hind Swaraj

hind Swaraj, Gandhiji dvaara rachit ek pustak ka naam hai. mool rachana san 1909 mein gujaraati mein thi. yeh lagbhag tees hajaar shabdon ki laghu pustika hai jise gaaaindheeji ne apni inglaind se dakshin Africa ki yaatra ke samay paani ke jahaaj mein likhi. yeh indiyn opinian mein sabse pehle prakaashit hui jise Bhaarat mein angrejon ne yeh kehte hue pratibndhit kar diya ki ismein raajadroh-ghoshit saamagri hai. is par Gandhiji ne iska angreji anuvaad bhi nikaala taaki bataaya ja sake ki iski saamagri raajadrohaatmak naheen hai. antat: 21 December san 1938 ko isse pratibndh hata liya gaya.

varnya vishay

vaastav mein, hind Swaraj mein mahaatma Gandhi ne jo bhi kaha hai vah angrejo ke prati dvesh hone ke kaaran naheen, balki unki sabhyata ke prativaad mein kaha hai. Gandhiji ka Swaraj daraasal ek vaikalpik sabhyata ka shaastr ya blue print hai vah raajya ki satta praapt karne ka koi raajanaitik agenda ya menifesto naheen hai.

is pustika mein bees adhyaaya hain tatha do sansoochiyaaain (appendices) hain.

1. Congress aur uske karta-dharta

2. bang-bhang

3. ashaanti aur asantosh

4. Swaraj kya hai ?

5. inglaindaki haalat

6. samyataaka darshan

7. Hindustan kaise gaya ?

8. hindustaanaki dasha-1

9. hindustaanaki dasha-2

10. hindustaanaki dasha-3

11. hindustaanaki dasha-4

12. hindustaanaki dasha-5

13. sachchi samyata kaunasi ?

14. Hindustan kaise aajaad ho ?

15. Italy aur Hindustan

16. gola-baarood

17. satyaagrah − aatmabal

18. shiksha

19. masheenein

20. chhutakaara

parishisht-1

parishisht-2

hind Swaraj ka saar

nishkarsh ke roop mein Gandhiji paathakon ko batalaate hain ki -

(1) aapke man ka raajya Swaraj hai.
(2) aapki kunji satyaagrah, aatmabal ya karoona bal hai.
(3) us bal ko aajmaane ke liye svadeshi ko poori tarah apnaane ki jaroorat hai.
(4) ham jo karna chaahate hain vah angrejon ko saja dene ke liye naheen karein, balki isliye karein ki aisa karna hamaaraar kattaavya hai. matlab yeh ki agar angrej namak-kar radd kar dein, liya hua dhaan vaapas kar dein, sab hindustaaniyon ko bade-bade ohade de dein aur angreji lashkar hata lein, tab bhi ham unki milon ka kapda naheen pahaneinge, unki angreji bhaasha kaam mein naheen laayeinge aur unki hunar-kala ka upayog naheen kareinge. hamein yeh samajhna chaahiye ki ham vah sab daraasal isliye naheen kareinge kyonki vah sab naheen karne yogya hai.

baahari kadiyaaain