jagannaath mandir, puri

jagannaath mandir, puri
{{{varnan}}}

naam: shri jagannaath mandir
nirmaata: kaling raaja anantavarman chodagang Dave
jeernoddhaarak: 1174 E. mein odiaa shaasak anang bheem Dave
nirmaan kaal :
devata: Bhagwan jagannaath
vaastukala: kaling vaastu
sthaan: puri, Orissa

puri ka shri jagannaath mandir ek hindu mandir hai, jo Bhagwan jagannaath (shreekrushn) ko samarpit hai. yeh Bhaarat ke Orissa raajya ke tatavarti shahar puri mein sthit hai. jagannaath shabd ka arth jagat ke svaami hota hai. inki nagari hi jagannaathapuri ya puri kahalaati hai.[1][2] is mandir ko hinduon ke chaar dhaam mein se ek gina jaata hai. yeh vaishnav sampradaaya ka mandir hai, jo Bhagwan vishnu ke avataar shri Krishna ko samarpit hai.[3] is mandir ka vaarshik rath yaatra utsav prasiddh hai. ismein mandir ke teenon mukhya devata, Bhagwan jagannaath, unke bade bhraata balabhadr aur bhagini subhadra teenon, teen alag-alag bhavya aur susajjit rathon mein viraajamaan hokar nagar ki yaatra ko nikalte hain. madhya-kaal se hi yeh utsav ateev harshollas ke saath manaaya jaata hai. iske saath hi yeh utsav Bhaarat ke dheron vaishnav Krishna mandiron mein manaaya jaata hai, evam yaatra nikaali jaati hai.[4] yeh mandir vaishnav paranparaaon aur sant raamaanand se juda hua hai. yeh gaudeeya vaishnav sanpradaaya ke liye khaas mahatva rakhata hai. is panth ke sansthaapak shri chaitanya mahaaprabhu Bhagwan ki or aakarshit hue the aur kai varshon tak puri mein rahe bhi the.[5]

anukram

mandir ka udgam

mandir ke shikhar par sthit chakr aur dhvaj. chakr sudarshan chakr ka prateek hai aur laal dhvaj Bhagwan jagannaath is mandir ke bheetar hain, is ka prateek hai.

gang vansh ke haal hi mein anveshit taamr patron se yeh gyaat hua hai, ki vartamaan mandir ke nirmaan kaarya ko kaling raaja anantavarman chodagang Dave ne aarambh karaaya tha.[6]. mandir ke jagamohan aur vimaan bhaag inke shaasan kaal (1078 - 1148) mein bane the. fir san 1197 mein jaakar odiaa shaasak anang bheem Dave ne is mandir ko vartamaan roop diya tha.[7].

mandir mein jagannaath archana san 1558 tak hoti rahi. is varsh Afghan general kaala pahaad ne Orissa par hamla kiya aur moortiyaan tatha mandir ke bhaag dhvans kiye aur pooja band kara di, tatha vigraho ko gupt me chilika jheel me sthit ek dweep me rakhaagaya. baad mein, raamachandr deb ke khurda mein svatantr raajya sthaapit karne par, mandir aur iski moortiyon ki punarsthaapana hui.[6].

mandir se judi kathaaen

is mandir ke udgam se judi paramparaagat katha ke anusaar, Bhagwan jagannaath ki indraneel ya neelamani se nirmit mool moorti, ek agaru vruksh ke neeche mili thi. yeh itni chakachaundh karne waali thi, ki dharm ne ise pruthvi ke neeche chhupaana chaaha. maalava naresh indradyumn ko svapn mein yahi mooti dikhaai di thi. tab usane kadi tapasya ki aur tab Bhagwan vishnu ne use bataaya ki vah puri ke samudra tat par jaaye aur use ek daaru (lakdi) ka laththa milega. usi lakdi se vah moorti ka nirmaan karaaye. raaja ne aisa hi kiya aur use lakdi ka laththa mil bhi gaya. uske baad raaja ko vishnu aur vishvakarma badhi kaareegar aur moortikaar ke roop mein uske saamane upasthit hue. kintu unhonne yeh shart rakhi, ki ve ek maah mein moorti taiyaar kar deinge, parantu tab tak vah ek kamre mein band raheinge aur raaja ya koi bhi us kamre ke andar naheen aaye. maah ke antim din jab kai dinon tak koi bhi aavaaj naheen aayi, to utsukata vash raaja ne kamre mein jhaanka aur vah vruddh kaareegar dwaar kholkar baahar aa gaya aur raaja se kaha, ki moortiyaan abhi apoorn hain, unke haath abhi naheen bane the. raaja ke afsos karne par, moortikaar ne bataaya, ki yeh sab daivavash hua hai aur yeh moortiyaan aise hi sthaapit hokar pooji jaayeingeen. tab vahi teenon jagannaath, balabhadr aur subhadra ki moortiyaan mandir mein sthaapit ki gayeen. [8].

