hind mahaasaagar

हिंद महासागर
hind mahaasaagar aur cheen saagar ke is maanachitr ko Hungary mein janme turk maanachitrakaar aur prakaashak Ibrahim mutefereeka dvaara 1728 mein utkeern kiya gaya tha

hind mahaasaagar duniya ka teesara sabse bada samudra hai aur pruthvi ki satah par upasthit paani ka lagbhag 20% bhaag ismein samaahit hai. uttar mein yeh bhaarateeya upamahaadveep se, pashchim mein poorv Africa; poorv mein hindacheen, sunda dweep samooh aur Australia, tatha dakshin mein dakshindhruveeya mahaasaagar se ghira hai. vishv mein keval yahi ek mahaasaagar hai jiska naam kisi desh ke naam yaani, Hindustan (Bhaarat) ke naam hai. sanskrut mein ise ratnaakar yaani ratn utpann karne wala kehte hain, jabki praacheen hindu granthon mein ise hindu mahaasaagar kaha gaya hai.

vaishvik roop se paraspar jude samudron ke ek ghatak hind mahaasaagar ko, andh mahaasaagar se 20° poorv deshaantar jo kep egulas se gujarati hai aur prashaant mahaasaagar se 146°a55' poorv deshaantar pruthak karti hain. hind mahaasaagar ki uttari seema ka nirdhaaran faaras ki khaadi mein 30° uttar akshaansh dvaara hota hai. hind mahaasaagar ki prushtadhaaraaon ka parisancharan asamamit hai. Africa aur Australia ke dakshini siron par is mahaasaagar ki chaudaai kareeb 10,000 kilometer (6200 meal) hai; aur iska kshetrafal 73556000 varg kilometer (28400000 varg meal) hai jismein laal saagar aur faaras ki khaadi shaamil hain.

saagar mein jal ki kul maatra 292,131,000 ghan kilometer (70086000 ghan meal) hone ka anumaan hai. hind mahaasaagar mein sthit mukhya dweep hain; medaagaaskar jo vishv ka chautha sabse bada dweep hai, reeyooniyn dweep; komoros; seshels, maaladeev, Mauritius, Sri Lanka aur Indonesia ka dveepasamooh jo is mahaasaagar ki poorvi seema ka nirdhaaran karte hain.


sandarbh

baahari kadiyaaain