hindi tankan

computer, mobile evam anya kampyating divaaison par hindi mein type karne ke liye vividh tareeke prayog kiye jaate hain. inmein vividh prakaar ki taaiping, vividh prakaar ke keebord evam software shaamil hain.

anukram

taaiparaaitar par hindi taaiping

maikenikl taaiparaaitar par hindi mein type karne ke liye remingatan keebord leaaut ka prayog kiya jaata hai. yeh atyant kathin leaaut hai, kyonki har chinh ke liye alag alag kunyajiyon ko yaad rakhana padta hai, computer ki tarah ismein sanyuktaakshar aadi ekaadhik kunyajiyon ke sanyojan se naheen banaaye ja sakte. parantu maikenikl yukti hone ke kaaran taaiparaaitar par ekamaatr yahi leaaut sambhav hai.

vartamaan mein taaiparaaitar dvaara hindi taaiping ka sthaan computer par hindi taaiping ne le liya hai tatha iska prayog bahut hi kam dekhne ko milta hai.

computer par hindi taaiping

computer par taaiping do prakaar ki hoti hai-

  • naun-yoonikod (gair-yoonikod)
  • yoonikod

naun-yoonikod

yeh vidhi computer par yoonikod pranaali ke aane se pehle prayog ki jaati thi. ismein puraane samay ke hindi faunt prayog kiye jaate the. is taaiping ka upayog sirf chhapaai aadi ke kaamon mein hi hota hai. kisi vard prosaisar mein hindi ka naun-yoonikod faunt chunakar type kiya jaata hai tatha usaka print liya ja sakta hai. kisi anya computer par vah taikst dikhne ke liye vah vishesh faunt instaal hona chaahiye anyatha hindi taikst ki jagah sirf kachara (jank tekst) dikhta hai.

kamiyaaain

  • is tareeke se sirf chhapaai ke liye hindi type ki ja sakti hai tatha computer par anya jagahon par hindi ka prayog naheen ho sakta.
  • har naun-yoonikod faunt ka keebord leaaut alag-alag hota hai. maana aapko krutidev ka abhyaas hai to aap susha mein type naheen kar sakte.

yoonikod

yoonikod hindi taaiping ki nai vidhi hai. yoonikod ki visheshata hai ki yeh faunt evam keebord leaauton par nirbhar naheen karti. aap kisi bhi yoonikod faunt evam kisi bhi keebord leaaut ka prayog karke hindi type kar sakte hain. yoonikod faunt mein likhi hindi dekhne ke liye us faunt vishesh ka computer mein hona jaruri naheen hai. kisi bhi yoonikod hindi faunt ke hone par hindi dekhi ja sakti hai. adhiktar naye operating sistamon mein yoonikod hindi faunt bana-banaaya aata hai.

khoobiyaaain

  • angreji ki tarah computer par sab jagah chalti hai. aap ise kisi vard prosaisar mein, imel mein, vaibasaait par, maisenjar aadi jagahon par kaheen bhi likh sakte hain.
  • faunt ke jhamele se mukt hai. kisi bhi yoonikod shreni ke faunt se likh evam padh sakte hain.
  • keebord leaaut ke jhamele se mukt hai. upayukt tool ka prayog karke kisi bhi keebord leaaut dvaara hindi likhi ja sakti hai.

kamiyaaain

  • kuchh sauftaveyaron evam web sevaaon mein hindi ka samarthan na hone se hindi kabhi-kabhi hindi dikhti hi naheen ya fir sahi naheen dikhaai deti hai.

mobile par hindi taaiping

yadi phone mein hindi pradarshan hetu samarthan hai to input ka vikalp ho bhi sakta hai aur naheen bhi. yadi phone mein hindi input ka vikalp ho to hindi mein sandesh (SMS) bheje ja sakte hain tatha vaib par kaheen bhi taikst box mein hindi likhi ja sakti hai. is vikalp ke hone par mobile se hindi mein imel bhejane, chittha likhne, tippani karne samet intaranet par tamaam kaarya hindi mein kiye ja sakte hain. adhiktar fonon mein hindi tankan ke liye ti-9 system hota hai. sabhi devanaagari varnon ko keepaid ke nau batanon par samaayojit kiya jaata hai tatha baar-baar dabaakar sahi varn type kiye jaate hain. iske atirikt kai fonon meinti-9 poorvaanumaan bhi hota hai jisse ki poorvaanumaani input dvaara keval kuchh batan dabaakar shabdon ko type kiya ja sakta hai. touch screen vaale jin kuchh fonon mein hindi samarthan upalabdh hai unamein iske liye inaskript onaskreen varchual keebord hota hai. yeh computer ke aaiऍmai ki tarah hota hai jisse ki phone mein kaheen bhi hindi likhi ja sakti hai.

hindi ke keebord leaaut

vaise to hindi ke liye bahut se keebord leaaut prachalit hain parantu mukhya teen hain:-

  • inaskript - hindi ka maanak keebord leaaut.
  • remingatan - maikenikl taaiparaaitar ka keebord leaaut.
  • fonetik - dhvanyaatmak lipyantaran aadhaarit keebord leaaut. iski koi maanak lipyantaran skeem naheen hoti. alag-alag tool mein alag-alag skeem prayog hoti hai.

hindi taaiping vidhiyaaain

touch taaiping

touch taaiping se aashay hota hai bina keebord ko dekhe keval chhookar type karna. hindi mein mool rup se inaskript evam remingatan touch taaiping pranaaliyaaain hain. fonetik mool rup se touch taaiping pranaali naheen hai lekin yadi angreji ki kvarti touch taaiping ka abhyaas ho to fonetik ko bhi bina dekhe type kiya ja sakta hai.

site taaiping

site taaiping se aashay hai ki kunyajiyon ko dekh-dekhkar type karna. hindi mein site taaiping ke liye devanaagari varn ankit inaskript leaaut ke keebord upalabdh hain. iske atirikt inaskript leaaut ke steekar bhi milte hain jinhein maujooda keebord par chipkaaya ja sakta hai. inaskript leaaut mein varn vishesh kram mein hote hain isaliye ye touch aur site donon prakaar ki taaiping ke liye upayukt hota hai.

doosari vidhi fonetik mein yaddapi dekh-dekhkar hi type kiya jaata hai lekin vah sahi rup mein site taaiping bhi naheen hai kyonki devanaagari ke bajaay angreji ke varnon ko type karke hindi likhi jaati hai. remingatan site taaiping ke liye katai upayukt naheen kyonki iska leaaut kaafi kathin hota hai aur varnon ko dhoondhana bahut mushkil hota hai.

hindi taaiping ka itihaas

inhein bhi dekhein

baahari kadiyaaain