jagannaath panditraaj

jagannaath panditraaj (janm : 16veen shati ke antim charan mein -- mrutyu : 17veen shadi ke truteeya charan mein), uchch koti ke kavi, samaalochak, saahityashaastrakaar tatha vaiyaakaran the. kavi ke roop mein unka sthaan uchch kaati ke utkrusht kaviyon mein kaalidaas ke anantar - kuchh vidvaan rakhate hain. "rasagangaadhar"car ke roop mein unke saahityashaastreeya paanditya aur ukt granth ka panditmandali mein bada aadar hai.

anukram

jeevani

panditraaj jagannaath vellanaateeya kulodbhav tailang braahman, godaavari jilaantargat mungudu gram ke nivaasi the. unke unke pita ka naam "perubhatt" (perabhatt) aur maata ka naam lakshmi tha. perubhatt param vidvaan the. unhonne jnyaaaneindr bhikshu se "brahmavidya", Mahendra se nyaaya aur vaisheshik, khandadev se "poorvameemaansa" aur sheshaveereshvar se mahaabhaashya ka adhyayan kiya tha. ve anek vishyon ke ati praudh vidvaan the. panditraaj ne apne pita se hi adhikaansh shaastron ka adhyayan kiya tha. sheshaveereshvar jagannaath ke bhi guru the.

kimvadantiyaan

prasiddhi ke anusaar jagannaath, pehle Jaipur mein ek vidyaalaya ke sansthaapak aur adhyaapak the. ek kaaji ko vaad-vivaad mein paraast karne ke keertishravan se prabhaavit Delhi samraat ne unhein bulaakar apna raajapandit banaaya. "rasagangaadhar" ke ek shlok mein "nooradeen" ke ullekh se samjha jaata hai nooruddeen muhammad "jahaaaingeer" ke shaasan ke antim varshon mein (17veen shati ke dviteeya dashak mein) ve Delhi aae aur shaahajahaaain ke raajyakaal tatha daaraashikoh ke vadh tak (1659 E.) ve dilleevallabhon ke paanipllav ki chhaaya mein rahe. mugal vidvaan Yuvraj daaraashikoh ke saath unki maitri ghanishth thi par usaki hatya ke pashchaat unka uttar-jeevan Mathura aur kaashi mein mein haribhjan karte hue beeta. unke granthon mein na milne par bhi unke naam se milne vaale padyon aur kinvadantiyon ke anusaar panditraaj ka "lavangi" naamak navaneetakomalaangi, yavanasundari ke saath prem aur shareer-sambandh ho gaya tha jo ek darabaari gaayika/ nartaki thi. usase unka vidhipoorvak vivaah hua ya naheen, kab aur kahaaain usaki mrutyu hui - is vishay mein bahut si dantakathaaeain prachalit hain. iske atirikt panditraaj ke sambandh mein bhi anek janashrutiyaaain panditon mein prachalit hain. kaha jaata hai ki 'yavan sansargadosh' ke kaaran kaashi ke panditon, visheshat: appaya Dixit dvaara bahishkrut aur tirskrut hokar unhonne ' gangaalahari' ke shlokon ka uchchaar karte hue ichhaapoorvak praanatyaag kiya. kaheen-kaheen yeh bhi suna jaata hai ki yavani aur panditraaj - donon ne hi ganga mein doob kar praan de diye the. is prakaar ki lokaprachalit dantakathaaon ka koi aitihaasik-pramaan upalabdh naheen hai. kisi musalmaan ramani se unka pranaya-sambandh raha ho - yeh sambhav jaan padta hai. 16veen shati E. ke antim charan mein sambhavat: unka janm hua tha aur 17veen shati ke truteeya charan mein kadaachit unki mrutyu hui. saarvabhaumashri shaahajahaaain ke prasaad se unako "panditraaj" ki upaadhi (saarvabhaum shri shaahajahaaain prasaadaadhigtapanditraaj padaveeviraajiten) adhigt hui thi. Kashmir ke raayamukund ne unhein "aasafavilaas" likhne ka aadesh diya tha. navvaab aasaf khaaain ke (jo "noorajahaaain" ke bhaai aur shaahajahaaain ke mantri the) naam par unhonne usaka nirmaan kiya. isse jaan padta hai ki shaahajahaaain aur aasaf khaaain ke saath ve Kashmir bhi gaye the.

saahityik avadaan

panditraaj jagannaath uchch koti ke kavi, samaalochak tatha shaastrakaar the. kavi ke roop mein unka sthaan uchch kaati ke utkrusht kaviyon mein kaalidaas ke anantar- kuchh vidvaan rakhate hain. unhonne yadyapi mahaakaavya ki rachana naheen ki hai, tathaapi unki muktak-kavitaaon aur stotrakaavyon mein utkarshamaya aur udaatt kaavyashaili ka svaroop dikhaai deta hai. unki kavita mein prasaadagun ke saath-saath aajapradhaan, samaasabahula reeti bhi dikhaai deti hai. bhaavanaaon ka lalitgunfan, bhaavachitron ka mugdhakaari ankan, shabdamaadhurya ki jhankaar, alankaaron ka prasangasahaayak aur saundaryabodhak viniyog, arth mein bhaav-pravanata aur bodh-garima tatha padon ke sangrathan mein laalitya ki sarjana - unke kaavya mein prasangaanusaar praaya: sarvatr milti hai. reetikaaleen alankaranapriyta aur oohaatmak kalpana ki udaan ka bhi unapar prabhaav tha. gadya aur padya - donon ki rachana mein unki anyoktiyon mein utkrusht alankaranashaili ka prayog milta hai. kalpanaaranjit hone par bhi unamein tathyamoolak marmasparshita hai. unki sooktiyon mein jeevan ke anubhav ki pratidhvani hai. unke stotron mein bhaktibhaav aur shraddha ki drudh aastha se utpann bhaavaguruta aur tanmayata mukharit hai. unke shaastreeya vivechan mein shaastr ke gaanbheerya aur nootan pratibha ki drushti dikhaai padti hai. sookshm vishleshan, gambhir manan-chintan aur praudh paanditya, ke kaaran unka "rasagangaadhar" apoorn rahane par bhi saahityashaastr ke utkrushtatam granthon mein ek kaha jaata hai. ve ek saath kavi, saahityashaastrakaar aur vaiyaakaran the. par "rasagangaadhar" car ke roop mein unke saahityashaastreeya paanditya aur ukt granth ka panditmandali mein bada aadar hai.

