jaivapratirodhi

jaivapratirodhi (Antibiotic/enteebaayotik) sookshmajeevon ke dviteeyak upaapachaya padaarth hain, jo ki anya sookshm jeevon ko nasht karne athva unki vruddhi ko avarodhit karne ki kshamata rakhate hain. doosare shabdon mein, pratijaivik (Antibiotic) ek prakaar ke rasaayanik padaarth hain, jinka nirmaan kuchh sookshmajeeviyon dvaara hota hai. jaivapratirodhi rasaayan anya (rog utpann karne vaale) sookshmajeeviyon ki vruddhi ko mand kar sakte athva unhein maar sakte hain. paineeseelin saamaanya roop se prayog mein laaya jaane wala ainteebaayotik hai.

sookshmajeevon ki sahaayata se jaivarodhi rasaayan ke utpaadan ki khoj 20veen shataabdi ki atyant mahattvapoorn khoj aur maanav samaaj ke kalyaan ke liye ek bahut badi upaladhi maani jaati hai.

parichay

'ainti' ek greek bhaasha ka shabd hai, jiska arth 'khilaaf' tatha 'bauyo' ka arth jeevan hai. donaaein ko mila dene se iska arth 'jeevan ke khilaaf' hua (rog jin jeevon se utpann hote hain, unke sandarbh mein) jabki manushyon ke sandarbh mein yeh jeevan ke khilaaf na hokar 'jeevan mein sahaayak' maane jaate hain.

penisilin ki khoj ek prakaar ka haadasa (apratyaashit ghatna) thi. elaigjaindar fralaiming jab staifilokokas baikteeriya par kaarya kar rahe the tab unhein ek baar dikhaai diya ki jin pleton par vah kaarya kar rahe the, unamein ek bina dhuli plate par mold utpann ho gaye hain jis kaaran staifilokokas vruddhi na kar saka. unhonne paaya ki yeh prabhaav mold dvaara utpann ek rasaayan 'paineesileen' dvaara hota hai. chooainki paineesileen, 'paineeseeliym notetam' naamak mold se utpann hota hai, is kaaran iska naam unhonne 'paineesileen' rakha.

baad mein aranaist chain tatha haavard fralaure ne iski ek shaktishaali evam prabhaavashaali ainteebauyotik ke roop mein pushti ki. is ainteebauyotik ka prayog doosare vishv yuddh mein ghaayal amareekan sipaahiyon ke upachaar mein vyaapak roop se kiya gaya. fralaiming, chain tatha fralaure ko is khoj ke liye 1945 mein Nobel puraskaar se puraskrut kiya gaya.

inhein bhi dekhein

baahari kadiyaaain