hindi patrakaarita ka videshon mein unnayan

jis prakaar se Bhaarat mein hindi-patrakaarita vibhinn charanon mein viksit hui hai, theek usi prakaar se videshon mein bhi pravaasi bhaarateeyon ke dvaara uske vikaas ki disha mein mahatvapoorn kaarya hua hai. vishv ke aise anek desh hain jahaaain shataabdiyon poorv bhaarateeya jaakar bas gaye the aur unke vanshaj aaj bhi vahaaain nivaas karte hain, inmein se bahut se aise bhi hai jo apne dharm, sanskaar aur bhaasha se bhaavaatmak roop mein jude hue hain. unheen ke dvaara samay-samay par hindi ki patra-patrikaaon ka prakaashan aarambh kiya gaya tha, jo anek roopon mein aaj bhi ho raha hai.

anukram

Britain se

aitihaasik drushti se videshon mein hindi patrakaarita ka janm san 1883 mein hua tha. is varsh London se 'hindosthaan' naamak traimaasik patra ka prakaashan praarambh hua tha. kisi bhi videsh se prakaashit honevaale sarvapratham hindi patra ke roop mein iski maanyata hai. iske sansthaapak raaja Rampal Singh the. yeh tribhaashi roop mein prakaashit hota tha aur ismein hindi ke saath hi urdoo tatha angreji ke ansh bhi rahate the. do varsh tak vahaaain se prakaashit hote rahane ke pashchaat 1885 mein yeh raaja Rampal Singh dvaara hi kaalaakaankar (avadh) se prakaashit hona praarambh hua. pandit madan mohan maalaveeya iske pradhaan sampaadak the. yahaaain se yeh saaptaahik roop mein prakaashit hota tha. 1887 mein yeh dainik ke roop mein prakaashit hone laga. amrutalaal chakravarti, shashi bhooshan chatarji, prataap Narayan mishr, baal mukund gupt, gopaal Ram gahamari, laal bahaadur, gulaabachand chaibe, sheetal prasaad upaadhyaaya, Ram prasaad Singh tatha shivnaaraayan Singh iske sampaadak rahe the. hindi patrakaarita ke vikaas mein iska aitihaasik mahatva hai.

kaalaantar mein ingalaind ki rajdhani London se hi katipya anya hindi patra bhi prakaashit hue. ismein shaanta soni dvaara sampaadit 'naveen' sheershak patra bhi ullekhit kiya ja sakta hai. yeh saaptaahik roop mein prakaashit hota tha. isi prakaar S.N. gaureesariya ke sampaadakatv mein 'sanmaarg' sheershak se bhi ek patra London se prakaashit hua tha. pi.J. peindars ne bhi ek patra yaheen se prakaashit kiya tha, iska sheershak 'kesari' tha. isi prakaar sukumaar majoomadaar ke sampaadakatv mein 'pravaasi' sheershak se prakaashit ek patra bhi ullekhaneeya hai. London se jo patra-patrikaaen hindi mein prakaashit hui, unamein jagadeesh kaushal dvaara sampaadit 'amaradeep' ka naam bhi ullekhaneeya hai. yeh ek saaptaahik patra tha. isi prakaar London mein Bhaarat se prakaashit 'aaj' ke pratinidhi dharmendr Gautam ne bhi 'pravaasini' sheershak se ek patra ka sampaadan aarambh kiya tha jo traimaasik prakaashit hota tha.

soviyt sangh

'soviyt sangh' sheershak se ek patra Moscow se prakaashit hota hai. iske pradhaan sampaadak nikoloi gibaachov tatha chitrakaar aleksaandr jito miskeen hain. iska prakaashan 1972 mein aarambh hua tha.

Japan

Japan se prakaashit hindi patron mein 'sarvodaya' ka naam vishesh roop se ullekhaneeya hai. iska sampaadan troshyo tanaaka dvaara kiya jaata hai. Japan se hi ek anya hindi patrika 'jvaalaamukhi' sheershak se bhi prakaashit hoti hai. iski visheshata yeh hai ki yeh Japani naagrikon dvaara hi sanpaadit ki jaati hai aur ismein unheen ke dvaara hindi mein likhe lekh prakaashit hote hain.

