havaamahal

vividh bhaarati ke radio kaaryakram ke liye hava mahal (radio kaaryakram) dekhein
havaamahal
Jaipur, Hawa Mahal (Palace of the Winds) (6271685549).jpg
hava mahal, Jaipur, 16 December 2008
हवामहल is located in राजस्थान
Location within Rajasthan
saamaanya vibran
vaastukala shaili raajasthaani vaastukala evam mugal sthaapatya ka mishran
shahar Jaipur
raashtra Bhaarat
nirdeshaank 26°a55′a25″aN 75°a49′a36″aE / 26.923611°aN 75.826667°aE / 26.923611; 75.826667
nirmaan sampann 1799
graahak mahaaraaja savaai prataap Singh
praavidhik vivran
sanrachanaatmak pranaali laal evam gulaabi baluaa patthar
yojana evam nirmaan
vaastukaar laal chand ustaad
havaamahal

hava mahal bhaarateeya raajya Rajasthan ki rajdhani Jaipur mein ek raajasi-mahal hai. ise san 1798 mein mahaaraaja savaai prataap Singh ne banavaaya tha aur ise kisi 'raajamukut' ki tarah vaastukaar laal chand usta dvaara design kiya gaya tha. iski adviteeya paanch-manjila imaarat jo oopar se to keval dedh foot chaudi hai, baahar se dekhne par madhumakkhi ke chhatte ke samaan dikhaai deti hai, jismein 953 behad khoobsoorat aur aakarshak chhoti-chhoti jaaleedaar khidkiyaaain hain, jinhein jharokha kehte hain. in khidkiyon ko jaaleedaar banaane ke peechhe mool bhaavana yeh thi ki bina kisi ki nigaah pade "parda pratha" ka sakhti se paalan karateen raajagharaane ki mahilaayein in khidkiyon se mahal ke neeche sadakon ke samaaroh va galiyaaron mein hone waali rojamarra ki jindagi ki gatividhiyon ka avlokan kar sakein. iske atirikt, "veinchuri prabhaav" ke kaaran in jatil sanrachana vaale jaaleedaar jharokhon se sada thandi hava, mahal ke bheetar aati rahati hai, jiske kaaran tej garmi mein bhi mahal sada vaataanukoolit sa hi rahata hai.

choone, laal aur gulaabi baluaa patthar se nirmit yeh mahal Jaipur ke vyaapaarik kendra ke hrudayasthal mein mukhya maarg par sthit hai. yeh city pailes ka hi hissa hai aur jnaana kaksh ya mahila kaksh tak faila hua hai. subah-subah soorya ki sunahari roshani mein ise damakate hue dekhna ek anootha ehsaas deta hai.

anukram

sthaapatya

hava mahal ki sabse oopar ki do manjilon ka khoobsoorat najaara

havaamahal paanch-manjila smaarak hai jiski apne mukhya aadhaar se oonchaai 50 feet (15 mi.) hai. mahal ki sabse oopari teen manjilon ki chaudaai ka aayaam ek kamre jitna hai jabki neeche ki do manjilon ke saamane khula aaaingan bhi hai, jo ki mahal ke pichhle hisse mein bana hua hai. mahal ka saamane ka hissa, jo hava mahal ke saamane ki mukhya sadak se dekha jaata hai| iski pratyek chhoti khidki par baluaa patthar ki behad aakarshak aur khoobsoorat nakkaasheedaar jaaliyaan, kangoore aur gumbad bane hue hain. yeh bejod sanrachana apne aap mein anekon arddh ashtabhujaakaar jharokhon ko samete hue hai, jo ise duniya bhar mein bemisaal banaate hain. imaarat ke peechhe ki or ke bheetari bhaag mein alag-alag aavashyakataaon ke anusaar kaksh bane hue hain jinka nirmaan bahut kam alankaran vaale khambhon va galiyaaron ke saath kiya gaya hai aur ye bhavan ki sheersh manjil tak isi prakaar hain.

