jadbharat

shravanabelagola ke chandragiri naamak pahaadi par bharat ki pratima

jadbharat ka prakrut naam 'bharat' hai, jo poorvajanm mein svaayanbhuv vanshi rishabhadev ke putr the. mrug ke chhaune mein tanmaya ho jaane ke kaaran inka gyaan avaruddh ho gaya tha aur ve jadvat ho gaye the jisse ye jadbharat kahalaae. jadbharat ki katha vishnupuraan ke dviteeya bhaag mein aur Bhagwat puraan ke pancham kaand mein aati hai. iske alaava yeh jadbharat ki katha aadipuraan naamak jain granth mein bhi aati hai.

shaalagraam teerth mein tap karte samay inhonne sadya: jaat mrugashaavak ki raksha ki thi. us mrugashaavak ki chinta karte hue inki mrutyu hui thi, jiske kaaran doosare janm mein janboomaarg teerth mein ek "jaatismar mrug" ke roop inka janm hua tha. baad mein pun: jaatismar braahman ke roop mein inka janm hua. aasakti ke kaaran hi janmadu:kh hote hain, aisa samajhakar ye aasaktinaash ke liye jadvat rahate the. inko sauveeraraaj ki doli dhoni padi thi par sauveeraraaj ko inse hi aatmatatvajnyaaan mila tha.

anukram

parichay

bharat praacheen Bhaarat ke ek prataapi raaja the. ve Bhagwan rishabhadev ke jyeshth putr the. shreemadbhaagavat ke panyacham skandh mein unke jeevan evam anya janmon ka varnan aata hai.

rishabhadev ke sau putron mein bharat jyeshth evam sabse gunavaan the. rishabhadev ne sannyaas lene par unhein raajapaat saunp diya. bharat ke naam se hi log ajanaabhakhand ko bhaaratavarsh kehne lage.[1]

shreemadbhaagavat ke panyacham skandh ke saptam adhyaaya mein bharat charitra ka varnan hai. kai karod varsh dharmapoorvak shaasan karne ke baad unhonne raajapaat putron ko saunpakar vaanaprasth aashram grahan kiya tatha Bhagwan ki bhakti mein jeevan bitaane lage.[2] ek baar nadi mein bahate mrug ko bachaakar ve usaka upachaar karne lage. dheere-dheere us mrug se unka moh ho gaya. mrug ke moh mein padne ke kaaran agale janm mein unhonne mrugayoni mein janm liya.[3]mrugayoni mein janm lene par bhi unhein puraane punyon ke kaaran apne poorvajanm ka bhaan tha at: mrugayoni mein rahate huye bhi ve Bhagwan ka dhyaan karte rahe. agale janm mein unhonne ek braahman kul mein janm liya.[4] puraane janmon ki yaad hone se is baar ve sansaar se poori tarah virkt rahe. unki virkti ke kaaran log unhein paagal samajhne lage tatha unka naam jadbharat pad gaya. jadbharat ke rup mein ve jeevanaparyant Bhagwan ki aaraadhana karte huye ant: mein moksh ko praapt huye.

sandarbh

  1. shreemadbhaagavat puraan, panyacham skandh, chaturth adhyaaya, shlok 9
  2. shreemadbhaagavat puraan, panyacham skandh, saptam adhyaaya
  3. shreemadbhaagavat puraan, panyacham skandh, ashtam adhyaaya
  4. shreemadbhaagavat puraan, panyacham skandh, navam adhyaaya

inhein bhi dekhein

baahari kadiyaaain