France

France se bhi hindi patrakaarita ke kshetr mein katipya ullekhaneeya prayatn parilkshit hote hain. France ki rajdhani peris se 'yoonesko kooriyr' naamak patra ka prakaashan ullekhaneeya hai.

maareeshas

maureeshas se bhi hindi mein anek patra-patrikaaen samay-samay par prakaashit hui. jismein 'hindustaani', 'janta', 'aaryodaya', 'Congress', 'hindu dharm', 'darpan', 'indiyn times', 'anuraag', 'mahaashivraatri' evam 'aabha' aadi vishesh roop se ullekhaneeya hain. aitihaasik drushtikon se maareeshas se prakaashit hone wala hindi ka sarvapratham patra 'hindustaani' tha. iska prakaashan 1909 hai. iske pratham sampaadak manilaal the.

maarishs se prakaashit anya hindi patrikaaon mein aatmaaraam vishvanaath dvaara sanpaadit 'jaagruti' bhi ullekhaneeya hai. kaasheeraam kishto ne bhi maareeshas se prakaashit ek hindi patra 'aaryaveer' ka sampaadan kiya tha. isi kram mein Lakshman datt dvaara sanpaadit 'aaryaveer' tatha 'jaagruti' sheershak patra bhi mahatva rakhate hain. 'oriyant gazette' naamak patra maareeshas se prakaashit hua. iska prakaashan aarambh 1930 se hua. 'jaagruti' naam se ek patra ka prakaashan 1940 mein hua. iske sampaadak aatmaaraam the. iska poorv naam 'aarya patrika' tha. 'maareeshas indiyn times' sheershak se ek saaptaahik patra port lui se prakaashit hua. yeh bahubhaashi patra tha, jismein hindi ke atirikt anya bhaashaaon ke ansh bhi rahate the. somadatt barabauri ne port lui se 1968 mein traimaasik 'anuraag' ka sampaadan karke hindi patrakaarita ka unnayan kiya.

sooreenaam

sooreenaam mein bhi anek patra hindi mein dainik, saaptaahik aur maasik roop mein prakaashit hue. ye patra jahaaain is desh mein hindi patrakaarita ke astitv ke dyotak hain vahaaain doosari or pravaasi bhaarateeyon ki hindi ke prati ruchi ko bhi darshaate hain. inmein dainik kohinoor akhabaarasaaptaahik 'prakaash' aur 'shaantidoot' tatha maasik 'jyoti' vishesh roop se ullekhaneeya hain.

dakshin Africa

'amrutasindhu naamak' ek maasik patra netaal (dakshin Africa) se prakaashit hua. iske sampaadak bhavaani dayaal the. iska prakaashan 1990 se aarambh hua tha. isi kram mein dakshin Africa ke daraban naamak shahar se 'dharmaveer' naamak patra ka prakaashan 1916 mein aarambh hua tha. yeh ek saaptaahik patra tha. iska sampaadak rallaaraam gaandheelaamal bhalla ne amar dharmaveer pandit lekharaam ki smruti mein aarambh kiya tha. yeh patra hindi mein prakaashit hota tha. rallaaraam gaandheelaamal bhalla urdoo bhaasha mein mool saamagri prastut karte the tatha unke sahaayak mehar chand bhalla usaka anuvaad hindi mein karke use chhapane ko dete the. 1917 se iska sampaadan svaami bhavaani dayaal sanyaasi ne kiya. 1919 tak is daayitv ko safalataapoorvak nirvaah karne ke pashchaat iska prakaashan band ho gaya. ismein kuchh lekh angreji mein bhi prakaashit hote the.

'hindi'naamak maasik patrika May 1922 mein daraban (dakshin afrika) se prakaashit hui thi. iska sampaadan bhi svaami bhavaani dayaal sanyaasi karte the. yeh apne samay ka pravaasi bhaarateeyon ka lokapriya patra tha. is prakaar 'aarya sandesh' sheershak se ek paakshik trinidaad se prakaashit hua tha. iske sampaadak L. Shiv prasaad the. iska prakaashan 1950 se aarambh hua tha. ek anya patra 'aaryamikr' sheershak se bhi dakshin Africa se prakaashit hua tha. yeh aarya pratinidhi sabha ka mukh patra tha. 1904 mein Africa ke daraban naamak sthaan se 'indiyn opinyan' naamak patra prakaashit hua tha. iska sampaadan madan jeet dvaara aarambh kiya gaya. kuchh samay pashchaat yeh Gandhiji ke sanrakshan mein finiks se bhi prakaashit hua tha. is patra ne raashtreeya aandolan ke prasaar mein ek mahatvapoorn bhoomika ka nirvaah kiya tha. us patra se jo anya patrakaar jude hue the unamein madanajeet, manasukh laal va bhavaani dayaal pramukh the. iska aarambh 1904 mein tatha sthagan 1914 mein hua. is patra ki ek prati ka moolya 12 shiling tha. yeh dvibhaashi patra tha.

