islaami vaastukala

taaj mahal islaamik vaastukala ki ek anupam kruti

islaami vaastukala ek prakaar ki vaastu kala hai jo ki islaam dharm se prabhaavit hai aur islaamik shaasako evam sarkaaron dvaara duniya bhar mein prachaarit ki gayi.

anukram

mukhya tatv

islaami bhavan nirmaan ko do shreniyon mein vibhaajit kiya ja sakta hai; dhaarmik evam gair dhaarmik imaaratein.[1]

dhaarmik imaaratein

Quraan mein namaaj ko vishesh mahattv diya gaya hai aur Quraan yeh bhi nirdesh deti hai ki namaaj makka ki disha mein hi padi ja sakti hai. isliye har islaami dhaarmik imaarat us dhuri (kibla) par hi banaayi gayi. majjidon mein makka ki disha mein namaaj padne ke liye ek badi aayataakaar jaga hoti hai jise mihraab kaha jaata hai. mihraab ke kone mein meenaare hoti hai jo stambh numa hoti hai.

makabara ya samaadhi anya prakaar ki dhaarmik imaarat hai. islaami prabhaav ke poorv Bhaarat mein is prakaar ki imaaratein naheen hua karti thi. shuruaat mein soofi santo ki kabr ke oopar is prakaar ki imaarat ko banaya jaata tha parantu kaalaantar mein vibhinn shaasako ne bhi apne mrutyu ke baad makabaron ka nirmaan karaaya. is imaarat mein ek bahut bada gumbaj kabr ke oopar kai stambhon par tika hota hai..

gair dhaarmik imaaratein

islaami shaasako ne apne raajya ki raksha ke liye keelo evam deevaaron ka nirmaan karaaya tha.

mugal vaastukala

inhein bhi dekhein: Bhaarat ki prasiddh masjidein

mugal vansh aarambh hua baadshah baabar se 1526 mein. baabar ne Panipat mein ek masjid banvaai, Ibrahim lodhi par apni vijay ke smaarak roop mein. ek doosari masjid, jise baabari masjid kehte hain, ayodhya mein banvaai. ek teesari masjid usane sambhal, muraadaabaad jile mein banvaai.

buland darvaaja, fatehapur seekari, Agra

baadshah Akbar (1556-1605) ne bahut nirmaan karavaaya, evam uske kaal mein is shaili ne khoob vikaas kiya. Gujarat evam anya shailiyon mein, mislim evam hindu lakshan, uske nirmaan mein dikhaai dete hain. Akbar ne fatehapur seekari ka shaahi nagar 1500 mein basaaya, jo ki Agra se 26 meal (42 ki mi) pashchim mein hai. fatehapur seekari ka atyadhik nirmaan, usaki kaarya shaili ko sarvaadhik darshaata hai. vahaaain ki vruhat masjid, usaki kaarya shaili ko sarvottam darshaati hai, jiska ki koi doosra jod milna mushkil hai. yahaaain ka dakshin dwaar, ati prasiddh hai, evam iska koi jod poore Bhaarat mein naheen hai. yeh vishv ka sarvaadhik ooaincha dwaar hai, jise buland daravaaja kehte hain. mugalon ne prabhaachashaali makabare banavaae, jinmein Akbar ke pita humaayooain ka makabara, Delhi mein, evam Akbar ka makabara, sikandara, Agra ke paas sthit hai. yeh donon hi apne aap mein bejod hain.

sandarbh