itaanagar
| itaanagar | |||
| — shahar — | |||
 |
|||
| samay mandal: aaiesati (yooteesi+5:30) | |||
| desh |
 Bhaarat
|
||
| raajya | arunaachal pradesh | ||
| mahaapaur | |||
| saansad | |||
| janasankhya | 39,970 (2001 tak [update]) | ||
|
kshetrafal • ooainchaai (AMSL) |
• 440 meter |
||
|
vibhinn code
|
|||
nirdeshaank: 27°a04′aN 93°a22′aE / 27.06°aN 93.37°aE aroonaachal pradesh ki rajdhani itaanagar bahut hi khoobsoorat hai. yeh himaalaya ki taraai mein basa hua hai. samudratal se iski oonchaai 350 mi. hai. choonki yeh aroonaachal pradesh ki rajdhani hai, isliye yahaan tak aane ke liye sadkon ki achhi vyavastha hai. guvaahati aur itaanagar ke naaharalaagun ke beech helicopter seva ka bhi vikalp hai. helicopter ke alaava paryatak bason dvaara bhi guvaahati se itaanagar tak pahunch sakte hain. guvaahati se itaanagar tak deelaks basein bhi chalti hain.
anukram
itihaas
itaanagar ki khoj maayaapur ke saath hui thi. maayaapur 11veen shataabdi mein jitri vansh ki rajdhani thi. itaanagar mein paryatak ita kila bhi dekh sakte hain. is kile ka nirmaan 14-15veen shataabdi mein kiya gaya tha. iske naam par hi iska naam itaanagar rakha gaya hai. paryatak is kile mein kai khoobsoorat drushya dekh sakte hain. ab is kile ko Rajbhavan ke naam se jaana jaata hai aur yeh raajyapaal ka sarkaari aavaas hai.
mukhya paryatan sthal
kila
itaanagar mein paryatak ita kila bhi dekh sakte hain. is kile ka nirmaan 14-15veen shataabdi mein kiya gaya tha. iske naam par hi iska naam itaanagar rakha gaya hai. paryatak is kile mein kai khoobsoorat drushya dekh sakte hain. kile ki sair ke baad paryatak yahaan par pauraanik ganga jheel bhi dekh sakte hain.
pauraanik ganga jheel
yeh itaanagar se 6 kimi. ki doori par sthit hai. jheel ke paas khoobsoorat jungle bhi hai. yeh jungle bahut khoobsoorat hai. paryatak is jungle mein sundar ped-paudhe, vanya jeev aur foolon ke bageeche dekh sakte hain. yahaan aane vaale paryatakon ko is jheel aur jungle ki sair jaroor karni chaahiye.
bauddh mandir
yahaan par ek khoobsoorat bauddh mandir hai. bauddh guroo dalaai laama bhi iski yaatra kar chuke hain. is mandir ki chhat peeli hai aur is mandir ka nirmaan tibbati shaili mein kiya gaya hai. is mandir ki chhat se poore itaanagar ke khoobsoorat drushya dekhe ja sakte hain. is mandir mein ek sangraahalaya ka nirmaan bhi kiya gaya hai. iska naam Jawahar laal Nehru sangraahalaya hai. yahaan par paryatak poore aroonaachal pradesh ki jhalak dekh sakte hain.
anya sthal
iske alaava yahaan par lakadiyon se bani khoobsoorat vastuen, vaadyayantr, shaanadaar kapde, hastanirmit vastuen aur ken ki bani sundar kalaakrutiyon ko dekh sakte hain. sangraahalaya mein ek pustaakalaya ka nirmaan bhi kiya gaya hai. iske alaava bhi yahaan par paryatak kai shaanadaar paryatan sthalon ki sair kar sakte hain.
in paryatan sthalon mein donyi-polo vidya bhavan, vigyaan sansthaan, indira Gandhi udyaan aur abhiyaantriki sansthaan pramukh hain.
niktavarti paryatan sthal
paapum per
aroonaachal pradesh ka paapum per bahut hi khoobsoorat sthaan hai. iska mukhyaalaya yupiaa mein sthit hai. yeh itaanagar se 20 kimi. ki doori par sthit hai. paapum per himaalaya ki taraai mein basa hua hai. is kaaran paryatak yahaan par anek chotiyon ko dekh sakte hain. chotiyon ke alaava paryatak yahaan par anek jangalon, nadiyon aur paryatak sthalon ko bhi dekh sakte hain.
- parichay
iski uttari disha mein kuroong kume, poorv mein nichla subaansiri, pashchim mein poorvi kameing aur dakshin mein asam sthit hai. yahaan par nishi jaati ke log rahate hain. yeh apni veerata ke liye jaane jaate hain. nishi ke alaava yahaan par mikeer jaati bhi rahati hai. nishi jaati ke log indo-mangol prajaati se sambandh rakhate hain aur inki bhaasha Tibet-barma bhaasha parivaar se sambandhit hai. nishi jaati ke log February ke pehle hafte mein apna utsav bhi manaate hain. is utsav ka naam nyokum hai. yahaan par anek paryatan sthal bhi hain. in paryatan sthalon ki yaatra karna paryatakon ko bahut pasand aata hai.
- paryatan sthal
paapum per mein kai khoobsoorat paryatan sthal hain. iske adhiktar paryatan sthal itaanagar, doimukh, sigeli aur kimeen mein sthit hai. in paryatan sthalon ki yaatra karne ke liye paryatakon ko aroonaachal pradesh ke sarkaari kaaryaalayon se paramit lena padta hai.
