hindi prachaarini sabha, maureeshas

hindi prachaarini sabha ki sthaapana maureeshas mein 1925 mein hindi ki vidhivt shiksha ke liye hui jiske pratham adhyaksh muktaaraam chatarji the. is sabha ne hindi ke prachaar-prasaar mein aham bhoomika nibhaai. sabha hindi saahitya sammelan ki saahityaratn pareekshaaeain bhi aayejit karti hai.

hindi prachaarini sabha ek shaikshik, saanskrutik evam saamaajik sanstha hai. yeh laang maaunten (Long Mountain) mein sthit hai. iska dhyeyavaakya hai 'bhaasha gayi to sanskruti gayi'. iski sthaapana 12 June 1926 ko hui thi. us samay iska naam 'tilk vidyaalaya' tha jo Bhaarat ke mahaan shikshaashaastri evam svatantrata senaani baal gangaadhar tilk ke naam par tha. tilk vidyaalaya ki sthaapana ke peechhe muktaraam bolaraam chatarji aur mungur bandhu the jinhein baad mein 'bhagat' naam se prasiddhi mili. baad mein yahi vidyaalaya 'hindi prachaarini sabha' bana.

kuchh samay baad hindi prachaarini sabha ne kreev koor (Creve Coeur) mein 'sarasvati paathashaala' ki sthaapana ki. ismein kanyaaon ke liye poornakaalok hindi kakshaaeain lagne lageen. shri soorya prasaad mungur bhagat hindi prachaarini sabha dvaara niyukt pratham adhyaapak the. unke baad shri nemanaaraayan gupt adhyaapak niyukt hue.

kaarya

  • poore maariss mein hindi vidyaalayon ki sthaapana karna ya sthaapana mein sahayog dena
  • praathamik evam maadhyamik kakshaaon ki paathyapustakon ka prakaashan karna
  • sthaaneeya pareekshaaon ke liye paathyakram tath prashnapatr taiyaar karna
  • adhyaapakon ke liye kaaryashaala (workshop) aur seminaar aayojit karna
  • vidyaarthiyon ko apne bauddhik aur naitik vikaas ke liye prerit karna
  • praathamik star ke vidyaarthiyon ke liye pareekshaaeain aayojit karna tatha pramaanapatr pradaan karna
  • videshon mein hindi ki uchch pareekshaaeain aayojit karna
  • hindi ki pustakein evam patrikaaeain prakaashit karna
  • saahityik pratiyogitaaeain aayojit karna evam puraskaar dena
  • hindi ke vikaas ke liye kaaryarat vyaktiyon evam sansthaaon ko sammaan svaroop pramaanapatr dena
  • hindi ke unnayan ke liye raashtreeya tatha antararaashtreeya sammelan aayojit karna
  • kavi sammelan, charcha tatha saahityik kriyaakalaap karna

inhein bhi dekhein

  • hindi sangathan, maareeshas
  • maareeshas ke hindi vidvaan

baahari kadiyaaain