jalachikitsa

jalachikitsa (Hydropathy) anek rogon ki chikitsa karne ki ek nishchit paddhati hai, jismein sheetal tatha ushn jal ka baahyaabhyantar prayog sarvashreshth aushadhi hoti hai aur upachaaraarth prayukt anya sabhi oshadhiyaaain praaya: haanikr samajhi jaati hain.

itihaas

jalopachaar 1829 E se prachalit hai. iska shreya saaileeja (aastriya) ke vinseint preesanits (Vincent Priessnitz) naamak ek kisaan ko hai, jisne sarvapratham iska vyavahaar prachalit kiya. baad mein anek doctoron ne aantajvar, atijvar (Hyperpyrexia) ityaadi mein sheetakaari snaan bada upayogi paaya. ab iska prayog adhik vyaapak ho gaya hai.

jalachikitsa mein jal ka prayog

jalachikitsa mein jal ka prayog nimnalikhit vidhiyon dvaara kiya jaata hai :

1. ekaang tatha sarvaang ke liye sheetal tatha ushn aaveshtan (packings). aardravastraaveshtan chikitsa vyavasaaya ka ek mahatva ka ang ho gaya hai.

2. ushn vaayu tatha baashpasnaan - tarkish baath ushnavaayusnaan ka uttam udaaharan hai. David urgunhart (David Urguhart) ne paurvaatya deshon se lautane par England mein isko khoob prachalit kiya. ab tarkish baath ek svatantr sarvamaanya saarvajanik pratha hi ban gayi hai.

3. sheetal aur ushn jal ka sarvaang snaan.

4. sheetal ya ushn jal se paad, kati, sheersh, merudand aadi, ekaangasnaan.

5. aardr tatha shushk patabandhan aur kanpres (compresses).

6. sheetal tatha ushn seink evam pooltis (poultices)

7. prakshaalan (Ablution) - ismein 15 degree -21 degree sein. taap ka paani haathon se shareer par lagaaya jaata hai.

8. aasek (Affusion) - ismein rogi tab mein baitha ya khada rahata hai aur uske sarvaang ya ekaang par baalti se paani daala jaata hai.

9. doosh (Douche) - ismein pipe (hose pipe) ke dvaara shareer par paani chhoda jaata hai.

10. jalapaan - ismein peene ke liye sheetal ya ushn jal diya jaata hai.

baahari kadiyaaain