havaai

havaai ka naksha

havaai (havaaiyan bhaasha: Hawai'i, havaai'i - ant mein 'i' ko do baar bolein) sanyukt raajya America ka prashaant mahaasaagar ke madhya mein sthit ek praant hai. yeh America ka akela praant hai jo poori tarah dveepon se hi bana hua hai aur havaai dweep samooh ke adhikaansh dweep isi praant mein sammilit hain. havaai ke aath mukhya dweep hain, jo uttarapashchim se dakshinpoorv mein ek pankti par bichhe hain. in aath dveepon ke naam hain (uttarapashchim se shuroo hote hue) - niihaaoo, kaauaai, oaahoo, molokaai, laanaai, kaahoolaave, maaui aur havaai. inmein havaai ka dweep sabse bada hai aur poorn praant ke naam se bhinn karne ke liye use kabhi-kabhi "bada dweep" bhi bulaaya jaata hai. agar baaki sabhi dveepon ko milaaya jaae to bada dweep un sabke kshetrafal se bada hai. paryatan aur janasainkhya ki drushti se chaar dweep - oaahoo (Oʻaahu), maaui (Maui), bada dweep (Hawaiʻai) aur kaauaai (Kauaʻai) - havaai ke mukhya dweep maane jaate hain. havaai ki rajdhani honolooloo oaahoo par sthit hai. maaui apne baaloo-tat (beech) ke liye vikhyaat hai. kaauaai mein dakshin bhaarateeya shaili par aadhaarit aur aagam siddhaanton par sthaapit ek sundar shaiv mandir hai.

parichay

haavaai prashaant mahaasaagarasthit ek saagareeya raajya (Oceanic state) hai. 21 August 1959 E. ko sanyukt raajya, amareeka ke 50vein raajya ke roop mein sammilit hua. yeh saanafraansisko se 3,344 kimi dakshin pashchim ki or sthit hai. mukhya dveepasamooh mein haavaai, maui (Maui), ohain (Oahu) molokai (Molokai), lanaai (Lanai), nihaau (Niihau) tatha kahoolaav (Kahoolawe) niktavarti chhote dweep ke saath sammilit hain.

iska poora kshetrafal 16,576 varg kimi hai. haavaai dveepon ka mukhya samooh jvaalaamukhi ke udgaar se bana hai aur adhikaashat: pahaadi hai. samudratal se ooainchaai haavaai dweep ki maauna ki choti par 13,784 foot hai. aantarik bhaag adhikaansh jangali hai aur sundar ghaatiyon tatha chhoti chhoti nadiyon se paripoorn hai. yahaaain par koi badi nadi athva jheel naheen hai. kuaai (Kauai) mein prasiddh vemi (Waimea) kainiyn hai. havaai mein jvaalaamukhi tatha laava ugalanevaala pahaad hai jo darshakon ke liye bada chittaakarshak hai.

haavaai ki jalavaayu aardr aur sam hai. vyaapaarik vaayuon ke maarg mein sthit hone ke kaaran ye dveepasamooh akshaanshon ki ooainchaai se bhi adhik thandhe aur sheetoshn hain. uttari poorvi bhaag mein dakshini poorvi bhaag ki apeksha adhik varsha hoti hai. samudri dhaaraaeain thandak ko prabhaavit karti hain. ausat dainik taapaantar honoluloo mein 10 degree faarenahaait hai aur adhiktam tatha nyoonatam taap kramash: 88 degree fa. tatha 56 degree fa. hain.

sheetoshn pradesheeya vanaspati bahutaayat se pai jaati hai. yahaaain vividh prakaar ke pashu pakshi aur tateeya pradeshon mein machhaliyaaain adhik maatra mein pai jaati hain.

cheeni udyog mein bahut log lage hain. annanaas (Pineapple) udyog, falon tatha rason ke vyaapaar se 10 karod dollar ki praapti hoti hai. doosare udyogon mein pashu tatha murgeepaalan aur kaufi aadi ka utpaadan aata hai. krushi ka audyogikran hua hai aur krushi utpaadan amareeka ke baajaaron mein niryaat kiya jaane laga hai.

vaayuyaatra bahut adhik badh gayi hai. jalayaanon ka gamanaagaman haavaai aur prashaant saagar ke Amreeki sthal ke beech hota hai. havaai bahut se jalamaargon ka kendra hai. 1960 E. mein 4728 kimi lambi pakki sadkein theen. ek jalayaan yaatra vyavastha dvaara in dveepon ke vibhinn bhaagon mein yaataayaat ka kram chalta hai. yahaaain par 13 vyaapaarik vaayuyaan ke adde hain. haavaai ke nivaasi praaya: isaai hain. 1907 E. mein haavaai vishvavidyaalaya ki sthaapana hui.

is dweep ki aadi sanskruti aadhunik sanskruti ke prabhaav se lagbhag nasht ho chuki hai. yeh dweep sarvapratham poleeneshiyn jaatiyon dvaara basa jinki utpatti dakshini poorvi Asia mein maani jaati hai. kaipten James cook ne 1778 E. mein haavaai dveepon ka bhraman kiya aur iska naam sainavich (Sanwich) dweep rakha.

inhein bhi dekhein