indraprasth

indraprasth (indradev ka shahar) (paali : indraprasth, sanskrut: indreprastha ), praacheen Bhaarat ke raajyon mein se ek tha. mahaan bhaarateeya mahaakaavya mahaabhaarat ke anusaar yeh paandavon ki rajdhani thi. yeh shahar yamuna nadi ke kinaare sthit tha, jo ki Bhaarat ki vartamaan rajdhani Delhi mein sthit hai.

shahar ka nirmaan

mahaabhaarat (pustak 1, adhyaaya 209) mein is shahar ka vivran diya hai, ki kaise paandavon ne yeh shahar banaaya aur basaaya.

Krishna aur arjun dvaara ek oonche teele se indraprasth shahar ka vihangam drushya

paandavon ki paanchaal raaja drupad ki putri draupadi se vivaah uparaant mitrata ke baad ve kaafi shaktishaali ho gaye the. tab hastinaapur ke mahaaraaj dhrushtaraashtr ne unhein raajya mein bulaaya. dhrushtaraashtr ne yudhishthir ko sambodhit karte hue kaha, “ he kunti putr! apne bhraataaon ke sang jo main kehta hun, suno. tum khaandavaprasth ke van ko hata kar apne liye ek shahar ka nirmaan karo, jisse ki tumamein aur mere putron mein koi antar na rahe. yadi tum apne sthaan mein rahoge, to tumako koi bhi kshati naheen pahuncha paaega. paarth dvaara rakshit tum khaandavaprasth mein nivaas karo aur aadha raajya bhogo.“

dhrutaraashtr ke kathanaanusaar, paandavon ne hastinaapur se prasthaan kiya. aadhe raajya ke aashvaasan ke saath unhonne khaandavaprasth ke vanon ko hata diya. uske uparaant paandavon ne shreekrushn ke saath maya daanav ki sahaayata se us shahar ka saundaryeekaran kiya. vah shahar ek dviteeya svarg ke samaan ho gaya. uske baad sabhi mahaarathiyon va raajyon ke pratinidhiyon ki upasthiti mein vahaan shreekrushn dvaipaayan vyaas ke saannidhya mein ek mahaan yagya aur gruhapravesh anushthaan ka aayojan hua. uske baad, saagar jaisi chaudi khaai se ghira, svarg gaganachumbi chahaaradeevaari se ghira va chandrama ya sookhe meghon jaisa shvet vah nagar naagon ki rajdhani, bhogavati nagar jaisa lagne laga. ismein anginat praasaad, asankhya dwaar the, jo pratyek dwaar garud ke vishaal faile pankhon ki tarah khule the. is shahar ki raksha deevaar mein mandaraachal parvat jaise vishaal dwaar the. is shastron se susajjit, surakshit nagari ko dushmanon ka ek baan bhi kharaunch tak naheen sakta tha. usaki deevaaron par topein aur shataghniyaan rakheen theen, jaise dumunhi saanp hote hain. burjiyon par sashastr sena ke sainik lage the. un deevaaron par vruhat lauh chakr bhi lage the.

yahaan ki sadaakein chaudi aur saaf theen. un par durghatana ka koi bhaya naheen tha. bhavya mahalon, attaalikaaon aur praasaadon se susajjit yeh nagari Indra ki amaraavati se mukaabala karti theen. is kaaran hi ise indraprasth naam diya gaya tha. is shahar ke sarvashreshth bhaag mein paandavon ka mahal sthit tha. ismein kuber ke samaan khajaana aur bhandaar the. itne vaibhav se paripoorn isko dekhkar Damini ke samaan aankhein chaudhiya jaati theen.

“ajab shahar basa, to vahaan badi sankhya mein braahman aae, jinke paas sabhi ved-shaastr ityaadi the, va sabhi bhaashaaon mein paarangat the. yahaan sabhi dishaaon se bahut se vyaapaareegan padhaare. unhein yahaan vyaapaar kar dn sampatti milne ki aashaaen theen. bahut se kaareegar varg ke log bhi yahaan aa kar bas gaye. is shahar ko ghere hue, kai sundar udyaan the, jinmein asankhya prajaatiyon ke fal aur fool ityaadi lage the. inmein aamr, amaratak, kadanb ashok, chanpak, punnag, naag, lakucha, panaas, saalas aur taalas ke vruksh the. tamaal, vakul aur ketaki ke mahakate ped the. sundar aur pushpit amalak, jinki shaakhaaen falon se ladi hone ke kaaran jhuki rahati theen. lodhr aur sundar ankol vruksh bhi the. jamboo, paatal, kunjak, atimukta, karavirs, paarijaat aur dheron anya prakaar ke ped paudhe lage the. anekon hare bhare kunyaj yahaan mayoor aur kokil dhvaniyon se goonjate rahate the. kai vilaasagruh the, jo ki sheeshe jaise chamakadaar the aur lataaon se dhanke the. yahaan kai krutrim teele the aur jal se oopar tak bhare sarovar aur jheelein, kamal tadaag jinmein hans aur battakhein, chakravaak ityaadi killol karte rahate the. yahaan kai sarovaron mein bahut se jaleeya paudhon ki bhi bharamaar thi. yahaan rahakar, shahar ko bhogakar, paandavon ki khushi dinondin badhti gayi thi.

bheeshm pitaamah aur dhrutaraashtr ke apne prati darshit naitik vyavahaar ke parinaamasvaroop paandavon ne khaandavaprasth ko indraprasth mein parivrtit kar diya. paaainch paaaindavon ke sang,

inhein bhi dekhein