jalaaluddeen roomi

roomi

maulaana muhammad jalaaluddeen roomi (30 sitmbar, 1207) faarasi saahitya ke mahatvapoorn lekhak the jinhonne masanavi mein mahatvapoorn yogadaan kiya. inhonne soofi parampara mein nartak saadhuo (girdaani daraveshon) ki parampara ka sanvardhan kiya. roomi afgaanistaan ke mool nivaasi the par madhya Turkey ke saljook darbaar mein inhonne apna jeevan bitaaya aur kai mahatvapoorn rachanaaeain racheen. konya (madhya Turkey) mein hi inka dehaant hua jiske baad aapki kabr ek majaar ka roop leti gayi jahaaain aapki yaad mein saalaana aayojan saikadon saalon se hote aate rahe hain.

roomi ke jeevan mein shams tabareeji ka mahatvapoorn sthaan hai jinse milne ke baad inki shaayari mein mastaana rang bhar aaya tha. inki rachanaaon ke ek sangrah (deevaan) ko deevaan-A-shams kehte hain.

anukram

jeevani

inka janm faaras desh ke prasiddh nagar baalkh mein san 604 hijri mein hua tha. roomi ke pita shekh bahaauddeen apne samay ke adviteeya pandit the jinke upadesh sunane aur fatwe lene faaras ke bade-bade ameer aur vidvaan aaya karte the. ek baar kisi maamale mein samraat se matabhed hone ke kaaran unhonne balakh nagar chhod diya. teen sau vidvaan mureedon ke saath ve balakh se ravaana hue. jahaan kaheen ve gaye, logon ne usaka hrudaya se svaagat kiya aur unke upadeshon se laabh uthaaya. yaatra karte hue san 610 hijri mein ve neshaanpur naamak nagar mein pahunche. vahaan ke prasiddh vidvaan khwaaja fareedauddeen attaar unase milne aae. us samay baalak jalaaluddeen ki umr 6 varsh ki thi. khwaaja attaar ne jab unhein dekha to bahut khush hue aur uske pita se kaha, "yeh baalak ek din avashya mahaan purush hoga. iski shiksha aur dekh-rekh mein kami na karna." khwaaja attaar ne apne prasiddh granth masanavi attaar ki ek prati bhi baalak roomi ko bheint ki.

vahaan se bhraman karte hue ve Baghdad pahunche aur kuchh din vahaan rahe. fir vahaan se hajaaj aur shaam hote hue laainda pahunche. 18 varsh ki umr mein roomi ka vivaah ek pratishthit kul ki kanya se hua. isi dauraan baadshah khvaajarajmashaah ka dehaant ho gaya aur shaah alaauddeen kaikabaad raajasinhaasan par baithe. unhonne apne karmachaari bhejkar shekh bahaauddeen se vaapas aane ki praarthana ki. san 624 hijri mein vah apne putr sahit kauniya gaye aur chaar varsh tak yahaan rahe. san 628 hijri mein unka dehaant ho gaya.

konya mein maulaana roomi ki majaar ke andar ka drushya

roomi apne pita ke jeevanakaal se unke vidvaan shishya Sayyed barahaanauddeen se padha karte the. pita ki mrutyu ke baad vah damishk aur halab ke vidyaalayon mein shiksha praapt karne ke liye chale gaye aur lagbhag 15 varsh baad vaapas laute. us samay unki umr chaalees varsh ki ho gayi thi. tab tak roomi ki vidvatta aur sadaachaar ki itni prasiddh ho gayi thi ki desh-deshaantaron se log unke darshan karne aur upadesh sunane aaya karte the. roomi bhi raat-din logon ko sanmaarg dikhaane aur upadesh dene mein lage rahate. isi arse mein unki bheint vikhyaat saadhoo shams tabarej se hui jinhonne roomi ko adhyaatm-vidya ki shiksha di aur uske gupt rahasya batalaaye. roomi par unki shikhaaon ka aisa prabhaav pada ki raat-din aatmachintan aur saadhana mein sanlagn rahane lage. upadesh, fatwe or padhne-padhaane ka sab kaam band kar diya. jab unke bhakton aur shishyon ne yeh haalat dekhi to unhein sandeh hua ki shams tabarej ne roomi par jaadoo kar diya hai. isliye ve shams tabarej ke viruddh ho gaye aur unka vadh kar daala. is dushkrutya mein roomi ke chhote bete ilaauddeen muhammad ka bhi haath tha. is hatya se saare desh mein shok chha gaya aur hatyaaron ke prati rosh aur ghruna prakat ki gayi. roomi ko is durghatana se aisa du:kh hua ki ve sansaar se virkt ho gaye aur ekaantavaas karne lage. isi samay unhonne apne priya shishya maulaana hasaamauddeen chishti ke aagrah par 'masanavi' ki rachana shuroo ki. kuchh din baad vah beemaar ho gaye aur fir svasth naheen ho sake. 672 hijri mein unka dehaant ho gaya. us samay ve 68 varsh ke the. unki majaar kauniya mein bani hui hai.

kavita

roomi ki kavitaaon mein prem aur ishvar bhakti ka sundar samishran hai. inko husn aur khuda ke baare mein likhne ke liye jaana jaata hai.

maashook chooain aaftaab taabaan garadad.
aashak be misl-A-jrr-A-garadaan garadad.
chooain baad-A-bahaar-A-ishk jonbaan garadad.
har shaakh ke khushk neest, raksaan garadad.

(premika sooraj ki tarah jalakar ghoomti hai aur aashik ghoomate hue kanon ki tarah parikrama karte hain. jab ishk ki hava hilor karti hai, to har shaakh (daali) jo sookhi naheen hai, naachate hue parikrama karti hai)

chaudhari shivnaathasinh shaandilya ne is granth krut ki kuchh chuni hui shikshaaprad kahaaniyon ka hindi anuvaad kiya hai jo int ki deevaar ke naam se prakaashit hua hai. chaudhari shivnaathasinh shaandilya ne hi inki jeevani jalaaluddeen roomi / chaudhari shivnaathasinh shaandilya bhi likhi hai.

drushya maalika

sambandhit kadiyaaain

baahari kadiyaaain