jain dharm mein Bhagwan

jain dharm is brahmaand ki abhivyakti, nirmaan ya rakharakhaav ke liye jimmedaar kisi nirmaata ishvar ya shakti ki dhaarana ko khaarij karta hai.[1] jain darshan ke anusaar, yeh lok aur iske chhah dravya (jeev, pudgal, aakaash, kaal, dharm, aur adharm) hamesha se hai aur inka astitv hamesha rahega. yeh brahmaand swayam sanchaalit hai aur saarvabhaumik praakrutik kaanoonon par chalta hai. jain darshan ke anusaar Bhagwan, ek amoortik vastu ek moortik vastu (brahmaand) ka nirmaan naheen kar sakti. jain granthon mein devon (svarg nivaasiyon) ka ek vistrut vivran milta hai, lekin in praaniyon ko rachanaakaaron ke roop mein naheen dekha jaata hai; ve bhi dukhon ke adheen hain aur anya sabhi jeevit praaniyon ki tarah, apni aayu poori kar ant mein mar jaate hai. jain dharm ke anusaar is srushti ko kisi ne naheen banaaya.

jain dharm ke anusaar har aatma ka asli svabhaav bhagavanta hai aur har aatma mein anant shakti, anant gyaan aur anant shaanti hai. aatma ke karmon ke bandh ke kaaran yeh gun prakat naheen ho paate. jain darshan ke anusaar, karm prakruti ke maulik kan hote hain. samyak darshan, samyak gyaan, samyak charitra ke maadhyam se aatma ke is raajya ko praapt kiya ja sakta hai. in ratantraya ke dhaarak ko Bhagwan kaha ja sakta hai. ek Bhagwan, is prakaar ek mukt aatma ho jaata hai - dukh se mukti, punarjanm, duniya, karm aur ant mein shareer se bhi mukti. ise nirvaan ya moksh kaha jaata hai. is prakaar, jain dharm mein anant Bhagwan hai, sab baraabar, mukt, aur sabhi gun ki abhivyakti mein anant hain.

jinhonne karmon ka hanan kar keval gyaan praapt kar liya hai, unhein arihnt kehte hai. teerthankar vishesh arihnt hote hai jo 'teerth' ki rachana karte hai, yaani ki jo anya jeevon ko moksh-maarg dikhaate hai.

jain dharm kisi bhi sarvochch jeev par nirbharata naheen sikhaata. teerthankar aatmajnyaaan ke liye raasta dikhaate hai, lekin gyaan ke liye sangharsh khud hi karna padta hai.

jain dharm mein arihnt aur siddh hi Bhagwan hai. devi, devataaon jo svarg mein hai vah apne achhe karmon ke kaaran vahaaain hai aur Bhagwan naheen maane ja sakte. yeh devi, devata ek nishit samay ke liye vahaaain hai aur yeh bhi maran uparaant manushya bankar hi moksh ja sakte hai.

anukram

Bhagwan ka svarup

aachaarya samantabhadr virchit ratnakarand shraavakaachaar ke do shlok sachche Dave ka svarup bataate hain:

aapteno chhindoshen sarvajnyaenaagameshina.
bhavitvyan niyogen naanyatha hyaaptata bhavet..5.

niyam se doshon se rahit, sarvajnya, hitopadeshi purush hi sachche Dave hona chaahiye, anya kisi prakaar devatv naheen ho sakta.[2]

kshutpipaasaajaraajaraatakd janmaantakabhayasmayaa:.
na raagadveshamohaashch yasyaapt: s prakeertyate ..6..

bhook, pyaas, budhaapa, rog, janm, maran, bhaya, ghamand, raag, dvesh, moh, nidra, paseena aadi 28 dosh naheen hote vahi veetaraag Dave kahein jaate hain.[2]

kevali

bharat chakravarti bhi arihnt hue

jinhonne chaar ghaatiya karmon ka kshaya kar diya vah, arihnt kahalaate hai.[3] samast kashaayon (jaise krodh, maan, maaya, lobh) ko naash kar keval gyaan praapt karne vaale vyakti arihnt kahalaate hai. inhein kevali bhi ka jaata hai. arihnt do prakaar ke hote hai:

  1. teerthankar- 24 mahaapurush jo anya jeevon ko moksh maarg ka upadesh dete hai.
  2. saamaanya kevali- jo apna kalyaan karte hai.

teerthankar (arihnt)

teerthankar ka arth hota hai jo dharm teerth ko pravart karein. teerthankar sansaar saagar se paar karne vaale dharm teerth (moksh maarg) ko pravart karte hai. teerthankar chaturvidh sangh ki sthaapana bhi karte hai.[4] teerthankar ki tulana anya kisi devi-devata se naheen ki ja sakti, kyonki ve kashaayarahit mukt jeevaatma hain. tat: mukt hone ki vajah se, brahmaand mein kisi ki praarthana ke javaab mein hastakshep naheen karte.[5]

siddh

siddhashila jahaaain siddh parameshthi (mukt aatmaaeain) viraajati hai

sabhi arihant apne aayu karm ke ant hone par siddh ban jaate hai. siddh ban chuki aatma jeevan maran ke chakr se mukt hoti hai. apne sabhi karmon ka kshaya kar chuke, siddh Bhagwan ashtaguno se yukt hote hai.[3] vah siddhashila jo lok ke sabse oopar hai, vahaaain viraajate hai. anant aatmaaeain siddh ban chuki hai. jain dharm ke anusaar bhagavanta kisi ka ekaadhikaar naheen hai aur sahi drushti, gyaan aur charitra se koi bhi siddh pad praapt kar sakta hai. siddh ban chuki aatma lok ke kisi kaarya mein dakhl naheen deti. siddh deharahit hote hain.[6]

pooja

jainon dvaara in veetaraagi bhagavaano ki pooja kisi upakaar ya upahaar ke liye naheen ki jaati. veetaraagi Bhagwan ki pooja karmon ko kshaya karne aur bhagavanta praapt karne ke liye ki jaati hai.

inhein bhi dekhein

sandarbh

  1. shaastri 2007, pa॰ 87.
  2. a aa jalaj 2006.
  3. a aa pramaanasaagar 2008, pa॰ 148.
  4. pramaanasaagar 2008, pa॰ 16.
  5. Thrower (1980), p.93
  6. shaastri 2007, pa॰ 82.

sandarbh granth