isa maseeh

isa ya yeeshu maseeh ya jeejs kraaist (ibraani : yeshuaa), isaai dharm ke pravartak hain. isaai log unhein paramapita parameshvar ka putr aur isaai triyek parameshvar ka truteeya sadasya maanate hain. isa ki jeevani aur upadesh baaibil ke naye niyam (khaas taur par chaar shubhasandesh -- matti, looka, yuhanna, markus paulus ka patriya, patras ka chitthiyaan, yaakoob ka chitthiyaan, duniya ke ant mein hone vaale cheejon ka vivran dene waali prakaashit vaakya ') mein diye gaye hain. isa islaam ke ajeem tareen pegmabaron me se ek maana jaata hai.

anukram

janm aur bachapan

baaibil ke anusaar isa ki maata mariym galeeliya praant ke naajreth gaaainv ki rahane waali theen. unki sagaai Dawood ke raajavanshi Yusuf naamak badhi se hui thi. vivaah ke pehle hi vah kuainvaari rahate hue hi ishvareeya prabhaav se garbhavati ho gain. ishvar ki or se sanket paakar Yusuf ne unhein patneesvaroop grahan kiya. is prakaar janta isa ki alaukik utpatti se anbhigya rahi. vivaah sampann hone ke baad Yusuf galeeliya chhodkar yahoodiya praant ke bethalehem naamak nagari mein jaakar rahane lage, vahaaain isa ka janm hua. shishu ko raaja herod ke atyaachaar se bachaane ke liye Yusuf misr bhaag gaye. herod 4 E.poo. mein chal base at: isa ka janm sambhavat: 4 E.poo. mein hua tha. herod ke maran ke baad Yusuf lautakar naajreth gaaainv mein bas gaye. isa jab baarah varsh ke hue, to yarushalam mein teen din rukakar mandir mein upadeshakon ke beech mein baithe, un ki sunate aur un se prashn karte hue paaya. looka 2:47 aur jitne us ki suna ve sab us ki samajh aur uske uttaron se chakit the. tab isa usaka maata pita ke saat apna gaanv vaapis laut gaye. isa ne Yusuf ka pesha seekh liya aur lagbhag 30 saal ki umr tak usi gaaainv mein rahakar ve badhi ka kaam karte rahe. baaibil (injeel) mein unke 13 se 29 varshon ke beech ka koi ‍ajikr naheen milta. 30 varsh ki umr mein unhonne yoohanna (John) se paani mein dubaki (deeksha) li. dubaki ke baad isa par pavitra aatma aaya. 40 din ke upavaas ke baad isa logon ko shiksha dene lage.

dharm-prachaar

tees saal ki umr mein isa ne Israel ki janta ko yahoodi dharm ka ek naya roop prachaarit karna shuru kar diya. unhonne kaha ki ishvar (jo keval ek hi hai) saakshaat premaroop hai aur us vakt ke varttamaan yahoodi dharm ki pashubali aur karmakaand naheen chaahata. yahoodi ishvar ki paramapriya nasl naheen hai, ishvar sabhi mulkon ko pyaar karta hai. insaan ko krodh mein badla naheen lena chaahiye aur kshama karna seekhana chaahiye. unhonne spasht roop se kaha ki ve hi ishvar ke putr hain, ve hi maseeh hain aur svarg aur mukti ka maarg hain. yahoodi dharm mein kyaamat ke din ka koi khaas zikr ya mahattv naheen tha, par isa ne kyaamat ke din par khaas jor diya - kyonki usi vakt svarg ya nark insaani aatma ko milega. isa ne kai chamatkaar bhi kiye.

virodh, mrutyu aur punarutthaan

isa apna hi kroos uthaaye hue

yahoodiyon ke kattarapanthi rabbiyon (dharmaguruon) ne isa ka bhaari virodh kiya. unhein isa mein maseeha jaisa kuchh khaas naheen laga. unhein apne karmakaandon se prem tha. khud ko ishvaraputr bataana unke liye bhaari paap tha. isaliye unhonne us vakt ke roman Governor pilaatus ko iski shikaayat kar di. romanon ko hamesha yahoodi kraanti ka dar rahata tha. isaliye kattarapanthiyon ko prasann karne ke liye pilaatus ne isa ko kroos (saleeb) par maut ki dardanaak saja sunaai.