pramukh rachanaaeain

granth ki praudhta se aakrusht ho kar saahityashaastrajnya naagesh bhatt ne "rasagangaadhar" ki teeka likhi thi.

stotr
  • (k) amrutalahari (yamunaastotr),
  • (kh) gangaalahari (peeyooshalahari - gangataamrutalahari),
  • (g) karunaalahari (vishnulahari),
  • (gh) lakshmeelahari aur
  • (ङ) sudhaalahari.
prashastikaavya
  • (k) aasafavilaas,
  • (kh) praanaabharan, aur
  • (g) jagadaabharan.
shaastreeya rachanaaeain -
  • (k) rasagangaadhar (apoorn sahityashaastreeya granth),
  • (kh) chitrameemaansaakhandan (appaya Dixit ki "chitrameemaansa" naamak alankaaragranth ki khandanaatmak aalochna) (apoorn),
  • (g) kaavyaprakaashateeka (manmat ke "kaavyaprakaash" ki teeka) aur
  • (gh) praudhmanoramaakuchamardan (bhattoji Dixit ke "praudhmanorama" naamak vyaakaran ke teekaagranth ka khandan).

inke atirikt unke gadya granth "yamunaavarnan" ka bhi "rasagangaadhar" se sanket milta hai. "rasagangaadhar" naam se soochit hota hai ki is granth mein paaainch "aananon" (adhyaayon) ki yojana rahi hogi. paratu do ho "aanan" milte hain. "chitrameemaansaakhandan" bhi apoorn hai. "kaavyaprakaashateeka" bhi prakaashit hokar ab tak saamane naheen I.

subhaashit -

bhaamineevilaas (panditraaj shatak) unka param prasiddh muktak kavitaaon ka sankalan granth hai. "naagesh bhatt" ke anusaar "rasangagaadhar" ke lakshanon ka udaaharan dene ke liye pehle se hi iski rachana hui thi. ismein chaar vilaas hain, pratham "prastaavit vilaas" mein atyant sundar aur lalit anyoktiyaaain hain jinmein jeevan ke anubhav aur gyaan ka saras evam bhaavamaya prakaashan hai. anya "vilaas" hain - shrungaaravilaas, karunavilaas aur shaantivilaas. saayaas alankaranashaili ka prabhaav tatha chamatkaarasarjana ki pravrutti mein abhiruchi rakhate hue bhi jagannaath ki uktiyon mein ras aur bhaav ki madhur yojana ka samanvaya aur santulan baraabar vartamaan hai. unke mat se vaaङamaya mein saahitya, sahitya mein dhvani, dhvani mein ras aur raso mein shrungaar ka sthaan kramash: uchchatar hain. panditraaj na apne paanditya aur kavitv ke vishay mein jo garvoktiyaaain ki hain ve saadhaar hain. ye sachmuch shreshth kavi bhi hai aur panditraaj bhi.

inhein bhi dekhein

baahari kadiyaaain

  • panditraaj jagannaath krut 'rasagaङagaadhar' ka sampaadan, sanshodhan va 'sarala' teeka : bhatt mathuraanaath shaastri (nirnaya saagar press, mumbai, 1939)

jagannaath panditraaj ke sandarbh : pathaneeya aalekh

1.[1]

2.[2]

3.bhattoji Dixit par [3]

4. 'samudra sangam' mugal Rajkumar daaraashukoh ke guroo prasiddh kavi panditraaj jagannaath ki aatmakatha ki shaili mein bholaashankar vyaas ka upanyaas : bhaarateeya jnyaaanapeeth: [ISBN 8126310847]

5. panditraaj jagannaath granthaavali - pratham bhaag vimrshamayi 'baalakreeda' hindi vyaakhya sahit : aachaarya madhusoodan shaastri -chaukhambha sanskrut series :

6. panditraaj jagannaath shaimushi samunmeelan : manulata sharma - sampoornaanand sanskrut vi.vi. prakaashan

7. gangaalahari : ansh: [4]

8. aadhunik sanskrut kaavyashaastr dau॰ aanand Kumar shreevaastav [ISBN 978-81-7854-232-4]

9. amrutalahari - jagannaath panditraaj[5]

10. praanaabharanam‌ - jagannaath panditraaj[6]

11. Paṇaḍaitarāaja Jagannāatha mahāaakaviḥ :Khaṇaḍaavilli Sūaryanāarāayaṇaaśaāastrī Bharateeya Vidya Niketan, 1983