bauddh mool

kuchh itihaasakaaron ka vichaar hai ki is mandir ke sthaan par poorv mein ek bauddh stoop hota tha. us stoop mein Gautam buddh ka ek daant rakha tha. baad mein ise iski vartamaan sthiti, candy, Sri Lanka pahuncha diya gaya.[9] is kaal mein bauddh dharm ko vaishnav sampradaaya ne aatmasaat kar liya tha aur tabhi jagannaath archana ne lokapriyta pai. yeh dasveen shataabdi ke lagbhag hua, jab udeesa mein somavanshi raajya chal raha tha.[10]

mahaaraaja ranajeet Singh, mahaan sikh samraat ne is mandir ko prachur maatra mein svarn daan kiya tha, jo ki unke dvaara svarn mandir, amrutasar ko diye gaye svarn se kaheen adhik tha. unhonne apne antim dinon mein yeh vaseeyat bhi ki thi, ki vishv prasiddh kohinoor heera, jo vishv mein ab tak sabse moolyavaan aur sabse bada heera hai, is mandir ko daan kar diya jaaye. lekin yeh sambhav na ho saka, kyoki us samay tak, british ne Punjab par apna adhikaar karke, unki sabhi shaahi sampatti jabt kar li thi. varna kohinoor heera, Bhagwan jagannaath ke mukut ki shaan hota.[11]

mandir ka dhaancha

puri mein rathayaatra, James fargusan dvaara ek chitr/peinting

mandir ka vruhat kshetr 4,00,000 varg fut (37,000 mi2) mein faila hai aur chahaaradeevaari se ghira hai. kaling shaili ke mandir sthaapatyakala aur shilp ke aashcharyajanak prayog se paripoorn, yeh mandir, Bhaarat ke bhavyatam smaarak sthalon mein se ek hai.[12]

mukhya mandir vakrarekheeya aakaar ka hai, jiske shikhar par vishnu ka shri sudarshan chakr (aath aaron ka chakr) mandit hai. ise neelachakr bhi kehte hain. yeh ashtadhaatu se nirmit hai aur ati paavan aur pavitra maana jaata hai. mandir ka mukhya dhaancha ek 214 fut (65 mi) oonche paashaan chabootare par bana hai. iske bheetar aantarik garbhagruh mein mukhya devataaon ki moortiyaan sthaapit hain. yeh bhaag ise ghere hue anya bhaagon ki apeksha adhik varchasv wala hai. isse lage gheradaar mandir ki piraamidaakaar chhat aur lage hue mandap, attaalikaaroopi mukhya mandir ke nikat hote hue oonche hote gaye hain. yeh ek parvat ko gher ehue anya chhote pahaadiyon, fir chhote teelon ke samooh roopi bana hai.[13]

mukhya madhi (bhavan) ek 20 fut (6.1 mi) oonchi deevaar se ghira hua hai tatha doosari deevaar mukhya mandir ko gherati hai. ek bhavya solah kinaaron wala ekaashm stambh, mukhya dwaar ke theek saamane sthit hai. iska dwaar do sinhon dvaara rakshit hain.[14]

devata

Bhagwan jagannaath, balabhadr aur subhadra, is mandir ke mukhya Dave hain. inki moortiyaan, ek ratn mandit paashaan chabootare par garbh gruh mein sthaapit hain. itihaas anusaar in moortiyon ki archana mandir nirmaan se kaheen pehle se ki jaati rahi hai. sambhav hai, ki yeh praacheen janajaatiyon dvaara bhi poojit rahi ho.[15]

utsav

yahaan vistrut dainik pooja-archanaaen hoti hain. yahaan kai vaarshik tyauhaar bhi aayojit hote hain, jinmein sahasron log bhaag lete hain. inmein sarvaadhik mahatva ka tyauhaar hai, rath yaatra, jo aashaadh shukl paksh ki dviteeya ko, tadanusaar lagbhag June ya July maah mein aayojit hota hai. is utsav mein teenon moortiyon ko ati bhavya aur vishaal rathon mein susajjit hokar, yaatra par nikaalate hain.[16]

vartamaan mandir

thennanagur ka paandurang mandir, puri ke jagannaath mandir ke samaan hi banaaya gaya hai

