indiya gate

Bhaarat ki rajdhani nai Delhi ka indiya gate

indiya gate, (mool roop se akhil bhaarateeya yuddh smaarak kaha jaata hai), nai Delhi ke raajapath par sthit 43 meter ooaincha vishaal dwaar hai. yeh svatantr Bhaarat ka raashtreeya smaarak hai, jise poorv mein kingsave kaha jaata tha. iska design sar Edward lutiyns ne taiyaar kiya tha. yeh smaarak peris ke aark de trauyamf se prerit hai. ise san 1931 mein banaaya gaya tha. mool roop se akhil bhaarateeya yuddh smaarak ke roop mein jaane jaane vaale is smaarak ka nirmaan angrej shaasakon dvaara un 90000 bhaarateeya sainikon ki smruti mein kiya gaya tha jo british sena mein bharti hokar pratham vishvayuddh aur afgaan yuddhon mein shaheed hue the. United kingadam ke kuchh sainikon aur adhikaariyon sahit 13,300 sainikon ke naam, gate par utkeern hain.[1][2] laal aur peele baluaa pattharon se bana hua yeh smaarak darshaneeya hai.

jab indiya gate bankar taiyaar hua tha tab iske saamane George pancham ki ek moorti lagi hui thi. jise baad mein british raaj ke samay ki anya moortiyon ke saath koroneshan park mein sthaapit kar diya gaya. ab George pancham ki moorti ki jagah prateek ke roop mein keval ek chhatari bhar rah gayi hai.

indiya gate ke neeche amar javaan jyoti

Bhaarat ki svatantrata ke pashchaat indiya gate bhaarateeya sena ke agyaat sainikon ke makabare ki site maatr bankar rah gaya hai. iski meharaab ke neeche amar javaan jyoti sthaapit kar di gayi hai. anaam sainikon ki smruti mein yahaaain ek raaifl ke oopar sainik ki topi saja di gayi hai jiske chaaro konon par sadaiv ek jyoti jalati rahati hai. is amar javaan jyoti par prati varsh pradhaan mantri va teenon senaadhyaksh pushp chakr chadhaakar apni shraddhaanjali arpit karte hain. indiya gate ki deevaaron par hajaaron shaheed sainikon ke naam khude hain aur sabse oopar angreji mein likha hai:

To the dead of the Indian armies who fell honoured in France and Flanders Mesopotamia and Persia East Africa Gallipoli and elsewhere in the near and the far-east and in sacred memory also of those whose names are recorded and who fell in India or the north-west frontier and during the Third Afgan War.
bhaarateeya senaaon ke shaheedon ke liye, jo France aur flaindars mesopotaamiya faaras poorvi Africa gaileepoli aur niktapoorv evam sudoorapoorv ki anya jagahon par shaheed hue aur unki pavitra smruti mein bhi jinke naam darj hain aur jo teesare afgaan yuddh mein Bhaarat mein ya uttar-pashchimi seema par mrutak hue.

Delhi ki kai mahatvapoorn sadkein indiya gate ke konon se niklati hain. raat ke samay yahaaain mele jaisa maahaul hota hai.

anukram

nirmaan-sthal ka itihaas

indiya gate ke saamane sthit vah chhatari jismein kisi jamaane mein George pancham ki moorti lagi hui thi jise Bhaarat sarkaar ne vahaaain se hata diya.

1920 ke dashak tak, puraani Delhi railway station poore shahar ka ekamaatr railway station hua karta tha. Agra-Delhi railway line us samay lutiyn ki Delhi aur kingsave yaani raajaaon ke gujarane ka raasta, jise ab hindi mein raajapath naam de diya gaya hai, par sthit vartamaan indiya gate ke nirmaan-sthal se hokar gujarati thi. aakhirkaar is railway line ko yamuna nadi ke paas sthaanaantarit kar diya gaya. taduparaant san 1924 mein jab yeh maarg praarambh hua tab kaheen jaakar smaarak sthal ka nirmaan shuroo ho saka.

42 meter ooainche indiya gate se hokar kai mahatvapoorn maarg nikalte hain. pehle indiya gate ke aaspaas hokar kaafi yaataayaat gujarata tha. parantu ab ise bhaari vaahanon ke liye band kar diya gaya hai. shaam ke samay jab smaarak ko prakaashit kiya jaata hai tab indiya gate ke chaaro or evam raajapath ke donon or ghaas ke maidaanon mein logon ki bhaari bheed ekatr ho jaati hai. 625 meter ke vyaas mein sthit indiya gate ka shatbhujeeya kshetr 306,000 varg meter ke kshetrafal mein faila hai.

indiya gate ke saamane sthit vah chhatari abhi bhi jyon ki tyon hai. is chhatari ke neeche kisi jamaane mein George pancham ki bhavya moorti hua karti thi. Bhaarat ke aajaad hone ke baad us moorti ko sarkaar ne vahaaain se hata kar koroneshan park mein sthaapit kar diya.

prati varsh ganatantr diwas par nikalne waali parade raashtrapati bhavan se shuroo hokar indiya gate se hote hue laal kile tak pahuainchati hai.

inhein bhi dekhein

sandarbh

baahari kadiyaaain