barma

barma se bhi samay-samay par hindi ki anek patra-patrikaaen prakaashit hoti rahi hai. inmein 'praachi prakaash' 'jaagruti' tatha 'brahm bhoomi' vishesh roop se ullekhaneeya hai. yahaaain yeh jnyaaatavya hai ki 'praachi prakaash' dainik patra rangoon se prakaashit hota hai. yeh barma se hindi mein prakaashit hone wala dainik patra hai.

vibhaajanapoorv bangalaadesh

avibhaajit Bhaarat mein dhaaka (sanprati bangalaadesh) se bhi hindi ki anek mahattvapoorn patra-patrikaaeain 19veen aur beesaveen shataabdiyon mein prakaashit hui hain. inmein praacheenatam 'Bihar bandhu' hain. yeh patrika maasik roop mein prakaashit hoti thi. iska aarambh 1871 mein hua. isi kram mein 1880 mein ek anya maasik patrika 'dharm neeti tatv' sheershak se bhi prakaashit hui thi. iska prakaashan varsh bhi 1880 hai. iske aath varsh pashchaat 1888 mein 'vidya dharm dipika' naamak patrika dhaaka se hi prakaashit hui thi. 1889 mein dhaaka se hi ek anya hindi paakshik patrika bhi prakaashit hui thi. iska naam 'dvitr' tha. isi prakaar 1904 mein 'naarad' naam se bhi ek patra ka prakaashan dhaaka se aarambh hua tha. 1905 mein 'naagari hitaishi' patrika ka prakaashan bhi hua. 1911 mein 'tatv darshan' sheershak patra ka ullekh bhi aavashyak hai. is prakaar 1939 mein 'mel-milaap' sheershak se ek maasik patrika bhi dhaaka se hi prakaashit hui thi.

Nepal

hindi patrakaarita mein Nepal se prakaashit patron ka bhi ullekhaneeya sthaan hai. Nepal ki rajdhani kaathamaandoo se 'Nepal' sheershak se ek hindi patra prakaashit hota hai. jnyaaatavya hai ki yeh patra dainik roop mein prakaashit hone wala ek vishisht patra hai. kaathamaandoo se hi prakaashit jo anya patra ullekhaneeya hai unamein 'heemovat sanskrut' patra bhi hai. isi prakaar 'himaalaya' sheershak se bhi ek patra beeraganj se prakaashit hua tha. isi kram mein 'nav Nepal' sheershak se ek saaptaahik patra kaathamaandoo (Nepal) se prakaashit hua. iske sampaadak maniraaj upaadhyaksh the. iska prakaashan 1955 se aarambh hua tha.

vibhaajanapoorv Pakistan

vibhaajanapoorv ke Bhaarat evam tatpashchaat Pakistan ke antargat chale gaye Lahore se bhi bahusankhyak patra-patrikaaeain prakaashit hui hain. inmein 'bhaarateeya', 'vishvabandhu', 'aaryabandhu', 'aaryajagat', 'shaanti', 'sudhaakar', 'kshatriya patrika', 'mitr vilaas', 'booti darpan' va 'aakaashavaani' aadi vishesh roop se ullekhaneeya hain. inke atirikt 'aarya prabha' sheershak maasik patrika ka prakaashan bhi san 1914 mein Lahore se aarambh hua tha. iske aadi sampaadak sant Ram tatha sahaayak sampaadak mahaanand the. 1918 se yeh patrika saaptaahik roop se prakaashit hui thi. 1914 mein hi Lahore se 'usha' naamak patrika bhi prakaashit hui thi. iske sampaadak bhi santaraam the. jamaanat na dene ki asamarthata ke kaaran yeh patra do varsh baad band ho gaya. isi kram mein 'hindi milaap' naamak patra ka prakaashan 11 sitmbar 1927 ko khushahaal chand sukhachand (mahaatma aanand svaami) ne Lahore se kiya tha. iska sampaadan sudarshan tatha badreenaath varma karte the. baad mein iske pradhaan sampaadak Ranbeer tatha sampaadak yash bane. harikrushn 'premi', roopanaath malik aur santaraam bhi iske sampaadakeeya vibhaag se jude rahe the. Bhaarat vibhaajan kaal mein iske sampaadak aatm svaroop sharma the jinhonne 15 August 1947 ko apna balidaan kar diya. 23 sitmbar 1949 se yash ke sampaadakatv mein yeh Jalandhar se pun: prakaashit hua. iska urdoo sanskaran ranaveer ke sampaadakatv mein prakaashit hua tatha ek anya sanskaran yuddhaveer ke sampaadakatv mein Hyderabad se prakaashit hota hai. iska ek anya sanskaran London se bhi prakaashit hota hai.