aadhunik kaal mein, yeh mandir kaafi vyast aur saamaajik evam dhaarmik aayojanon aur prakaaryon mein vyast hai. jagannaath mandir ka ek bada aakarshan yahaan ki rasoi hai. yeh rasoi Bhaarat ki sabse badi rasoi ke roop mein jaani jaati hai. is vishaal rasoi mein Bhagwan ko chadhaane vaale mahaaprasaad ko taiyaar karne ke liye 500 rasoie tatha unke 300 sahayogi kaam karte hain.[12]

is mandir mein pravishti pratibandhit hai. ismein gair-hindu logon ka pravesh sarvatha varjit hai.[17] paryatakon ki pravishti bhi varjit hai. ve mandir ke ahaate aur anya aayojanon ka drushya, niktavarti raghunandan pustakaalaya ki oonchi chhat se avlokan kar sakte hain.[18] iske kai pramaan hain, ki yeh pratibandh, kai videshiyon dvaara mandir aur niktavarti kshetron mein ghuspaith aur shrenigt hamlon ke kaaran lagaaye gaye hain. bauddh evam jain log mandir praangan mein aa sakte hain, basharte ki ve apni bhaarateeya vanshaavali ka pramaan, mool pramaan de paayein.[19] mandir ne dheere-dheere, gair-bhaarateeya mool ke lekin hindu logon ka pravesh kshetr mein sveekaar karna aarambh kiya hai. ek baar teen baali ke hindu logon ko pravesh varjit kar diya gaya tha, jabki baali ki 90% janasankhya hindu hai.[20] tab nivedan karne par bhavishya ke liye mein sveekaarya ho gaya.

sandarbh

  1. (angreji ) vaidik kaunsepts "sanskrut mein ek udaaharanaarth shabd se jagat ka arth brahmaand nikla. An example in Sanskrit is seen with the word Jagat which means universe. In Jaganath, the 't' becomes an 'n' to mean lord (nath) of the universe."
  2. (angreji )sinbal of neshnalijm "The fame and popularity of "the Lord of the Universe: Jagannath" both among the foreigners and the Hindu world "
  3. "jagannaath mandir". http://www.indhistory.com/hindu-temple/hindu-temple-jagannath-temple.html. abhigman tithi: 2006-09-12.
  4. "Juggernaut". http://www.time.com/time/magazine/article/0,9171,892784,00.html. abhigman tithi: 2006-09-12.
  5. "bhaaktivedaant ved base". http://vedabase.net/cc/madhya/1/247/en1. abhigman tithi: 2006-09-12.
  6. a aa "jagannaath mandir". http://www.jagannathpuri.blessingsonthenet.com/.
  7. "Lord jagannaath: sinbal of yuniti end inteegreshan". http://orissagov.nic.in/e-magazine/Orissareview/may2006/engpdf/33-36.pdf. abhigman tithi: 2006-05-01.
  8. "jagannaath tempal ait puri". http://www.templenet.com/Orissa/puri.html. abhigman tithi: 2006-09-12.
  9. "oldest jagannaath tempal of puri- the buddhist end somavaasi kanekshans". http://orissagov.nic.in/e-magazine/Orissareview/july2003/englishchpter/OldJagannathTemplePuriBuddhistSomavamsiConnections.pdf. abhigman tithi: 2006-09-12.
  10. "jainijm ऎnd buddhajmain jagannaath kalchar". http://www.orissa.gov.in/e-magazine/Orissareview/jul2005/engpdf/jainism_budhism_in_joga-culture.pdf. abhigman tithi: 2003-07-01.
  11. kohinoor heera#samraaton ke ratn - aantarik kadi
  12. a aa "shri jagannaath". http://www.odissi.com/orissa/jagannath.htm. abhigman tithi: 2006-09-12.
  13. "jagannaath tempal, udeesa". http://www.cultureholidays.com/Temples/jagannath.htm. abhigman tithi: 2006-09-20.
  14. "shri jaganna tempal". http://www.odissi.com/orissa/jagannath.htm. abhigman tithi: 2006-09-20.
  15. "Juggernaut of Puri". http://www.kamat.com/kalranga/nindia/orissa/jaganath.htm. abhigman tithi: 2006-09-20.
  16. "jagannaath tempal ait puri". http://www.templenet.com/Orissa/puri.html. abhigman tithi: 2006-09-20.
  17. "jagannaathapuri". http://www.iskcon.com/culture/holy_places/j_puri.html. abhigman tithi: 2006-09-12.
  18. "puri - jagannaath tempal". http://www.planetware.com/puri/jagannath-temple-ind-oris-jag.htm.
  19. "jagannaath tempal". http://www.odissi.com/orissa/jagannath.htm. abhigman tithi: 2006-09-12.
  20. puri tempalk ait hindoog gaife the teleegraaf, Calcutta- November 08, 2007

inhein bhi dekhein

baahari kadiyaaain