jahaangeer ratanaji daadaabhaai tata

J aar di tata
जे आर डी टाटा
janmatithi: 29 July, 1904
nidhan: 29 November, 1993
udyogapati
janmasthaan: peris, France

jahaangeer ratanaji daadaabhaai tata ya J aar di tata (29 July, 1904 - 29 November, 1993) Bhaarat ke vaayuyaan udyog aur anya udyogo ke agrani the. ve ratanaji daadaabhaai tata aur unki fraanseesi patni sujenn breere (en:Suzanne Briere) ke paanch santaano me se dusare the. ve dashako tak tata group ke nirdeshak rahe aur ispaat, injeeneeyareeng, hotl, vaayuyaan aur anya udyogo ka Bhaarat me vikaas kiya. 1932 mein unhonne tata airlines shuroo ki. Bhaarat ke liye mahaan engineering company kholne ke sapane ke saath unhonne 1945 mein telko ki shooroovaat ki jo moolat: engineering aur lokomotiv ke liye thi. unhe varsh 1957 me padm vibhushan aur 1992 mein Bhaarat ratn se sammanit kiya gaya.[1]

anukram

vyavasaayik jeevan

JRD tata vaayuyaan udyog aur anya udyogo ke agrani the..10 February 1929 ko tata ne Bhaarat mein jaari kiya gaya pehla pilot license praapt kiya. [2] san 1932 mein unhonne Bhaarat ki pehli vaanijyik airline, tata airlines ki sthaapana ki jo baad mein varsh 1946 mein Bhaarat ki raashtreeya airline , air India bani. baad mein unhein bhaarateeya naagar vimaanan ke pita ke roop mein jaana jaane laga. san 1925 mein ve ek avaitanik prashikshu ke roop mein tata end sons mein shaamil ho gaye.varsh 1938 mein unhein Bhaarat ke sabse bade audyogik samooh tata end sons ka adhyaksh chuna gaya. dashakon tak unhonne steel, engineering, oorja, rasaayan aur aatithya ke kshetr mein kaaryarat vishaal tata samooh ki companiyon ka nirdeshan kiya. vah apne vyaapaarik kshetr mein safalta aur uchch naitik maanakon ke liye bahut prasiddh the. unki adhyakshata mein tata samooh ki sampatti $ 1000 lakh se badhkar 5 arab Amreeki dollar ho gayi. unhonne apne netrutv mein 14 udyamon ke saath shurooaat ki thi ,jo 26 July 1988 ko unke pad chhodne ke samay,badhkar 95 udyamon ka ek vishaal samooh ban gaya.unhonne varsh 1968 mein tata computer center(ab tata kansalteinsi services) aur san 1979 mein tata steel ki sthaapana ki. ve 50 varsh se adhik samay tak , san 1932 mein sthaapit sar doraabaji tata trast ke trasti the. unke maargadarshan mein is trast ne raashtreeya mahatva ke kai sansthanon ki sthaapana ki , jaise tata saamaajik vigyaan sansthaan (teeaaiesaes, 1936), tata moolabhoot anusandhaan sansthaan( teeaaiefaaar, 1945), Asia ka pehla Cancer aspataal, tata memoriyl center aur pradarshan kala ke liye raashtreeya kendra. san 1945 mein unhonne tata motors ki sthaapana ki. JRD tata ne san 1948 mein Bhaarat ki pehli antararaashtreeya airline ke roop mein air India international ka shubhaaranbh kiya. san 1953 mein Bhaarat sarkaar ne unhein air India ka adhyaksh aur Indian airlines ke board ka nirdeshak niyukt kiya. ve is pad par 25 saal tak bane rahe. JRD tata ne apne company ke karmachaariyon ke hit ke liye kai neetiyaaain apnaai. san 1956 mein, unhonne company ke maamalon mein shramikon ko ek majaboot aavaaj dene ke liye 'prabandhan ke saath karmachaari association' kaaryakram ki shurooaat ki.unhonne prati din aath ghante kaam , ni: shulk chikitsa sahaayata, kaamagaar durghatana kshatipoorti jaisi yojanaaon ko apnaaya.

puraskaar aur sammaan

JRD tata ko kai puraskaaron se sammaanit kiya gaya hai. bhaarateeya vaayu sena ne unhein group captain ki maanad pad se sammaanit kiya tha aur baad mein unhein air commodore pad par padonnat kiya gaya aur fir 1 April 1974 ko air vaais maarshal pad diya gaya. [3] vimaanan ke liye unako kai antararaashtreeya puraskaar diya gaya -March 1979 mein toni jenas puraskaar ,san 1995 mein federation aironautik intaraneshanel dvaara gold air padak,san 1986 mein Canada sthit antarraashtreeya naagar vimaanan sangathan dvaara Edward vaarnar puraskaar aur san 1988 mein dainiyl gugneinim award. san 1955 mein unhein padm vibhooshan se sammaanit kiya gaya. unke ni: svaarth maanaveeya prayaason ke liye ,san 1992 mein JRD tata ko Bhaarat ke sarvochch naagrik sammaan, Bhaarat ratn se sammaanit kiya gaya.

maut

gurde mein sankraman ke kaaran 29 November 1993 ko unka jineva mein 89 varsh ki aayu mein nidhan ho gaya. unki mrutyu par bhaarateeya sansad unki smruti mein sthagit kar di gayi thi. unako peris mein pere lechase naamak kabristaan mein dafnaaya gaya hai. [4]

sandarbh

baahari kadiyaaain