hirnyakashipu

Bhagwan nrusinh dvaara hirnyakashipu ka vadh

hirnyakashipu ek asur tha jiski katha puraanon mein aati hai. usaka vadh nrusinh avataari vishnu dvaara kiya gaya. hirnyaaksh usaka chhota bhaai tha jiska vadh vaaraah ne kiya tha.

anukram

parichay

vishnupuraan mein varnit ek katha ke anusaar daityon ke aadipurush kashyap aur unki patni diti ke do putr hue. hirnyakashipu aur hirnyaaksh. hirnyakashipu ne kathin tapasya dvaara brahma ko prasann karke yeh varadaan praapt kar liya ki na vah kisi manushya dvaara maara ja sakega na pashu dvaara, na din mein maara ja sakega na raat mein, na ghar ke andar na baahar, na kisi astr ke prahaar se aur na kisi shastr ke prahaar se usak praanon ko koi dar rahega. is varadaan ne use ahankaari bana diya aur vah apne ko amar samajhne laga. usane Indra ka raajya chheen liya aur teenon lokon ko prataadit karne laga. vah chaahata tha ki sab log use hi Bhagwan maanein aur usaki pooja karein. usane apne raajya mein vishnu ki pooja ko varjit kar diya. hirnyakashipu ka putr prahlaad, Bhagwan vishnu ka upaasak tha aur yaatana evam prataadna ke baavajood vah vishnu ki pooja karta raha. krodhit hokar hirnyakashipu ne apni bahan holika se kaha ki vah apni god mein prahlaad ko lekar prajjvalit agni mein chali jaaya kyonki holika ko varadaan tha ki vah agni mein naheen jalegi. jab holika ne prahlaad ko lekar agni mein pravesh kiya to prahlaad ka baal bhi baaainka na hua par holika jalakar raakh ho gayi. antim prayaas mein hirnyakashipu ne lohe ke ek khanbhe ko garm kar laal kar diya tatha prahlaad ko use gale lagaane ko kaha. ek baar fir Bhagwan vishnu prahlaad ko ubaarane aae. ve khanbhe se narasinh ke roop mein prakat hue tatha hirnyakashipu ko mahal ke praveshadvaar ki chaukhat par, jo na ghar ka baahar tha na bheetar, godhooli bela mein, jab na din tha na raat, aadha manushya, aadha pashu jo na nar tha na pashu aise narasinh ke roop mein apne lambe tej naakhoonon se jo na astr the na shastr, maar daala.[1] is prakaar hirnyakashyap anek varadaanon ke baavajood apne dushkarmon ke kaaran bhayaanak ant ko praapt hua.

hirnyakashipu uttar pradesha ke haradoi jile mein hua tha. hirnyakashyapu haradoi jile ka raaja tha. uske kile ke kuchh avashosh abhi bhi hai.

naam par matabhed

hirnyakashipu ke naam ke vishay mein matabhed hai. kuchh sthaanon par use hirnyakashyap kaha gaya hai aur kuchh sthaanon par hirnyakashipu. aisa maana jaata hai ki sanbhavat: janm ke samay usaka naam hirnyakashyap rakha gaya kintu sabko prataadit karne ke kaaran (sanskrut mein kashi ka arth hai haanikaarak, anishtakar, peedaakaarak) usako baad mein hirnyakashipu naam se jaana gaya. naam par jo bhi matabhed hon, usaki maut Bihar ke poorniya jile ke banamanakhi prakhand ke jaanakeenagar ke paas dharahara mein hua tha. iska pramaan abhi bhi yahaaain hai aur prativrsh laakho log yahaaain holika dahan mein bhaag lete hai.

sandarbh

baahari kadiyaaain