hvel

ek hvel aur usaka bachcha

timi ya hvel (Whale) samudron mein rahane wala ek stanadhaari praani hai jise jeev-vaigyaanik vargeekaran ke najriye se seeteshaya ke gan mein shaamil kiya jaata hai. hvel aksar bheemakaaya aakaar ke hote hain aur sabhi stanadhaariyon ki tarah ve saans keval vaayu mein le sakte hain (yaani paani mein rahakar naheen le sakte). vhelon ke siron par ek saans lene ka chhed hota hai aur vah samay-samay par paani ki satah par aakar is se saans kheenchate hain. neeli timi vishv ka sabse bada gyaat jaanavar hai aur yeh haathiyon aur praacheen daainosauron se kai guna bada aakaar rakhata hai. neeli timi 30 meter (98 fut) lambi aur 180 tan ka vajn rakh sakti hai jabki pigmi sparm timi jaisi timi ki chhoti prajaatiyaaain keval 3.5 meter (11 fut) ki hi hoti hai.[1]

vhelein duniya bhar ke samudron aur mahaasaagaron mein basti hain aur inki sankhya laakhon mein anumaanit hai lekin 20veen sadi mein inka audyogik paimaane par shikaar hone se inki bahut si jaatiyon par hamesha ke liye vilupt hone ka sankat mandaraane laga tha. uske baad bahut se deshon mein vhelon ke shikaar par paabandi lagaai jis se is khtare se ubharane mein kuchh madad mili hai.

inhein bhi dekhein

  • seeteshaya

sandarbh

  1. What is the biggest animal ever to exist on Earth?, How Stuff Works, Accessed 2007-05-29