jalasena vidroh (mumbai)

vidrohi nausainik ki moorti (kolaaba, mumbai)

Bhaarat ki aajaadi ke theek pehle mumbai mein raayal indiyn navy ke sainikon dvaara pehle ek poorn hadtaal ki gayi aur uske baad khula vidroh bhi hua. ise hi jalasena vidroh ya mumbai vidroh (Bombay myutini) ke naam se jaana jaata hai. yeh vidroh 18 fravari san 1946 ko hua jo ki jalayaan mein aur samudra se baahar sthit jalasena ke thikaanon par bhi hua. yadyapi yeh mumbai mein aarambh hua kintu Karachi se lekar Kolkata tak ise poore british Bhaarat mein ise bharpoor samarthan mila. kul milaakar 78 jalayaanon, 20 sthaleeya thikaanon evam 20,000 naavikon ne ismein bhaag liya. kintu durbhaagya se is vidroh ko bhaarateeya itihaas me samuchit mahatva naheen mil paaya hai.

anukram

parichay

vidroh ki svat:sfoort shuruaat nausena ke signals prashikshan pot 'I.N.S. talavaar' se hui. naavikon dvaara kharaab khaane ki shikaayat karne par angrej kamaan afsaron ne nasli apamaan aur pratishodh ka ravaiya apnaaya. is par 18 fravari ko naavikon ne bhookh hadtaal kar di. hadtaal agale hi din kaisal, fort bairakon aur Mumbai bandaragaah ke 22 jahaajon tak fail gayi. 19 fravari ko ek hadtaal committee ka chunaav kiya gaya. naavikon ki maaaingon mein behtar khaane aur gore aur bhaarateeya nausainikon ke liye samaan vetan ke saath hi aajaad hind fauj ke sipaahiyon aur sabhi raajaneetik bandiyon ki rihaai tatha indoneshiya se sainikon ko vaapas bulaaye jaane ki maaaing bhi shaamil ho gayi. vidrohi bede ke mastoolon par communist party, Congress aur muslim league ke jhande ek saath fahara diye gaye. 20 fravari ko vidroh ko kuchalane ke liye sainik tukadiyaaain Mumbai laayi gayeen. nausainikon ne apni kaarravaaiyon ke taalamel ke liye paaainch sadasyeeya kaaryakaarini chuni. lekin shaantipoorn hadtaal aur poorn vidroh ke beech chunaav ki duvidha unamein abhi bani hui thi, jo kaafi nukasaanadeh saabit hui. 20 fravari ko unhonne apne-apne jahaajon par lautane ke aadesh ka paalan kiya, jahaaain sena ke gaardon ne unhein gher liya. agale din kaisal bairakon mein naavikon dvaara ghera todne ki koshish karne par ladaai shuroo ho gayi jismein kisi bhi paksh ka palada bhaari naheen raha aur dopahar baad chaar baje yudhd viraam ghoshit kar diya gaya. Admiral gaadafre ab bamabaari karke nausena ko nasht karne ki dhamaki de raha tha. isi samay logon ki bheed getave of indiya par nausainikon ke liye khaana aur anya madad lekar umad padi.

vidroh ki khabar failate hi Karachi, Calcutta, Madras aur vishaakhaapattanam ke bhaarateeya nausainik tatha Delhi, thaane aur Pune sthit kost guard bhi hadtaal mein shaamil ho gaye. 22 fravari hadtaal ka charam bindu tha, jab 78 jahaaj, 20 tateeya pratishthaan aur 20,000 nausainik ismein shaamil ho chuke the. isi din communist party ke aahnaan par Mumbai mein aam hadtaal hui. nausainikon ke samarthan mein shaantipoorn pradarshan kar rahe majadoor pradarshanakaariyon par sena aur police ki tukadiyon ne barbar hamla kiya, jismein kareeb teen sau log maare gaye aur 1700 ghaayal hue. isi din subah, Karachi mein bhaari ladaai ke baad hi 'Hindustan' jahaaj se aatmasamarpan karaaya ja saka. angrejon ke liye haalaat sangeen the, kyonki theek isi samay Mumbai ke vaayu sena ke pilot aur havaai adde ke karmachaari bhi nasli bhedabhaav ke virudhd hadtaal par the tatha Calcutta aur doosare kai havaai addon ke piloton ne bhi unke samarthan mein hadtaal kar di thi. kaintonament kshetron se sena ke bheetar bhi asantosh khadabadaane aur vidroh ki sambhaavana ki khufiya riporton ne angrejon ko bhayaakraant kar diya tha.

