hindi vishvakosh

hindi vishvakosh, naagari prachaarini sabha dvaara hindi mein nirmit ek vishvakosh hai. yeh baarah khandon mein pustak roop mein upalandh hai. iske alaava yeh antarajaal par pathan ke liye bhi ni:shulk upalabdh hai. yeh kisi ek vishay par kendrit naheen hai balki ismein anekaanek vishyon ka samaavesh hai.

itihaas

bhaarateeya vaaङaamaya mein sandarbhagranthon - kosh, anukramanika, nibandh, jnyaaanasankalan aadi ki parampara bahut puraani hai. bhaarateeya bhaashaaon mein sabse pehla aadhunik vishvakosh shri nageindranaath Basu dvaara san 1911 mein sanpaadit baaaingala vishvakosh tha. baad mein 1916-32 ke dauraan 25 bhaagon mein usaka hindi roopaantar 'hindi vishvakosh' ke naam se prastut kiya gaya. bangala vishvakosh ka poora poora aadhaar lekar chalne par bhi hindi ka yeh pratham vishvakosh nae sire se taiyaar kiya gaya. maraathi vishvakosh ki rachana 23 khandon mein shreedhar vyankatesh ketakar dvaara ki gayi.

svaraajya praapti ke baad bhaarateeya vidvaanon ka ghyaan aadhunik bhaashaaon ke saahityon ke sabhi angon ko poora karne ki or gaya aur aadhunik bhaarateeya bhaashaaon mein vishvakosh nirmaan ka shreeganesh hua. isi kram mein naagari prachaarini sabha, Varanasi ne san 1954 mein hindi mein maulik tatha praamaanik vishvakosh ke prakaashan ka prastaav Bhaarat sarkaar ke sammukh rakha. iske liye ek visheshagya samiti ka gathan kiya gaya aur usaki pehli baithak 11 fravari 1956 mein hui aur hindi vishvakosh ke nirmaan ka kaarya January 1957 mein praanrabh hua. san 1970 tak 12 khandon mein is vishvakosh ka prakaashan kaarya poora kiya gaya. san 1970 mein vishvakosh ke pratham teen khand anupalabdh ho gaye. iske naveen tatha parivrdhit sanskaran ka prakaashan kiya gaya.

raajabhaasha hindi ke svarnajayanti varsh mein raajabhaasha vibhaag (gruh mantraalaya) tatha maanavasansaadhan vikaas mantraalaya ne kendreeya hindi sansthaan, Agra ko yeh uttaradaayitv saunpa ki hindi vishvakosh Internet par par prastut kiya jaae. tadanusaar kendreeya hindi sansthaan, Agra tatha electronic anusandhaan evam vikaas kendra, Noida ke sanyukt tatvaavadhaan mein tatha maanav sansaadhan vikaas mantraalaya tatha soochana praudyogiki mantraalaya ke sanyukt vittaposhan se hindi vishvakosh ko Internet par prastut karne ka kaarya April 2000 mein praarambh hua. upalabdh prastut yojana ke antargat hindi vishvakosh ke moolaroop ko Internet par prastut karta hai. agale charan mein hindi vishvakosh ko adyatan banaane ka kaarya kiya jaana prastaavit hai. Internet par upalandh hindi vishvakosh ka yeh abhi shoonya sanskaran hai.

inhein bhi dekhein

baahari kadiyaaain