ismat chugtaai

Nuvola apps ksig.png
ismat chugtaai
عaaصaaمaaت چaaغaaتaaاaaئaaی
janm 15 August 1915
badaayoon, british Bhaarat
(ab uttar pradesh, Bhaarat)
mrutyu Mumbai, Bhaarat
October 24, 1991(1991-10-24) (umr 76)
upajeevika lekhika
bhaasha urdoo
raashtreeyata bhaarateeya
shailiyaaain kahaani
saahityik aandolan pragatisheel lekhak aandolan
pramukh puraskaar gaalib sammaan (1984)
filmafeyar vest story evaard (1975)


hastaakshar

ismat chugtaai (urdoo: عaaصaaمaaت چaaغaaتaaاaaئaaی) (janm: 15 August 1915-nidhan: 24 October 1991) Bhaarat se urdoo ki ek lekhika theen. unhein 'ismat aapa' ke naam se bhi jaana jaata hai. ve urdoo saahitya ki sarvaadhik vivaadaaspad aur sarvapramukh lekhika theen, jinhonne mahilaaon ke savaalon ko nae sire se uthaaya. unhonne nimn madhyavargeeya muslim tabakein ki dabi-kuchali sakuchaai aur kumhalaai lekin javaan hoti ladkiyon ki manodasha ko urdoo kahaaniyon va upanyaason mein poori sachchaai se bayaan kiya hai.

anukram

jeevan-parichay

unka janm pandrah August 1915 ko uttar pradesh ke badaayoon mein hua. unki kahaani lihaaf ke liye Lahore High Court mein unapar mukdama chala. jo baad mein khaarij ho gaya. urdoo saahitya ki duniya mein 'ismat aapa' ke naam se vikhyaat is lekhika ka nidhan 24 October 1991 ko hua. unki vaseeyat ke anusaar Mumbai ke chandanabaadi mein unhein agni ko samarpit kiya gaya.

saahitya srujan

unki pehli kahaani- genda, jiska prakaashan 1949 mein us daur ki urdoo saahitya ki sarvotkrusht saahityik patrika 'saaki' mein hua aur pehla upanyaas- jiddi 1941 mein prakaashit hua.

kahaani sangrah

  • chotein
  • chhuimui
  • ek baat
  • kaliyaaain
  • ek raat
  • do haath dojkhi
  • shaitaan

upanyaas

  • tedhi lakeer
  • jiddi
  • ek katara A khoon
  • dil ki duniya
  • maasooma
  • baharoop nagar
  • saidaai
  • jangali kabootar
  • ajeeb aadmi
  • baandi

aatmakatha

  • 'kaagaji hain pairaahan'

chalachitr ke kshetr mein

unhonne anek chalachitron ki patakatha likhi aur juganoo mein abhinay bhi kiya. unki pehli film "chhed-chhaad" 1943 mein I thi. ve kul 13 filmon se judi raheen. unki aakhiri film "garm hava" (1973) ko kai puraskaar mile.

rachanaatmak vaishishtya

ismat ka kainavaas kaafi vyaapak tha jismein anubhav ke vividh rang ukere gaye hain. aisa maana jaata hai ki "tedhi lakeere" upanyaas mein unhonne apne hi jeevan ko mukhya plaat banaakar ek stri ke jeevan mein aane waali samasyaaon aur stri ke najariye se samaaj ko pesh kiya hai. ve apni 'lihaaf' kahaani ke kaaran khaasi mashahoor hui'. 1941 mein likhi gayi is kahaani mein unhonne mahilaaon ke beech samalaingikta ke mudde ko uthaaya tha. us daur mein kisi mahila ke liye yeh kahaani likhna ek dussaahas ka kaam tha. ismat ko is dussaahas ki keemat ashleelta ko lekar lagaae gaye ilajaam aur mukdame ke roop mein chukaani padi.

unhonne aaj se kareeb 70 saal pehle purush pradhaan samaaj mein striyon ke muddon ko striyon ke najariye se kaheen chuteele aur kaheen sanjeeda dhang se pesh karne ka jokhim uthaaya. unke afasaanon mein aurat apne astitv ki ladaai se jude mudde uthaati hai. saahitya tatha samaaj mein chal rahe stri vimarsh ko unhonne aaj se 70 saal pehle hi pramukhata di thi. isse pata chalta hai ki unki soch apne samay se kitni aage thi. unhonne apni kahaaniyon mein stri charitron ko behad sanjeedagi se ubhaara aur isi kaaran unke paatr jindagi ke behad kareeb najar aate hain.

streeyon ke savaalon ke saath hi unhonne samaaj ki kureetiyon, vyavasthaaon aur anya paatron ko bhi bakhoobi pesh kiya. unke apasaanon mein karaara vyangya maujood hai.

bhaasha-shaili

unhonne theth muhaavaredaar ganga jamuni bhaasha ka istemaal kiya jise hindi urdoo ki seemaaon mein kaid naheen kiya ja sakta. unka bhaasha pravaah adbhut hai aur isne unki rachanaaon ko lokapriya banaane mein mahatvapoorn bhoomika nibhaai. unhonne striyon ko unki apni jubaan ke saath adab mein pesh kiya.

unki rachanaaon mein sabse aakarshit karne waali baat unki nirbheek shaili thi. unhonne apni rachanaaon mein samaaj ke baare mein nirbheekata se likha aur unke isi drushtikon ke kaaran saahitya mein unka khaas mukaam bana.

urdoo saahitya mein sthaan

urdoo saahitya mein saaadat hasan manto, ismat, Krishna chandar aur raajendar Singh bedi ko kahaani ke chaar stambh maana jaata hai. inmein bhi aalochak manto aur chugataai ko oonche sthaanon par rakhate hain kyonki inki lekhani se nikalne waali bhaasha, paatron, muddon aur sthitiyon ne urdoo saahitya ko nai pehchaan aur taakat baksi.

ismat saahitya par anya kaam

hindi mein "kuainvaari" va anya kai kahaani-sangrah tatha angreji mein unki kahaaniyon ke teen sangrah prakaashit hue. inmein "kaali" kaafi mashahoor hua.

kahaaneekaar shabanam rijvi ne ismat ki darjanon kahaaniyon ke hindi anuvaad tatha upanyaas "tedhi lakeer" ka lipyantaran kiya hai. urdoo mein unki pustak 'ismat chugtaai ki naavelanigaari' 1992 mein Delhi se prakaashit hui. ve hindi mein ismat chugtaai granthaavali ki taiyaari kar rahi hain.

puraskaar/sammaan

  • 1974- gaalib award, tedhi lakeer par
  • saahitya academy puraskaar
  • 'ikbaal sammaan',
  • makhadoom award
  • Nehru award

baahari kadiyaaain