isaai dharm
isaai dharm ya maseehi dharm ya masayahayat (christianity) tauheedi aur ibaraaheemi[1] dharmon mein se ek dharm hai jis ke taabain isaai kahalaate hain. isaai dharm ke pairokaar aisi maseeh ki taaleemaat par amal karte hain. isaaion mein bahut se samudaaya hain masalan Catholic, protaistaint, aarthodoks, mauroni, evanajeelak aadi.
anukram
ishvar
isaai ekeshvaravaadi hain, lekin ve ishvar ko treeek ke roop mein samajhte hain -- paramapita parameshvar, unke putr isa maseeh (yeeshu maseeh) aur pavitra aatma.
paramapita
paramapita is srushti ke rachayita hain aur iske shaasak bhi.
isa maseeh
isa maseeh kaun the jinhein aaj vishv ke sabse jyaada log pooja karte hai ?
isa maseeh swayam parameshvar the jo patan hue (paapi) sabhi manushyon ko paap aur mrutyu se bachaane ke liye jagat mein dehadhaaran hokar (deh mein hokar) aae the | parameshvar jo aatma hain
ek deh mein pragat hue taaki paapi manushyon ko naheen parantu manushyon ke andar ke paapon ko khatm karein | ve is pruthvi par pehle aise ishvar the jo paapi, beemaar, moorkhon aur sataae huon ka
paksh liya aur unke badle mein paap ki keemat apni jaan dekar chukaai taaki manushya bach sakein | hamaare paapon ki saja yeeshu maseeh chooka diye is liye hamein paapon se kshama milti hai | yeh paapi manushya aur pavitra parameshvar ke milan ka mission tha jo prabhu yeeshu ke kurabaani se poora hua | ek shrrushtikrta parameshvar ho kar unhonne paapiyon ko naheen maara parantu paap ka ilaaj kiya|
yeh baat parameshvar pita ka manushyon ke prati atoot prem ko pragat karta hai | parameshvar, shaareer mein aae manushyon ko paap se bachaane yeh baat yeeshu maseeh ka parichay hai | yeeshu maseeh parameshvar the isi baat par aaj ka isaai dharm ka aadhaar hai |unhonne swayam kaha mai hooain !!! isa maseeh (yeeshu) ek yahoodi the jo Israel ijaraail ke gaaainv betlaham mein janme the (4 isaapoorv). isaai maanate hain ki unki maata Maria (mariym) kuvaanri (varjin) theen. isa unke garbh mein paramapita parameshvar ki krupa se chamatkaarik roop se aaye the. isa ke baare mein yahoodi nabiyon ne bhavishyavaani ki thi ki ek maseeha (arthaat "raaja" ya taaranahaar) janm lega. kuchh log ye maanate hain ki isa Bhaarat bhi aaye the. baad mein isa ne ijaraail mein yahoodiyon ke beech prem ka sandesh sunaaya aur kaha ki vo hi ishvar ke putr hain. in baaton par puraanapanthi yahoodi dharmaguru bhadak uthe aur unke kehne par ijaraail ke roman raajyapaal ne isa ko kroos par chadh kar marne ka praanadand de diya. isaai maanate hain ki iske teen din baad isa ka punarutthaan hua ya isa punarjeevit ho gaye. isa ke upadesh baaibil ke naye niyam mein unke shishyon dvaara rekhaankit kiye gaye hain.
pavitra aatma
pavitra aatma triyek parameshvar ke teesare vyaktitv hain jinke prabhaav mein vyakti apne andar ishvar ka ehsaas karta hai. ye isa ke church evam anuyaaiyon ko nirdeshit karte hain.
baaibil
isaai dharmagranth baaibil mein do bhaag hain. pehla bhaag (puraana niyam) aur yahoodiyon ka dharmagranth ek hi hain. doosra bhaag (naya niyam) isa ke upadesh, chamatkaar aur unke shishyon ke kaam se rishta rakhata hai.
sampradaaya
isaaiyon ke mukhya sampradaaya hain :
roman Catholic
roman Catholic rom ke Pope ko sarvochch dharmaguru maanate hain.
protesteint
protesteint kisi Pope ko naheen maanate hai aur iske bajaay baaibil mein poori shraddha rakhate hain. madhya yug me janta ke baaibil padhane ke liye nakal karna mana tha. jisse logo ko khristi dharm ka uchit gyaan nahi tha. kuchh bishp aur paadriyone ise sachche khristi dharm ke anusaar nahi samjha aur baaibil ka apni apni bhaashaao me bhaashaantar karne lage, jise Pope ka virodh tha. un bishp aur paadriyone Pope se alag hoke ek naya sampradaaya sthaapeet kiya jise protesteint kehte hai (jinhone pop ka virodh protest kiya).
kopimiism
kopimiism vidya nakal karne ka adhikaar ya license ko vishvaas nahi karta. iska shuruaat hua hai baaibal ka ek vaakyaansh se:
nakal karo mujhe, mai jaise kraaist ko nakal karta hu—a1 Corinthians 11:1
orthodauks
orthodauks rom ke Pope ko naheen maanate, par apne-apne raashtreeya dharmasangh ke paitriaark ko maanate hain aur paramparaavaadi hote hain.
sandarbh
- ↑ Christianity's status as monotheistic is affirmed in, amongst other sources, the Catholic Encyclopedia (article "Monotheism"); William F. Albright, From the Stone Age to Christianity; H. Richard Niebuhr; About.com, Monotheistic Religion resources; Kirsch, God Against the Gods; Woodhead, An Introduction to Christianity; The Columbia Electronic Encyclopedia Monotheism; The New Dictionary of Cultural Literacy, monotheism; New Dictionary of Theology, Paul, pp. 496–99; Meconi. "Pagan Monotheism in Late Antiquity". p. 111f.