muslim league aur Congress ka ravaiya

aise naajuk samay mein unke taaranahaar ki bhoomika mein Congress aur league ke neta aage aaye, kyonki sena ke sashastr vidroh, majadooron dvaara uske samarthan tatha kamyuniston ki sakriya bhoomika se raashtreeya aandolan ka burjuaa netrutv swayam aatankit ho gaya tha. jinna ki sahaayata se Patel ne kaafi koshishon ke baad 23 fravari ko nausainikon ko samarpan ke liye taiyaar kar liya. unhein aashvaasan diya gaya ki Congress aur league unhein anyaaya va pratishodh ka shikaar naheen hone deinge. baad mein sena ke anushaasan ki duhaai dete hue Patel ne apna vaayada tod diya aur nausainikon ke saath aitihaasik vishvaasaghaat kiya. March '46 mein aan‍aadhr ke ek Congressi neta ko likhe patra mein sena ke anushaasan par bal dene ka kaaran Patel ne yeh bataaya tha ki 'svatantr Bhaarat mein bhi hamein sena ki aavashyakta hogi.' ullekhaneeya hai ki 22 fravari ko communist party ne jab hadtaal ka aahnaan kiya tha to Congressi samaajavaadi achyut patavardhan aur aruna aasaf Ali ne to usaka samarthan kiya tha, lekin Congress ke anya netaaon ne vidroh ki bhaavana ko dabaane vaale vaktavya diye the. Congress aur league ke praanteeya neta S.ke. Patil aur chundareegar ne to kaanoon-vyavastha banaaye rakhane ke liye svayansevakon ko lagaane tak ka prastaav diya tha. Nehru ne nausainikon ke vidroh ka yeh kehkar virodh kiya ki 'hinsa ke uchhrunkhal udrek ko rokane ki aavashyakta hai.' gaaaindhi ne 22 fravari ko kaha ki 'hinsaatmak kaarravaai ke liye hinduon-musalmaanon ka ekasaath aana ek apavitr baat hai.' nausainikon ki ninda karte hue unhonne kaha ki yadi unhein koi shikaayat hai to ve chupachaap apni naukri chhod dein. aruna aasaf Ali ne iska dotook javaab dete hue kaha ki nausainikon se naukri chhodne ki baat kehna un kaangresiyon ke muainh se shobha naheen deta jo khud vidhaayikaaon mein ja rahe hain.

nausena vidroh ne Congress aur league ke varg charitra ko ekdam ujaagar kar diya. nausena vidroh aur uske samarthan mein uth khadi hui janta ki bhartsana karne mein league aur Congress ke neta badh-chadhkar lage rahe, lekin satta ki barbar damanaatmak kaarravaai ke khilaaf unhonne chooain tak naheen ki. janta ke vidroh ki sthiti mein ve saamraajyavaad ke saath khade hone ko taiyaar the aur svaatantrayottar Bhaarat mein saamraajyavaadi hiton ki raksha ke liye ve taiyaar the. janaandolanon ki jaroorat unhein bas saamraajyavaad par dabaav banaane ke liye aur samjhaute ki table par behtar shartein haasil karne ke liye thi.

inhein bhi dekhein

baahari kadiyaaain