baaibal ke mutaabik, romi sainikon ne isa ko kodon se maara. unhein shaahi kapde pahanaae, unke sar par kaanton ka taaj sajaaya aur unapar thooka aur aise unhein tauheen mein "yahoodiyon ka baadshah" banaaya. peeth par apna hi kroos uthavaake, romiyon ne unhein galgata tak liya, jahaan par unhein kroos par latakaana tha. galgata pahunchane par, unhein madira aur pitt ka mishran pesh kiya gaya tha. us yug mein yeh mishran mrutyudand ki atyant dard ko kam karne ke liye diya jaata tha. isa ne ise inkaar kiya. baaibal ke mutaabik, isa do aur ke beech kroos par latakaaya gaya tha.

isaaiyon ka maanana hai ki kroos par marate samay isa maseeh ne sabhi insaanon ke paap swayam par le liye the aur isliye jo bhi isa mein vishvaas karega, use hi svarg milega. mrutyu ke teen din baad isa vaapis ji uthe aur 40 din baad seedhe svarg chale gaye. isa ke 12 shishyon ne unke naye dharm ko sabhi jagah failaaya. yahi dharm isaai dharm kahalaaya.

islaam

janam herodes raaja ke dinon mein jab yahoodiya ke baitalaham mein yeeshu ka janm hua, to dekho, poorv se kai jyotishi yarooshalem mein aakar poochhane lage. ki yahoodiyon ka raaja jis ka janm hua hai, kahaan hai? kyonki ham ne poorv mein usaka taara dekha hai aur us ko pranaam karne aae hain. yeh sunakar herodes raaja aur uske saath saara yarooshalem ghabara gaya. aur us ne logon ke sab mahaayaajakon aur shaastriyon ko ikatthe karke un se poochha, ki maseeh ka janm kahaaain hona chaahiye?

unhonne us se kaha, yahoodiya ke baitalaham mein; kyonki bhavishyadvakta ke dvaara yon likha hai. 
ki he baitalaham, jo yahooda ke desh mein hai, too kisi reeti se yahooda ke adhikaariyon mein sab se chhota naheen; kyonki tujh mein se ek adhipti niklega, jo meri praja israael ki rakhavaali karega. 
tab herodes ne jyotishiyon ko chupake se bulaakar un se poochha, ki taara theek kis samay dikhaai diya tha. 

