hrudaya rog

hrudaya shareer ka ek mahattvapoorn ang hai. maanavon meinyah chhaati ke madhya mein, thodi si baain or sthit hota hai aur ek din mein lagbhag ek lakh baar evam ek minute mein 60-90 baar dhadkata hai. yeh har dhadkan ke saath shareer mein rakt ko dhakelata karta hai. hrudaya ko poshan evam okseejan, rakt ke dvaara milta hai jo koronari dhamaniyon dvaara pradaan kiya jaata hai. yeh ang do bhaagon mein vibhaajit hota hai, daayaan evam baayaan. hrudaya ke daahine evam baaen, pratyek or do chaimbar (etriam evam veintrikl naam ke) hote hain. kul milaakar hrudaya mein chaar chaimbar hote hain. daahina bhaag shareer se dooshit rakt praapt karta hai evam use fefadon mein pamp karta hai aur rakt fefadon mein shodhit hokar hradaya ke baaen bhaag mein vaapas lautata hai jahaan se vah shareer mein vaapas pamp kar diya jaata hai. chaar vaulv, do baain or (mitral evam eortik) evam do hrudaya ki daain or (palmonari evam traaikyoospid) rakt ke bahaav ko nirdeshit karne ke liye ek-disha ke dwaar ki tarah kaarya karte hain.

hrudaya mein kai prakaar ke rog ho sakte hain. inmein se kuchh is prakaar se hain:

• hrudayaaghaat
• rumetik hrudaya rog
• janmajaat kharaabiyaan
• hrudaya ki vifalta
• perikaardiyl bahaav

janmajaat hrudaya rog, janm ke samay hrudaya ki sanrachana ki kharaabi ke kaaran hoti hai. janmajaat hrudaya ki kharaabiyaan hrudaya mein jaane vaale rakt ke saamaanya pravaah ko badal deti hain. janmajaat hrudaya ki kharaabiyon ke kai prakaar hote hain jismein maamooli se gambhir prakaar tak ki beemaariyaan shaamil hain.

sanket aur lakshan

• janmajaat hrudaya ki kharaabiyon vaale kai vyaktiyon mein bahut hi kam ya koi lakshan naheen paaye jaate.
• gambhir prakaar ki kharaabiyon mein lakshan dikhaai dete hain- visheshakar navajaat shishuon mein. in lakshanon mein saamaanyat: teji se saans lena, tvacha, oth aur ungaliyon ke naakhoonon mein neelaapan, thakaan aur khoon ka sanchaar kam hona shaamil hai.
• bade bachche vyaayaam karte samay ya anya kriyaakalaap karte samay jaldi thak jaate hain ya tej saans lene lagte hain.
• dil ke daure ke lakshanon mein vyaayaam ke saath thakaan shaamil hai. saans rokane mein takaleef, rakt jamana aur fefadon mein drav jama hona tatha pairon, takhanon aur taango mein drav jama hona.
• jab tak bachcha garbhaashaya mein rahata hai ya janm ke turant baad tak gambhir hrudaya ki kharaabi ke lakshan saadhaaranat: pehchaan mein aa jaate hain. lekin kuchh maamalon mein yeh tab tak pehchaan mein naheen aate jabatak ki bachcha bada naheen ho jaata aur kabhi-kabhi to vayask hone tak yeh pehchaan mein naheen aata.

• achhe kolestraulayukt bhojan
• raktachaap
• kolestraul

• hrudaya rog (vikaasapeediya)
• svasth hrudaya : dekharekh aur upachaar (Google pustak ; lekhak - yateesh Agrawal)
• hrudaya rog se peedit bachchon ki pustika (Heart Children Handbook) (online)