jain prateek chinh
varsh 1975 mein 1008 Bhagwan mahaaveer svaami ji ke 2500vein nirvaan varsh avsar par samast jain samudaayon ne jain dharm ke prateek chinh ka ek svaroop banaakar us par sahamati prakat ki thi. aajkal lagbhag sabhi jain patra-patrikaaon, vaivaahik card, kshamaavaani card, Bhagwan mahaaveer svaami ka nirvaan diwas, deepaavali aamantran-patra evam anya kaaryakramon ki patrikaaon mein is prateek chinh ka prayog kiya jaata hai.
anukram
mool bhaavanaaeain
jain prateek chinh kai mool bhaavanaaon ko apne mein samaahit karta hai. is prateek chinh ka roop jain shaastron mein varnit teen lok ke aakaar jaisa hai. iska nichla bhaag adholok, beech ka bhaag- madhya lok evam oopar ka bhaag- urdhvalok ka prateek hai. iske sabse oopar bhaag mein chandraakaar siddh shila hai. anantaant siddh parameshthi Bhagwan is siddh shila par anant kaal se anant kaal tak ke liye viraajamaan hain. chinh ke nichle bhaag mein pradarshit haath abhaya ka prateek hai aur lok ke sabhi jeevon ke prati ahinsa ka bhaav rakhane ka prateek hai. haath ke beech mein 24 aaron wala chakr chaubees teerthankaron dvaara praneet jin dharm ko darshaata hai, jiska mool bhaav ahinsa hai, oopari bhaag mein pradarshit svastik ki chaar bhujaaeain chaar gatiyon- narak, triyanch, manushya evam Dave gati ki dyotak hain. pratyek sansaari praani janm-mrutyu ke bandhan se mukt hona chaahata hai. svastik ke oopar pradarshit teen bindu samyak ratnatraya-samyak darshan, samyak gyaan evam samyak charitra ko darshaate hain aur sandesh dete hain ki samyak ratnatraya ke bina praani mukti ko praapt naheen kar sakta hai. samyak ratnatraya ki upalabdhata jainaagam ke anusaar moksh praapti ke liye param aavashyak hai. sabse neeche likhe gaye sootr 'parasparopagraho jeevaanaam' ka arth pratyek jeevan paraspar ek doosare ka upakaar karein, yahi jeevan ka lakshan hai. sankshep mein jain prateek chinh sansaari praani maatr ki vartamaan dasha evam isse mukt hokar siddh shila tak pahuainchane ka maarg darshaata hai.
upayog nirdesh
jain prateek chinh kisi bhi vichaaradhaara, darshan ya dal ke dhvaj ke samaan hai, jisko dekhne maatr se pata lag jaata hai ki yeh kisase sambandhit hai, parantu iske liye kisi bhi prateek chinh ka vishisht (yooneek) hona evam sabhi sthaanon par samaanupaati hona bahut hi aavashyak hai. yeh bhi aavashyak hai ki prateek dhvaj ka praaroop banaate samay jo mool bhaavanaaeain ismein samaahit ki gayi theen, un sabhi mool bhaavanaaon ko yeh chinh achhi tarah se prakat karta hai.
is prateek chinh ko ek roop chhaapane ke liye ab iske fauramet ka vikaas kar liya gaya hai. is fauramet ke upayog se ise sahi svaroop mein chhaapa ja sakega. sunishchit kar lein ki iske sahi fauramet ka upayog ho raha hai. yeh fauramet jain website se ni:shulk daaunalod bhi kiya ja sakta hai.
