaanon ki sthaapana ki mahatvapoorn yojana banaai. aise sthaanon ki khoj ki jahaaain lohe ki khadaanon ke saath koyala aur paani suvidha se praapt ho sake. antat: aapne Bihar ke jangalon mein sinhabhoomi jile mein vah sthaan (ispaat ki drushti se bahut hi upayukt) khoj nikaala.

Jamshed ji ki anya badi ullekhaneeya yojanaaon mein pashchimi ghaaton ke teevr dhaaraaprapaaton se bijli utpann karanevaala vishaal udyog hai jiski neenv 8 fravari 1911 ko laanauli mein Governor dvaara rakhi gayi. isse Mumbai ki samoochi vidyut aavashyakataaon ki poorti hone lagi.

in vishaal yojanaaon ko kaaryaanvit karne ke saath hi tata ne paryatakon ki suvidha ke liye Mumbai mein Tajmahal hotel khada kiya jo poore Asia mein apne dhang ka akela hai.

safal audyogik aur vyaapaari hone ke atirikt sar jamashedaji udaar chitt ke vyakti the. ve audyogik kraanti ke abhishaap se parichit the aur uske kuparinaamon se apne deshvaasiyon, visheshat: mil majadooron ko bachaana chaahate the. isi uddeshya se unhonne milon ki chahaaradeevaari ke baahar unke liye pustakaalayon, paarkon, aadi ki vyavastha ke saath-saath dava aadi ki suvidha bhi unhein pradaan ki.

yeh bhi dekhein

baahari kadiyaaain