jaiv indhan

ganne ki khoi aur pattiyon ka upayog indhan ke roop mein karke bijli utpaadan kiya jaata hai.
ratanajyot (jatrofa) ke fal jinse baayodeejal banta hai

fasalon, pedon, paudhon, gobar, maanav-mal aadi jaivik vastuon (baayomaas) mein nihit urja ko jaiv oorja kehte hain. inka prayog karke ushma, vidyut ya gatij oorja utpann ki ja sakti hai. dharaatal par vidyamaan sampoorn vanaspati aur jantu padaarth ko 'baayomaas' kehte hain.

jaiv indhan ka prayog saral hai. yeh praakrutik taur se nasht hone wala tatha salfar tatha gandh se poornataya mukt hai.

paudhe prakaash sanshleshan ki prakriya ke dvaara saur urja ko jaiv oorja mein badalate hain. yeh jaiv oorja, vibhinn prakriyaayon se gujrate hue vividh oorja sroton ka utpaadan karti hai. udaaharan ke liye pashuon ko chaara, jiske badle hamein gobar praapt hota hai, krushi avashesh ke dvaara khaana pakaana aadi. yadyapi koyala evam petrolium bhi ped-paudhon ke parivrtit roop hain, kintu inhe jaiv-oorja ke srot ki tarah naheen maana jaata hai kyonki ye prakriya hajaaron varsh pehle hui hogi.

anukram

jaiv oorja ke upayog

jaiv indhan oorja ka ek mahatvapoorn srot hai jiska desh ke kul indhan upayog mein ek-tihaai ka yogadaan hai aur graameen parivaaron mein iski khapat lagbhag 90 pratishat hai. jaiv indhan ka vyaapak upayog khaana banaane aur ushnata praapt karne mein kiya jaata hai. upayog kiye jaane vaale jaiv indhan mein shaamil hai- krushi avashesh, lakdi, koyala aur sookhe gobar.

Bhaarat mein jaiv indhan ki varttamaan upalabdhata lagbhag 120-150 million meetrik tan prativrsh hai jo krushi aur vaaniki avasheshon se utpaadit hai aur jiski oorja sanbhaavyata 16,000 mega vaat hai.

jaiv oorja ke laabh

starling engine- jo baayomaas ke jvalan se utpann ooshma se chalakar vidyut paida karta hai.
  • sthaaneeya roop se upalabdh
  • naveeneekaraneeya
  • jeevaashm indhan ki tulana mein yeh ek svachh indhan hai. ek prakaar se jaiv indhan, kaarban daai-oksaaid ka avashoshan kar hamaare parivesh ko bhi svachh rakhata hai.

jaiv urja ke dosh

  • indhan ko ekatrit karne mein kadi mehnat.
  • khaana banaate samay aur ghar mein roshanadaani (veinteeleshan) naheen hone ke kaaran gobar se bani indhan vaataavaran ko pradooshit karti hai jisse svaasthya ko gambhir khatra hota hai.
  • jaiv indhan ke lagaataar aur paryaapt roop se upayog na karne ke kaaran vanaspati ka nuksaan hota hai jiske chalte paryaavaran ke star mein giraavat aati hai.

jaiv indhan ke upayog ki kshamata

jaiv indhan upayog ki kshamata nimnalikhit vidhiyon se badhaai ja sakti hai-

  • viksit dijaain ke stovon ka upayog, jo kshamata ko doguna karta hai jaise dhuainaa rahit oorja choolha.
  • baayo maas ko kampres karte hue briket ke roop mein banaaye rakhana taaki vah kam sthaan le sake aur adhik prabhaavi dhg se kaarya kar sake.
  • jaiv vastuon ko enaarobik daayajeshan ke maadhyam se baayogais mein roopaantarit karna jo na keval indhan ki aavashyaktaaon ko poora karta hai balki kheton ko ghulanasheel khaad bhi upalabdh karaata hai.
  • niyantrit vaayu aapoorti ke antargat baayo maas ke aanshik dahan ke maadhyam baayo maas ko utpaadak gas mein roopaantarit karna.

baahari kadiyaaain