fiji

hindi patrakaarita ke vikaas mein videshon me jo kaarya hua hai usako drushti mein rakhate hue feeji se praakashit hindi patra-patrikaaon ka mahatva asveekaar naheen kiya ja sakta hai. yahaaain se bahusankhyak patron ka prakaashan hua hai jo saamaajik, dhaarmik aur raajanaitik vishyon ke saath-saath krushi vigyaan aadi se bhi sambandhit rahe hai. 'akhil feeji krushak sangh' sheershak se ek aise hi patra ka prakaashan deenabandhu ke sampaadan mein feeji se hua tha. isi prakaar 'kisaan' sheershak se bhi ek patrika ka prakaashan bi.bi. Lakshman ke dvaara kiya gaya tha. krushi vishyak ek anya patrika nand kishor ke sampaadan mein 'kisaan mitr' sheershak se bhi prakaashit hui thi. feeji dweep samooh se jo anya patra-patrikaaeain samay-samay par prakaashit hoti rahi hai, unamein kamala prasaad mishr dvaara 'jaya feeji' vivekaanand sharma dvaara sampaadit 'sanaatan sandesh' sanskruti tatha 'feeji sandesh' jaya Narayan sharma dvaara sampaadit 'shaanti doot' raaghavanand sharma dvaara 'jaagruti', chandradev Singh dvaara sampaadit 'feeji samaachaar' aadi pramukh hai. isi kram mein 'feeji sarkaar' tatha 'pustakaalaya' aadi patrikaaeain bhi ullekhaneeya hain. feeji dweep samooh se hi prakaashit jin anya bahusankhyak patra-patrikaaon ka ullekh karna yahaaain aavashyak hai, unamein 'indiyn times' sheershak maasik patrika bhi pramukh hai. yeh raamasinh ke sampaadakatv mein prakaashit hui thi. yeh ek dvibhaashi patrika thi, jismein hindi ke saath angreji ka ansh bhi rahata tha. 'indiyn setelars' naam se ek maasik patrika ka prakaashan 1917 mein hua tha. iske sampaadak da.manilaal tatha babu raamasinh the. 13 varsh tak prakaashit hone ke pashchaat 1980 mein yeh patrika band ho gayi. yeh suva se prakaashit hoti thi. litho mein mudrit yeh bahubhaashi patrika thi jismein hindi ka ansh bhi rahata tha.

san 1923 mein 'feeji samaachaar' ka prakaashan aarambh hua tha. yeh patra babu Ram Singh ke sampaadan mein prakaashit hota tha. yeh ek saaptaahik patra tha. iska sampaadan Ram khilaavan sharma ne bhi kiya tha. iski ek prati ka shulk 3 peni aur vaarshik shulk 10 shiling tha. iska prakaashan 1975 mein sthaagit ho gaya tha. yeh Indian pablishing company maakrs street suva (feeji) se prakaashit hota tha. yeh ek dvibhaashi patra tha jismein hindi ke saath hi angreji ka ansh bhi rahata tha. gurudayaal sharma ne san 1928 mein 'vruddhi', 1930 mein 'pacific' tatha san 1932-33 mein 'vruddhi vaani' ka sampaadan evam prakaashan karke feeji mein hindi patrakaarita ka prasaar kiya. 1935 mein suva se prakaashit'shaanti doot'ki sthaapana ka shreya bhi unhein praapt hai.

feeji dweep samooh se hi 'taara' naamak ek maasik patrika 1941 mein prakaashit hui thi. iska sampaadan gyaani das karte the. is patrika ki ek prati ka shulk 3 shiling aur vaarshik 12 shiling tha. yeh kuchh samay tak paakshik roop mein hi prakaashit hui thi. iska traimaasik sanskaran bhi prakaashit hota tha. iska prakashan kaaryaalaya naseenoo (suva) mein tha. isi prakaar sigaatonka (feeji) se raaghavaanand ne 1976 se 'jaagruti' sheershak ka prakaashan karke hindi patrakaarita ke vikaas mein yogadaan diya. feeji hindi patrakaar sangh ke up pradhaan ke roop mein bhi unka kriya kalaap ullekhaneeya hai. isi sandarbh mein yeh jnyaaatavya hai ki 'feeji' sandesh sheershak se ek patrika ka prakaashan aur sampaadan bi.L. maanis ke dvaara kiya gaya tha.

inhein bhi dekhein