aur us ne yeh kehkar unhein baitalaham bheja, ki jaakar us baalak ke vishay mein theek theek maaloom karo aur jab vah mil jaae to mujhe samaachaar do taaki main bhi aakar us ko pranaam karoon. ve raaja ki baat sunakar chale gaye aur dekho, jo taara unhonne poorv mein dekha tha, vah un ke aage aage chala aur janha baalak tha, us jagah ke oopar panhuchakar thahar gaya. us taare ko dekhkar ve ati aanandit hue. aur us ghar mein pahunchakar us baalak ko us ki maata mariym ke saath dekha aur munh ke bal girkar use pranaam kiya; aur apna apna yaila kholkar use sona aur lohabaan aur gandharas ki bheint chadhaai. aur svapn mein yeh chitauni paakar ki herodes ke paas fir na jaana, ve doosare maarg se hokar apne desh ko chale gaye. un ke chale jaane ke baad dekho, prabhu ke ek doot ne svapn mein Yusuf ko dikhaai dekar kaha, uth; us baalak ko aur us ki maata ko lekar misr desh ko bhaag ja; aur jab tak main tujh se na kahoon, tab tak vaheen rahana; kyonki herodes is baalak ko dhoondhne par hai ki use marava daale. vah raat hi ko uthakar baalak aur us ki maata ko lekar misr ko chal diya. aur herodes ke marne tak vaheen raha; isaliye ki vah vachan jo prabhu ne bhavishyadvakta ke dvaara kaha tha ki main ne apne putr ko misr se bulaaya poora ho. jab herodes ne yeh dekha, ki jyotishiyon ne mere saath thattha kiya hai, tab vah krodh se bhar gaya; aur logon ko bhejkar jyotishiyon se theek theek poochhe hue samay ke anusaar baitalaham aur uske aas paas ke sab ladkon ko jo do varsh ke, va us se chhote the, marava daala. tab jo vachan yirmayaah bhavishyadvakta ke dvaara kaha gaya tha, vah poora hua, ki raamaah mein ek karoon-naad sunaai diya, rona aur bada vilaap, raahel apne baalakon ke liye ro rahi thi aur shaant hona na chaahati thi, kyonki ve hain naheen. herodes ke marne ke baad dekho, prabhu ke doot ne misr mein Yusuf ko svapn mein dikhaai dekar kaha. ki uth, baalak aur us ki maata ko lekar israael ke desh mein chala ja; kyonkin jo baalak ke praan lena chaahate the, ve mar gaye. vah utha aur baalak aur us ki maata ko saath lekar israael ke desh mein aaya. parantu yeh sunakar ki arikhlaaus apne pita herodes ki jagah yahoodiya par raajya kar raha hai, vahaan jaane se dara; aur svapn mein chitauni paakar galeel desh mein chala gaya. aur naasarat naam nagar mein ja basa; taaki vah vachan poora ho, jo bhavishyadvaktaaon ke dvaara kaha gaya tha, ki vah naasari kahalaaega.

ladkapan

aur baalak badhta aur balavant hota aur buddhi se paripoorn hota gaya; aur parameshvar ka anugrah us par tha. uske maata-pita prati varsh fasah ke parv mein yarooshalem ko jaaya karte the. jab vah baarah varsh ka hua, to ve parv ki reeti ke anusaar yarooshalem ko gaye. aur jab ve un dinon ko poora karke lautane lage, to vah ladka yeeshu yarooshalem mein rah gaya; aur yeh uske maata-pita naheen jaante the. ve yeh samajhakar, ki vah aur yaatriyon ke saath hoga, ek din ka padaav nikal gaye: aur use apne kutumbiyon aur jaan-pahachaanon mein dhoondhne lage. par jab naheen mila, to dhoondhte-dhoondhte yarooshalem ko fir laut gaye. aur teen din ke baad unhonne use mandir mein upadeshakon ke beech mein baithe, un ki sunate aur un se prashn karte hue paaya. aur jitne us ki sun rahe the, ve sab us ki samajh aur uske uttaron se chakit the. tab ve use dekhkar chakit hue aur us ki maata ne us se kaha; he putr, too ne ham se kyon aisa vyavahaar kiya? dekh, tera pita aur main kudhte hue tujhe dhoondhte the. us ne un se kaha; tum mujhe kyon dhoondhte the? kya naheen jaante the, ki mujhe apne pita ke bhavan mein hona avashya hai? parantu jo baat us ne un se kahi, unhonne use naheen samjha. tab vah un ke saath gaya aur naasarat mein aaya aur un ke vash mein raha; aur us ki maata ne ye sab baatein apne man mein rakheen. aur yeeshu buddhi aur deal-daul mein aur parameshvar aur manushyon ke anugrah mein badhta gaya.

