jagajeevan Ram

jagajeevan Ram

kaaryakaal
24 March 1977-28 July 1979

kaaryakaal
1977 - 1978
kaaryakaal
1970 - 1974

janm 5 April 1908
chaandava, bhojapur jila, Bihar, british Bhaarat
mrutyu 6 July 1986(1986-07-06) (umr ekspreshan truti: anpekshit < oparetar.)
raajaneetik dal bhaarateeya raashtreeya Congress
jeevan sangi indraani devi
dharm hindu dharm

jagajeevan Ram (5 April 1908-6 July 1986) Bhaarat ke pratham dalit up-pradhaanamantri evam raajaneta the.

parichay

babu jagajeevan Ram ke jeevan ke kai pahaloo hain. unamein se hi ek hai Bhaarat mein sasadeeya lokatatr ke vikaas mein unka amoolya yogadaan. 28 saal ki umr mein hi 1936 mein unhein Bihar vidhaan parishd ka sadasya naamaankit kar diya gaya tha. jab gavarnameint of India act 1935 ke tahat 1937 mein chunaav hue to baabooji dipresd class league ke ummeedavaar ke roop mein nirvirodh emaelae chune gaye. angrej Bihar mein apni pitthoo sarkaar banaane ke prayaas mein the. unki koshish thi ki jagajeevan Ram ko laalach dekar apne saath mila liya jaae. unhe matri pad aur paise ka laalach diya gaya, lekin jagajeevan Ram ne angrejon ka saath dene se saaf inkaar kar diya. uske baad hi Bihar mein kaagres ki sarkaar bani, jismein vah matri bane. saal bhar ke andar hi angrejon ke gairajimmedaar rukh ke kaaran mahaatma Gandhi ki salaah par kaagres sarkaaron ne isteefa de diya. baabooji is kaam mein sabse aage the. pad ka laalach unhein chhoo tak naheen gaya tha. baad mein vah mahaatma Gandhi ke savinya avajnyaa aandolan mein jail gaye. jab Mumbai mein 9 August 1942 ko mahaatma Gandhi ne Bhaarat chhodo aandolan ki shuruaat ki to jagajeevan Ram vaheen the. tay yojana ke anusaar unhein Bihar mein aandolan ko tej karna tha, lekin das din baad hi unhe giraftaar kar liya gaya.

raajaneetik jeevan

doosare vishv yuddh ke baad jab angrej Bhaarat chhodne ke liye majaboor ho gaye to unki koshish thi Pakistan ki tarah Bhaarat ke aur kai tukade kar diye jaaen, lekin Shimla mein cabinet mission ke saamane baabooji dipresd class league ke pratinidhi ke roop mein shaamil hue aur daliton aur shesh bhaarateeyon ke beech matabhed paida karne ki angrejon ki koshish ko naakaam kar diya. antarim sarkaar mein jab baarah logon ko Lord vauvel ki cabinet mein shaamil hone ke liye bulaaya gaya to usamein babu jagajeevan Ram bhi the. unako shram vibhaag ka jimma diya gaya. isi daur mein unhonne kuchh aise kaanoon banaae jo Bhaarat ke itihaas mein aam aadmi, majadooron aur dabe-kuchale vagarein ke hit ki disha mein meal ka patthar maane jaate hain. unhonne minimm vejej act, industrial dispyoots act aur trade union act laagoo karaae, jinhe majadooron ke hit mein sabse bade hathiyaar ke roop mein aaj bhi istemaal kiya jaata hai. unhonne implaaij state inshyoreins act aur praavideint fund act bhi banavaaya. kalpana keejiye agar baabooji ne in kaanoonon ko na banaaya hota to aaj majadooron aur karmachaariyon ki kitni durdasha hoti.

Bhaarat ki sasad ko babu jagajeevan Ram apna doosra ghar maanate the. matri ke roop mein jagajeevan Ram ko jo bhi kaam mila, use bahut hi achhi tarah se nibhaaya. 1952 ke chunaav ke baad unhein neharooji ne sanchaar matri banaaya. un dinon sachaar matraalaya mein hi vimaanan vibhaag bhi shaamil tha. unhonne niji vimaanan companiyon ka raashtreeyakaran kiya aur gaanv-gaanv tak daakakhaanon ka network viksit kiya. baad mein Jawahar laal Nehru ne unhein rel matri banaaya. unheen ke kaaryakaal mein railway ke aadhunikeekaran ki buniyaad padi aur railway karmachaariyon ke liye bahut si kalyaanakaari yojanaaen shuroo ki gain. pad ki laalasa unhein bilkul naheen thi, isliye jab kaamaraaj yojana I to unhonne sabse pehle sarkaar se alag hokar sagathan ka kaam shuroo kiya.

jab laalabahaadur shaastri ki mrutyu ke baad indira Gandhi ne pradhaanamatri pad sabhaala to baabooji ko ek ati kushal prashaasak ke roop mein apne saath liya. yeh Bhaarat ke liye nishchit roop se kathin daur tha. 1962 mein cheen aur 1965 mein Pakistan se ladaai ho chuki thi. gareeb aadmi aur kisaan bhukhamari ke kagaar par khada tha. America se PL-480 ke tahat sahaayata mein milne wala gehoon aur jvaar hi bhookh mitaane ka mukhya saadhan ban chuka tha. aisi vikt paristhiti mein dau॰ nauraman boralaag Bhaarat aae aur harit kraati ka sootrapaat kiya. nai soch aur aadhunik takaneek ke pakshadhar babu jagajeevan Ram us samay krushi matri the. Bhaarat mein do-dhaai saal mein hi haalaat badal gaye aur desh ki jaroorat se adhik khaadyaann paida hone laga. Bhaarat mein harit kraati ke liye takaneeki madad to nishchit roop se dau॰ nauraman boralaag se mili, lekin Bhaarat ke krushi matri babu jagajeevan Ram ne jabaradast raajaneetik ichhaashakti ka pradarshan karte hue harit kraati ke liye jaroori prashaasanik intajaam kiya. dau॰ boralaag ka avishkaar tha bauna gehoon aur dhaan, jisne Bhaarat aur Pakistan mein bhukhamari ki samasya ko hamesha ke liye khatm kar diya. baad mein cheen ne bhi is praudyogiki ka faayda uthaaya. 1962 aur 1965 ki ladaai ke baad upaji bhookh ki samasya ko unhonne bahut hi soojh-boojh se paraast kiya. 1971 ki Bhaarat-Pakistan jang mein baabooji ne jis tarah se apni senaaon ke liye raajaneetik samarthan diya vah sainya itihaas mein misaal ban gaya hai. baad mein bhi jab indira Gandhi ka sabse bura daur tha, kaagres ke puraane neta unka saath chhod chuke the, to babu jagajeevan Ram ne unke saath khade hokar unhe majabooti di thi, lekin unhonne kabhi bhi lokataantrik moolyon se samjhauta naheen kiya.

sandarbh