laal chand usta is anoothe bhavan ka vaastukaar tha, jisne Jaipur shahar ki bhi shilp va vaastu yojana taiyaar karne mein sahayog diya tha. shahar mein anya smaarakon ki sajaavat ko dhyaan mein rakhate hue laal aur gulaabi rang ke baluaa-pattharon se bane is mahal ka rang Jaipur ko di gayi 'gulaabi nagar' ki upaadhi ke liye ek poorn pramaan hai. hava mahal ka saamane ka hissa 953 adviteeya nakkaasheedaar jharokhon se saja hua hai (jinme se kuchh lakdi se bhi bane hain) aur yeh hava mahal ke pichhle hisse se is maayane mein theek vipreet hai, kyonki hava mahal ka pichhla hissa ekdam saada hai. iski saanskrutik aur shilp sambandhi viraasat hindu rajput shilp kala aur mugl shaili ka ek anootha mishran hai, udaaharan ke liye ismein fool-pattiyon ka aakarshak kaam, gumbad aur vishaal khambhe rajput shilp kala ka bejod udaaharan hain, to saath hi saath, patthar par ki gayi mugl shaili ki nakkaashi, sundar meharaab aadi mugl shilp ke naayaab udaaharan hain.

city pailes ki or se hava mahal mein shaahi darvaaje se pravesh kiya ja sakta hai. yeh ek vishaal aaaingan mein khulata hai, jiske teen or do-manjila imaaratein hain aur poorv ki aur bhavya hava mahal sthit hai. is aaaingan mein ek puraataatvik sangrahaalaya bhi hai.

hava mahal mahaaraaja jaya Singh ka vishraam karne ka pasandeeda sthaan tha kyonki iski aatanrik saaj-sajja behad khoobsoorat hai. iske sabhi kakshon mein, saamane ke hisse mein sthit 953 jharokhon se sada hi thandi hava bahti rahati thi, jiski thandak ka prabhaav garmiyon mein aur badhaane ke liye sabhi kakshon ke saamane ke daalaan mein favvaaron ki vyavastha bhi hai.

hava mahal ki sabse oopari do manjilon mein jaane ke liye keval khurron ki vyavastha hai. aisa kaha jaata hai ki raaniyon ko lambe gheradaar ghaaghare pahan kar seediyaan chadhne mein hone waali asuvidha ko dhyaan mein rakh kar iski oopari do manjilon mein pravesh ke liye seedhiyon ki jagah khurron ka praavadhaan kiya gaya tha.

marammat aur naveeneekaran

hava mahal ki dekh-rekh Rajasthan sarkaar ka puraataatvik vibhaag karta hai. varsh 2005 mein, kareeb 50 varshon ke lambe antaraal ke baad bade star par mahal ki marammat aur naveeneekaran ka kaarya kiya gaya, jiski anumaanit laagat 45679 lakh rupaye I thi. kuchh kaurporet gharaane bhi ab Jaipur ke puraataatvik smaarakon ke rakharakhaav ke liye aage aa rahe hain, jiska ek udahaaran "unit trast of India" hai jisne hava mahal ki saar-sanbhaal ka beeda uthaaya hai.

paryatan sambandhi jaankaari

hava mahal, Jaipur shahar ke dakshini hisse mein badi chaupad par sthit hai. Jaipur shahar Bhaarat ke samast pramukh shaharon se sadak maarg, rel maarg va havaai maarg se seedha juda hua hai. Jaipur ka railway station bhaarateeya rel seva ki braudagej line network ka keindreeya station hai.

hava mahal mein seedhe saamane ki aur se pravesh ki vyavastha naheen hain. hava mahal mein pravesh ke liye, mahal ke daayeen va baayeen or se bane maargon se pravesh ki vyavastha hai, jahaaain se aap mahal ke pichhle hisse se mahal mein pravesh paate hain.

chitr deergha