maaain mariym

chhathavein maheene mein parameshvar ki or se jibraail svargadoot galeel ke naasarat nagar mein ek kunvaari ke paas bheja gaya. jis ki mangani Yusuf naam Dawood ke gharaane ke ek puroosh se hui thi: us kunvaari ka naam mariym tha. aur svargadoot ne uske paas bheetar aakar kaha; aanand aur jaya teri ho, jis par ishvar ka anugrah hua hai, prabhu tere saath hai. vah us vachan se bahut ghabara gayi aur sochane lagi, ki yeh kis prakaar ka abhivaadan hai? svargadoot ne us se kaha, he mariym; bhayabheet na ho, kyonki parameshvar ka anugrah tujh par hua hai. aur dekh, too garbhavati hogi aur tere ek putr utpann hoga; too usaka naam yeeshu rakhana. vah mahaan hoga; aur paramapradhaan ka putr kahalaaega; aur prabhu parameshvar uske pita Dawood ka sinhaasan us ko dega. aur vah yaakoob ke gharaane par sada raajya karega; aur uske raajya ka ant na hoga. mariym ne svargadoot se kaha, yeh kyonkar hoga? main to puroosh ko jaanti hi naheen. svargadoot ne us ko uttar diya; ki pavitra aatma tujh par utarega aur paramapradhaan ki saamarth tujh par chhaaya karegi isaliye vah pavitra jo utpann honevaala hai, parameshvar ka putr kahalaaega.

chamatkaar

yeh bahut ach‍aachhe insaan the jiske sir par haath vah dhanya ho jaata tha

kuraan me

kuraan me isa ka naam 25 baar aya he. suraah maryam me inke janam ki katha he aur isi tarah suraah ali imraan me bhi.

muhammad or isa maseeh

muhammad ke hadiso me he ki "tamaam nabi bhaai he or isa maseeh mere sabse kreebi bhaai hai kyoonki mere or isa maseeh ke darmiyaan koi nabi nahi aya hai".

islaam ke anusaar, isa maseeh ka mrutyoo ya dharti se jinda uthaaai gaai

isa maseeh un se kaha, yon likha hai; ki maseeh du:kh uthaaega aur teesare din mare huon mein se ji uthega. aur yarooshalem se lekar sab jaatiyon mein man firaav ka aur paapon ki kshama ka prachaar, usi ke naam se kiya jaaega. tum in sab baatein ke gavaah ho. aur dekho, jis ki pratijnyaa mere pita ne ki hai, main us ko tum par utaaroonga aur jab tak svarg se saamarth na paao, tab tak tum isi nagar mein thahare raho. tab vah unhein baitaniyyaah tak baahar le gaya aur apne haath uthaakar unhein aasheesh di. aur unhein aasheesh dete hue vah un se alag ho gaya aur svarg se utha liya gaya. aur ve us ko dandavat karke bade aanand se yarooshalem ko laut gaye. aur lagaataar mandir mein upasthit hokar parameshvar ki stuti kiya karte the.

islaami yahoodi mat

islaam baaibil mein isa maseeh ko ek aadaraneeya nabi (maseeha) maana jaata hai, jo ishvar ne israailiyon ko unke sandesh failaane ko bheja tha. kuraan mein isa ke naam ka zikr muhammad se bhi zyaada hai aur musulmaan isa ke kunaari dvaara janm mein maanate hain.

islaam mein isa maseeh mahaj ek nashvar insaan maana jaata hai, sab nabiyon ki tarah aur ishvar-putr ya trimoorti ka sadasya naheen, aur unki pooja par manaahi hai. unhein chamatkaar karne ki kshamata ishvar se mili thi aur khud isa maseeh mein aisi shaktiyaan naheen maujood theen. yeh bhi naheen maana jaata hai ki ve kroos par latake. islaami parampara ke mutaabik, kroos par marne ke b-vajood, ishvar ne unhein seedhe svarg mein uthaaya gaya tha. sab nabiyon ki tarah, isa maseeh bhi kuraan mein ek muslim kahalaata hai. kuraan ke mutaabik, isa maseeh ne apne aap ko ishavar-putr kabhi naheen maana aur ve kyaamat ke din par is baat ka inkaar kareinge. musulmaanon ki maanyata hai ki kyaamat ke din par, isa maseeh pruthvi par lautaega aur nyaaya kaiyaam karega.


yahoodi isa maseeh ko na to maseeha maanate hain na ishvar-putr. ve apne maseeha ka aaj bhi intajaar karte hain.