indrajaal

jaadoo ka khel hi indrajaal kahalaata hai. kaha jaata hai, ismein darshakon ko mantramugdh karke unamein bhraanti utpann ki jaati hai. fir jo aindrajaalik chaahata hai vahi darshakon ko dikhaai deta hai. apni mantramaaya se vah darshakon ke vaaste doosra hi sansaar khada kar deta hai. madaari bhi bahudha aisa hi kaam dikhaata hai, parantu usaki kriyaaeain haath ki safaai par nirbhar rahati hain aur usaka kriyaakshetr parimit tatha sankuchit hota hai. indrajaal ke darshak hajaaron hote hain aur drushya ka aakaar prakaar bahut bada hota hai.

varsha ka vaibhav Indra ka jaal maaloom hota hai. aindrajaalik bhi chhote paimaane par kuchh kshan ke liye aise ya inse milte julate drushya utpann kar deta hai. shaayad iseeliye usaka khel indrajaal kahalaata hai.

praacheen samay mein aise khel raajaaon ke saamane kiye jaate the. beesaveen shataabdi ke aarambhik dinon tak kuchh log aise khel karna jaante the, parantu ab yeh vidya nasht si ho chuki hai. kuchh sanskrut naatakon aur gaathaaon mein in khelon ka rochak varnan milta hai. jaadoogar darshakon ke man aur kalpanaaon ko apne abheesht drushya par keindreebhoot kar deta hai. apni cheshtaaon aur maaya se unako mugdh kar deta hai. jab unki manodasha or kalpana keindrit ho jaati hai tab yeh upayukt dhvani karta hai. darshak prateeksha karne lagta hai ki amuk drushya aanevaala hai ya amuk ghatna ghatanevaali hai. isi kshan vah dhvanisanket aur cheshta ke yog se soochana deta hai ki drushya aa gaya ya ghatna ghat rahi hai. kuchh kshan logon ko vaisa hi deekh padta hai. tadanantar indrajaal samaapt ho jaata hai.

raavan

raavan ke das sir hone ki charcha raamaayan mein aati hai. vah krushnapaksh ki amaavasya ko yuddh ke liye chala tha tatha ek-ek din kramash: ek-ek sir katate hain. is tarah dasvein din arthaat shuklapaksh ki dashami ko raavan ka vadh hota hai. raamacharitmaanas mein yeh bhi varnan aata hai ki jis sir ko Ram apne baan se kaat dete hain pun: uske sthaan par doosra sir ubhar aata tha. vichaar karne ki baat hai ki kya ek ang ke kat jaane par vahaaain pun: naya ang utpann ho sakta hai? vastut: raavan ke ye sir krutrim the - aasuri maaya se bane huye. maareech ka chaaaindi ke binduon se yukt svarn mrug ban jaana, raavan ka seeta ke samaksh Ram ka kata hua sir rakhana aadi se siddh hota hai ki raakshas maayaavi the. ve anek prakaar ke indrajaal (jaadoo) jaante the. to raavan ke das sir aur bees haathon ko bhi krutrim maana ja sakta hai.