ikshvaaku

ikshvaaku
mantrochchaar karte rishi evam raaja ikshvaaku ke svargasidhaar ko darshaati chitr

ikshvaaku, praacheen Bhaarat ke ikshvaaku vansh ke pratham raaja the. 'ikshvaaku' shabd 'ikshu' se vyutpann hai, jiska arth ikh hota hai.

pauraanik parampara ke anusaar ikshvaaku, vivsvaan (soorya) ke putr vaivasvat manu ke putr the. pauraanik katha ikshvaaku ko amaithuni srushti dvaara manu ki chheenk se utpann bataati hai. ve sooryavanshi raajaaon mein pehle maane jaate hain. unki rajdhani kosal (ayodhya) thi. unke 100 putr bataae jaate hain jinmein jyeshth vikukshi tha. ikshvaaku ke ek doosare putr nimi ne mithila raajakul sthaapit kiya. saadhaaranat: bahuvachanaantak ikshvaakuon ka taatparya ikshvaaku se utpann sooryavanshi raajaaon se hota hai, parantu praacheen saahitya mein usase ek ikshvaaku jaati ka bhi bodh hota hai. ikshvaaku ka naam, keval ek baar, rigved mein bhi prayukt hua hai jise maiksamoolar ne raaja ki naheen, balki jaativaachak sanjnyaa maana hai. ikshvaakuon ki jaati janapad mein uttari bhaageerathi ki ghaati mein sambhavat: kabhi basi thi. kuchh vidvaanon ke mat se uttar pashchim ke janapadon mein bhi unka sambandh tha. sooryavansh ki shuddh ashuddh sabhi prakaar ki vanshaavaliyaaain desh ke anek raajakulon mein prachalit hain. unamein vaiyaktik raajaaon ke naam athva sthaan mein chaahe jitne bhed hon, unka aadi raaja ikshvaaku hi hai. isse kuchh ajab naheen, jo vah sudoor poorvakaal mein koi aitihaasik vyakti rahe hon.

inhein bhi dekhein

sandarbh