hemant Kumar

hemant sampaad
janmanaam hemant Kumar sampaadan
janm 16 June 1920
Varanasi, banaaras state, british raaj (ab mein uttar pradesh, Bhaarat)
mrutyu 26 sitmbar 1989(1989-09-26) (umr 69)
Kolkata, pashchim Bengal, Bhaarat
shaili bangaali aur hindi / maraathi plebaik
vyavasaaya gaayak / sangeetakaar
sakriya varsh 1937 – 1989


hemant Kumar mukhopaadhyaaya (16 June,1920- 26 September 1989) ek mahaan gaayak, sangeetakaar aur film nirmaata the. unhonne hemant Kumar ke naam se hindi filmon mein anek geet gaae.

anukram

aaranbhik jeevan

hemant Kumar ka janm Varanasi mein hua. unka parivaar pashchim Bengal ke bahaaroo gaanv se sambandh rakhata tha. beesaveen sadi ke shuruaati dinon mein hi unka parivaar Kolkata aakar bas gaya. hemant Kumar Kolkata mein hi pale-badhe aur yaheen shiksha pai. yaheen unki mulaakaat unke gahre dost subhaash mukhopaadhyaaya se hui jo baad mein lekhak ban gaye. intarameediyet paas karne ke baad hemant Kumar ne yaadavapur vishvavidyaalaya mein abhiyaantriki ki padhaai ke liye pravesh liya, lekin sangeet ke kshetr mein kairiyr banaane ke liye unhonne abhiyaantriki chhod di. kuchh dinon tak unhonne saahitya mein bhi haath aajamaaya aur unki kai laghukathaaen bangaali patra-patrikaaon mein chhapi. lekin tees ke dashak mein unhonne swayam ko sangeet ke prati samarpit kar diya.

aaranbhik sangeet jeevan

apne mitr subhaash mukhopaadhyaaya ke prabhaav mein aakar hemant Kumar ne 1933 mein all India radio ke liye apna pehla geet record karavaaya. hemant Kumar ko bangaali sangeetakaar shailes daasagupta se kaafi prerana mili. 1980 ke dashak mein television par prasaarit ek saakshaatkaar mein hemant Kumar ne kaha ki unhonne ustaad faiyyaaj Khan se shaastreeya sangeet ki shiksha li, lekin ustaad ki maut ke baad unka ye kram toot gaya. 1937 mein, hemant Kumar ne apna pehla gair-filmi sangeet ka disk Columbia laabel company ke liye jaari kiya, jismein sangeet shailes daasagupta ne di aur geet likha tha naresh Bhattacharya ne. iske baad se 1984 tak hemant Kumar ne har saal graamofon company of India(jeeseeaai) company ke liye gair-filmi geet gaate rahe. unka pehla hindi disk isi company ke liye jaari hua jismein do geet kitna dukh bhulaaya tumane aur O preet nibhaanevaali kaafi mashahoor hua. jise likha tha faiyyaaj Hashmi ne aur sangeet diya kamal daasagupta ne. unhonne film iraada ke liye pahaleebaar hindi mein geet gaaya jismein pandit amaranaath ne sangeet diya tha aur ajeej Kashmir ne gaane ke bol likhe the. hemant Kumar Ravindra sangeet ke agraganya gaayak maane jaate hain. unhonne 1944 mein bangala film priya bangadhaabi ke liye pahaleebaar Ravindra sangeet record karaaya. isi saal unhonne Columbia laabel ke liye gair-filmi Ravindra sangeet ka record karavaaya.

unhonne 1947 mein baangla film abhiyaatri ke liye sangeet nirdeshan kiya. haalaanki is samay tak unke geeton ko kaafi aalochanaatmak prashansa mili, iske baad bhi ve kisi bade vyavasaayik safalta se door the. unke samakaaleen gaayakon mein talat Mehmood, sudheeralaal chakravarti, dhananjaya Bhattacharya, satya chaudhuri, robin majumadaar, dhananjaya mitr aadi pramukh the.

parivaar

hemant Kumar chaar bhaai-bahan the. jinmein teen bhaai aur ek bahan thi. hemant Kumar ke bade bhaai ka naam taara jyoti tha, jo baangla saahitya mein laghu kathaakaar ke naam se jaane jaate hain. chhote bhaai ka naam amal mukhopaadhyaaya tha jo bangaali filmon mein sangeetakaar the. unke bahan ka naam neelima tha. 1945 mein hemant Kumar ki shaadi bela mukharji(mrutyu- June 25, 2009) se hui. jo ek gaayika thi. bela ne kai baangla filmon mein geet gaaya lekin shaadi ke baad vah filmi duniya mein jami naheen rah sakeen. hemant Kumar ko do santaanein hain. unke bete ka naam jayant aur beti ka naam renu tha. renoo ne bhi sangeet ke kshetr mein apna haath aajamaaya par unhein safalta naheen mili. jayant ki shaadi 1970 ki mashahoor film abhinetri mausami chatarji se hui.

safalta

Mumbai aagaman

kairiyr mein chadhaav

film nirmaan

baad ka jeevan

ek sangeetakaar

sandarbh

srot

baahari strot

sandarbh

baahari link